70 F
Washington DC
April 10, 2021
Satenaw Ethiopian News/Breaking News
Amharic News

ጎርጎራ እንደገና ስታበራ። | የአማራ ብዙኃን መገናኛ ድርጅት

ጎርጎራ እንደገና ስታበራ።

ባሕር ዳር: የካቲት 28/2013 ዓ.ም (አብመድ) ዓመቱን ሙሉ አረንጓዴ የማያጣውና የረጋው የደምቢያ መሬት ጤዛ ባልተለየው ውበት ፀሐዯ ስትወጣ የበለጠ ያምርበታል፡፡ ጠዋትነት ያልገደባቸው የአካባቢው ነዋሪዎች መንገዱን በክብር እና በፍቅር ሞልተውታል፡፡

ነዋሪዎቹ የተረሳን ቀደምትነት ዳግም ለመመለስ ከፍ ያለ ተስፋ አድሮባቸዋል፡፡ ከወታደራዊ እና የሶሻሊስት ርዕዮተ ዓለም መንግሥት መሪው ኮሌኔል መንግሥቱ ኃይለማሪያም በኋላ ይህች ቀደምት እና ታሪካዊ ስፍራ ለዳግም ትንሳኤዋ ከስዓታት በኋላ ዛሬ ውል ታስራለች፡፡

‹‹በገበታ ለሀገር›› መርሐ ግብር እንደሀገር ከሚለሙት ሦስት ፕሮጀክቶች መካከል አንዷ በደምቢያ የባሕር ዳርቻ የምትገኘው የጎርጎራ ወደብ ነች፡፡

ለዘመነ መሳፍንት ማክተም ምክንያት ከሆነው ዘመናዊ የመንግሥት አስተዳደር እሳቤ መመስረት እና ማበብ ጋር የጠበቀ ግንኙነት አለው– ደምቢያ፡፡ ለነፃ የሀገረ መንግሥት ምስረታ አያሌ መስዋዕትነት ከተከፈለባቸው ቦታዎች መካከል ቀድሞም ይጠቀሳል፡፡

ከሮም እስከ ፋሽስት፣ ከግራኝ አህመድ እስከ ዮዲት፣ ከሐማሴኖች እስከ ሚሲዮናዊያን የደምቢያን ሐይቅ ዳር አብዝተው ተመኝተውታል፡፡

ከ700 ዓመታት በፊት ከአፄ አምደ ፅዮን ዘመነ ንግስና ቀድማ የነገስታትን ቀልብ የሳበችው ጎርጎራ ከአፄ አምደ ፅዮን እስከ ሰርፀ ድንግል፤ ከአፄ ፋሲል እስከ አፄ ሱስንዮስ፤ ከግራኝ አህመድ እስከ ፋሽስት ጣሊያን፣ ከአፄ ኃይለ ስላሴ እስከ ኮሎኔል መንግስቱ በጎርጎራ አሻራቸውን አሳርፈው አልፈዋል፡፡

በዘመነ ኢህአዴግ እስከ መፈጠሯ ተረስታ ሦስት አስርት ዓመታትን ካሳለፈች በኋላ አሁን ላይ ትንሳዔዋ ይበሰር ዘንድ ዛሬን መጠበቅ ግድ ብሏት ነበር፡፡

ጠቅላይ ሚኒስትር ዐቢይ አሕመድን (ዶክተር) ጨምሮ ከፍተኛ የፌዴራል መንግሥት የሥራ ኀላፊዎች፣ የክልል ቢሮ ኀላፊዎች፣ የከፍተኛ ትምህርት ተቋማት መሪዎች፣ ተጋባዥ እንግዶች እና የአካባቢው ማሕበረሰብ በተገኙበት የጎርጎራ ‹‹የገበታ ለሀገር›› መርሃ ግብር ሥራ በይፋ ይጀመራል ተብሎ ይታሰባል፡፡

ይፋዊ የሥራውን አጀመማመር በተመለከተም ዝርዝር መረጃዎችን እናደርሳለን፡፡

ዘጋቢ፡- ታዘብ አራጋው -ጎርጎራ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የፖለቲካ ፓርቲዎች የምረጡኝ ቅስቀሳ ሲያካሂዱ ከጥላቻ ንግግር በጸዳ መልኩ መሆን እንዳለበት የሕግ ምሁር ገለጹ፡፡

admin

ትግራይ እንዴት ሰነበተች? – (ክፍል 2)

admin

የነዳጅ ጭማሪው ወቅቱን የጠበቀ ነው! (ይነጋል በላቸው)

admin