63.52 F
Washington DC
May 6, 2021
Satenaw Ethiopian News/Breaking News
Amharic News

ጠቅላይ ሚኒስትር ዐቢይ አህመድ የአርቴፊሻል ኢንተሊጀንስ ዓውደ ርዕይን ጎበኙ

አዲስ አበባ ፣ ሚያዝያ 9 ፣ 2013 (ኤፍ ቢ ሲ) ጠቅላይ ሚኒስትር ዐቢይ አህመድ የአርቴፊሻል ኢንተሊጀንስ ማዕከል ያዘጋጀውን ዓውደ ጥናትና ዓውደ ርዕይን ጎብኝተዋል።

ከትናንት በስቲያ በአዲስ አበባ ኢንተርኮንቲኔንታል ሆቴል የተከፈተውና በኢትዮጵያ የመጀመሪያ የሆነው የአርቴፊሻል ኢንተሊጀንስ ዓውደ ጥናትና ዓውደ ርዕይ ዛሬም ቀጥሏል።

ጠቅላይ ሚኒስትር ዐቢይ በዓውደ ርዕዩ ላይ ተገኝተው የአርቲፊሻል ኢንተሊጀንስ ስራዎችን ጎብኝተዋል።

አርቴፊሻል ኢንተሊጀንስ የሰው ልጅ በተፈጥሮና በሕይወት ዑደት የሚያገኛቸውን የማሰብ፣ የመገንዘብ የማመዛዘን፣ የማቀድ፣ ምክንያታዊ የመሆን፣ የመማርና በቋንቋ የመግባባት ክህሎቶችን በረቀቀ ቀመር ማሽኖችን በማስተማር የተለያዩ ተግባራትን ማከናወን የሚያስችል ቴክኖሎጂ ነው፡፡

የማዕከሉ የኮሙኒኬሽን ዳይሬክተር አቶ ተስፋዬ ዘውዴ ኢትዮጵያ ቴክኖሎጂውን በመጠቀም በጤና፣ በትምህርት፣ በግብርና፣ በፋይናንስ፣ በትራንስፖርት፣ በሚቲዎሮሎጂ፣ በኤሮስፔስ እና ሌሎች ዘርፎች ገቢራዊ ለማድረግ ስራውን ጀምራለች ብለዋል።

የዐውደ ርዕዩ ዓላማም የአርቴፊሻል ኢንተሊጀንስ ቴክኖሎጂን ምንነት ግንዛቤ መፍጠር ላይ ትኩረት ማድረጉን ገልጸዋል።

በአውደ ርዕዩ የተሳተፉ ድርጅቶችና ተቋማት መንግስት ለዘርፉ የሰጠው ትኩረት ከፍተኛ መሆኑንና ለግሉ ዘርፍ የሚደረገው ድጋፍ ከተጠናከረ ሌሎች አገራት በዘርፉ የደረሱበት ደረጃ መድረስ እንደሚቻል መናገራቸውን ኢዜአ ዘግቧል።

ማዕከሉ አገር አቀፍ የምርምርና ልማት ማዕከል በማቋቋምና የመለኪያ መስፈርቶችን በማዘጋጀት የዲጂታል ዳታ ክምችትን በጥራት እያከናወነ መሆኑ ተገልጿል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡-https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 



Source link

Related posts

አብይ፣ ለማና የጃዋር ካልኩሌተር (አበበ ገላው)

admin

መንግስት የፖለቲካ ምህዳሩን እንዳሰፋው ሁሉ ተፎካካሪ የፖለቲካ ፓርቲዎችም የድርሻቸውን ሊወጡ ይገባል- አቶ ታዬ ደንደአ

admin

በተለያዩ የኢትዮጵያ አካባቢዎች በሚኖር የአማራ ሕዝብ ላይ የሚደርሰው ግድያና መፈናቀል ሊቆም እንደሚገባ የምክር ቤት አባላት ጠየቁ፡፡

admin