70.74 F
Washington DC
May 14, 2021
Satenaw Ethiopian News/Breaking News
Amharic News

“ግድቡ ከሚሰጠው የቀጥታ ጥቅም ባለፈ የሀገር ቅርስም ነው” የባሕር ዳር ከተማ ነዋሪዎች።

“ግድቡ ከሚሰጠው የቀጥታ ጥቅም ባለፈ የሀገር ቅርስም ነው” የባሕር ዳር ከተማ ነዋሪዎች።

ባሕር ዳር፡ ሚያዝያ 08/2013 ዓ.ም (አሚኮ) ታላቁ የኢትዮጵያ ሕዳሴ ግድብ ከሚሰጠው የኀይል ጥቅም በዘለለ የሀገሪቱ ቅርስ በመሆን ገጽታን ሊገነባ እንደሚችል አሚኮ ያነጋገራቸው የባሕር ዳር ነዋሪዎች ተናግረዋል። ይህ ትውልድ ይህን ግድብ መጨረስ እና ለቀጣይ ትውልድም ማስተላለፍ ከቻለ እንዳባቶቹ ሁሉ የሚነገርለት በጎ ታሪክ ይኖረዋል ብለዋል ነዋሪዎቹ፡፡

ግድቡ ኢትዮጵያን ከውጪው ዓለም ጋር ከማስተዋወቅ አንፃር ጉልህ ሚና እንደሚጫወት የባሕር ዳር ከተማ ነዋሪው አቶ ድምበሩ እንዳይላሉ ነግረውናል። ታላቁ የኢትዮጵያ ሕዳሴ ግድብ ሲጠናቀቅ እንደ ላልይበላ፣ የፋሲል ግንብ፣ የሰሜን ተራሮች፣ የጀጎልና ሌሎች የሀገራችን ቅርሶች ሊመደብ የሚችል ነው ብለዋል። ኢትዮጵያዊያን ከጫፍ እስከ ጫፍ በገንዘባቸው፣ በጉልበታቸውና በዕውቀታቸው እየገነቡት ያለው ግድብ እንደ ሀውልት ሆኖ ለትውልድ እንዲተላለፍ ሁሉም ትኩረት ሊሰጠው ይገባል ብለዋል።

ግድቡ ዘርፈ ብዙ ጥቅም የሚሰጥ በመሆኑ ከውጪም ሆነ ከውስጥ ሊያጋጥመው የሚችለውን አደጋ በጋራ ሆኖ መመከት እንደሚገባ ነው አቶ ድምበሩ የገለጹልን።

በባሕር ዳር ከተማ አስተዳደር የሹማቦ 2ኛ ደረጃ ትምህርት ቤት የ9ኛ ክፍል ተማሪ ዮርዳኖስ ሶሎሞን ግድቡ ኢትዮጵያዊያን የጋራ አሻራቸውን ያሳረፉበት የማንነታቸው መገለጫ ነው ብላለች። ታላቁ የኢትዮጵያ ሕዳሴ ግድብ ለትውልዱ ተምሣሌት ስለመሆኑ ከሥሙ መረዳት ይቻላል ነው ያለችው ተማሪ ዮርዳኖስ። በመተባበር እየተገነባ እንደመሆኑ መጠን በጋራ መጠበቅ እንደሚገባም ተማሪዋ ተናግራለች።

ሌላው የከተማዋ ነዋሪ ታዴዎስ ካሳው ታላቁ የኢትዮጵያ ሕዳሴ ግድብ ተገንብቶ ሲጠናቀቅ የኢኮኖሚ ጠቀሜታ ከማስገኘቱ ባለፈ ከቀሪው ዓለም ጋር ሊያስተዋውቅ የሚችል እንደ ሥሙ ታላቅ ቅርስ ነው ብለዋል። አቶ ታዴዎስ “ኢትዮጵያውያን አንድ የሚያደርገን፣ የጋራ አሻራችን ያረፈበት ሥራ ሠርተናል፤ ስለዚህ የጋራ ቅርሳችንን ነው ያስቀመጥነው ካልን ለደኅንነቱ ደግሞ በጋራ ዘብ መቆም ይጠበቅብናል” ብለዋል። አቶ ታዴዎስ ግድቡ ከሚሰጠው የኀይል አቅርቦት በተጨማሪ የሀገር ቅርስ ሊሆን ሊሆን እንደሚችልም ተናገረዋል።

በሎተሪ ማዞር ሥራ የሚተዳደረው የባሕር ዳር ከተማ ነዋሪው ወጣት ይትባረክ ታደለ “ግድቡ እንደሌሎቹ ሀገራት በብድር አለያም በእርዳታ ሳይሆን በኢትዮጵያውያን በራሳቸው እውቀት እና ገንዘብ የተገነባ በመሆኑ የበለጠ ያስተዋውቀናል” ነው ያለው። ወጣቱ በሰጠው አስተያየት በግድቡ ላይ ሊቃጣ የሚችለውን ማንኛውንም ጥቃት ሳይለያዩ አንድ በመኾን መመከት እንደሚገባም ጠቅሷል።

አቶ ታዬ ሽባባው የተባሉ ነዋሪ ደግሞ ወደፊት ግድቡ በአካባቢው ከሚሠራው ሥራና ከሚሰጠው ጥቅም አንፃር በርካታ ጎብኚዎችን ሊያስተናግድ ይችላል ብለዋል። ግድቡ ኢትዮጵያን ብቻ ሳይሆን የጎረቤት ሀገራትንም የሚጠቅም የሀገር ዋልታ መሆኑን አስረድተዋል ።

ሁሉም ኢትዮጵያዊ ግድቡን ለመጠበቅ አስፈላጊውን መስዋዕትነት ሁሉ ሊከፍሉለት እንደሚገባም ነዋሪው ተናግረዋል።

ዘጋቢ:- ቡሩክ ተሾመ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ኢትዮጵያዊ አንድነት በእኩልነት – ጆቢር ሔይኢ ከሁስተን ቴክሳስ | Ethiopian News | ዘ-ሐበሻ | Latest News Provider

admin

በምርጫ የሕግ ማዕቀፎች ዙሪያ ለፌደራል እና ክልል የፍትሕ ተቋማት ባለሙያዎች ሥልጠና እየተሰጠ ነው

admin

ሕዝቡ በበዓል ግብይት ጊዜ በሐሰተኛ ገንዘብ እንዳይታለል ጥንቃቄ ማድረግ እንዳለበት ተገለጸ፡፡

admin