31.01 F
Washington DC
March 2, 2021
Satenaw Ethiopian News/Breaking News
Amharic News

ጠ/ሚ ዐቢይ አሕመድ የክልል ፕሬዚዳንቶችና ርዕሰ መስተዳድሮች ለትግራይ ክልል ጊዜያዊ መስተዳድር የሚሆን የአንድነት ንቅናቄን አስጀምሩ

አዲስ አበባ፣ የካቲት 11፣ 2013 (ኤፍ ቢ ሲ) ጠቅላይ ሚኒስትር ዐቢይ አሕመድ የክልል ፕሬዚዳንቶች እና የከተማ ርዕሰ መስተዳድሮች ለትግራይ ክልል ጊዜያዊ መስተዳድር እንዲሁም ለክልሉ ሕዝብ የሚሆን የአንድነት ንቅናቄን አስጀምረዋል።

ንቅናቄው ዛሬ ከሰዓት በበይነ መረብ በታገዘ ስብሰባ መጀመሩን ነው የጠቅላይ ሚኒስትር ጽህፈት ቤት ያስታወቀው፡፡

የአንድነት ንቅናቄው ክልሎች፣ የፌደራል ተቋማት እንዲሁም ሌሎች ባለድርሻ አካላት በመከናወን ላይ ያለውን ሰብዓዊ እርዳታ እንዲደግፉ የማስቻል ዓላማን መያዙ ተነግሯል።

በጊዜያዊ አስተዳደሩ አማካኝነት ለትግራይ ሕዝብ ከሚደርሱ ምግብ እና ምግብ ነክ ያልሆኑ አቅርቦቶች በተጨማሪ፣ የክልል ፕሬዚዳንቶች  አስተዳደሩ የሕዝብ አገልግሎት አሰጣጥ ግዴታዎቹን ለመወጣት እንዲችል ቀጥተኛ ድጋፍ ለማድረግ ቃል ገብተዋል።

በዚህም መሠረት፣ እያንዳንዱ ክልል ቃል የገባቸው ተሽከርካሪዎች፣ ልዩ ልዩ ቁሳቁስ እና መገልገያዎች፣ ለአርሶ አደሮች የሚቀርቡ ዘሮች፣ አምቡላንሶች፣ መድሃኒት እንዲሁም የገንዘብ ድጋፍ በሚቀጥሉት ቀናት ለጊዜያዊ አስተዳደሩ እንደሚደርሱ ነው የተገለጸው።

ጠቅላይ ሚኒስትር ዐቢይ አሕመድ ሁሉም የኢትዮጵያ ሕዝብ ትግራይን መልሶ ለመገንባት የአንድነት ንቅናቄው የሚችለውን አስተዋጽኦ ሁሉ እንዲያደርግ ጥሪያቸውን አቅርበዋል።

ጠቅላይ ሚኒስትሩ በተጨማሪ በፌስቡክ ገጻቸው “የትግራይ ክልል ተመልሳ በምትገነባበት በዚህ ወቅት በሀገራዊ አንድነት ድጋፍ ለማሰባሰብ ተስማምተናል” ብለዋል።

ለዚሁ የአንድነት ተግባር “የአንድ ወር ደሞዜን፣ ከመደመር መጽሐፍ ሽያጭ 200 ሺህ ብር” እንዲሁም በጠቅላይ ሚኒስትር ጽ/ቤት በኩል ሦስት የውኃ ማመላለሻ ባለታንከር መኪናዎችን መለገሳቸውን ገልጸዋል።

 

ምንጭ፡-አልጀዚራወቅታዊ፣ ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር ከእኛ ጋር ስላሉ እናመሰግናለን!

 

 

 

 

 



Source link

Related posts

በመቐለ ከተማ የንግድ እንቅስቃሴ ተጀመረ

admin

በየዋሻው የተደበቁ የጁንታው ቡድን አባላት በሰላማዊ መንገድ እጅ እንዲሰጡ የመከላከያ ሰራዊት ጥሪ አቀረበ

admin

በድባጤ ወረዳ ሳስ ማንደን ቀበሌ የእርቅ ስነ-ስርዓት ተፈፀመ

admin