61.99 F
Washington DC
May 11, 2021
Satenaw Ethiopian News/Breaking News
Amharic News

“ግብጽና ሱዳን የሕዳሴ ግድብ የሦስትዮሽ ድርድር ከአፍሪካ ሕብረት ማዕቀፍ እንዲወጣ እየጣሩ ነው” የውጭ ጉዳይ ሚኒስቴር

“ግብጽና ሱዳን የሕዳሴ ግድብ የሦስትዮሽ ድርድር ከአፍሪካ ሕብረት ማዕቀፍ እንዲወጣ እየጣሩ ነው” የውጭ ጉዳይ ሚኒስቴር

ባሕር ዳር፡ ሚያዚያ 07/2013 ዓ.ም (አሚኮ) ግብጽና ሱዳን የሕዳሴ ግድብ የሦስትዮሽ ድርድር ከአፍሪካ ሕብረት ማዕቀፍ እንዲወጣ እየጣሩ መሆኑን የኢፌዴሪ የውጭ ጉዳይ ሚኒስቴር ገለጸ።

የውጭ ጉዳይ ሚኒስቴር ቃል ዐቀባይ አምባሳደር ዲና ሙፍቲ በኢትዮጵያ ዓበይት ዲፕሎማሲያዊ ክንውኖች ዙሪያ መግለጫ ሰጥተዋል።

በዴሞክራቲክ ኮንጎ በተካሄደው የሕዳሴ ግድብ የሦስትዮሽ ድርድር ኢትዮጵያ ይዛው የነበረው አቋም “ለአፍሪካ ችግሮች አፍሪካዊ መፍትሔ” በሚል መርህ መሆኑን አምባሳደር ዲና ገልጸዋል።

ኢትዮጵያ ይህን መርህ የምትከተለው ዓባይ በአፍሪካ ሀገራት የሚፈስ የአህጉሪቷ ወንዝ በመሆኑና የተፋሰሱ ሀገራት አፍሪካዊያን በመሆናቸው የሦስትዮሽ ድርድሩ መፍትሔም በአፍሪካ ነው ብላ ስለምታምን ነው ብለዋል። ይሁንና ግብጽና ሱዳን የሦስትዮሽ ድርድሩን ከአፍሪካ ሕብረት ማዕቀፍ ለማውጣት አሳማኝ ያልሆኑ ምክንያቶችን በመጥቀስ በኪንሻሳው ድርድር በግልጽ መታየቱን አመልክተዋል።

ኢትዮጵያ በግድቡ የውኃ ሙሌትና አስተዳደር ላይ ቅድሚያ እንጋገር የሚል ሀሳብ ስታቀርብ ግብጽና ሱዳን የውኃ ሙሌቱ ከመከናወኑ በፊት የዓባይ ወንዝ ውኃ ድርሻና ክፍፍል ሕጋዊ ስምምነት መፈረም አለበት ሲሉ አቋማቸውን ማንጸባረቃቸውን ጠቅሰዋል። በተለይ ሱዳን በድርድሩ የሚሳተፉ ታዛቢዎች ከአፍሪካ ሕብረት እኩል ሚና ይኑራቸው በሚል ያቀረቡት ሀሳብ ኢትዮጵያ ጥያቄውን አለመቀበሏን ነው አምባሳደር ዲና ያስረዱት።

ኢትዮጵያ አሁንም ቢሆን ድርድሩ በአፍሪካ ሕብረት መፍትሔ ያገኛል ብላ እንደምታምንና በሕብረቱ ማዕቀፍ ድርድሩ እንዲቀጥል ጥረት ታደርጋለች ማለታቸውን ኢዜአ ዘግቧል፡፡

በአጠቃላይ ግብጽና ሱዳን የሦስትዮሽ ድርድሩ በአፍሪካ ሕብረት ማዕቀፍና አደራዳሪነት እንዲቀጥል ፍላጎት አላሳዩም ብለዋል።

ሱዳን በሕዳሴ ግድቡ ለምታነሳቸው ጉዳዮች ኢትዮጵያ ቀደም ብላ በቂ ምላሽ በመስጠቷ በድርድሩ ላይ ቀረኝ ብላ ልታነሳው የምትችለው አጀንዳም የለም ነው ያሉት፡፡

የግድቡን ደኅንነት፣ የግድቡን ሙሌትና በአጠቃላይ በግድቡ ዙሪያ ሱዳን መረጃዎችን እንደምትፈልግና ኢትዮጵያ መረጃዎቹን ለመስጠት ዝግጁ መሆኗን ማሳወቋን ገልጸዋል።

የሱዳን ጠቅላይ ሚኒስትር አብደላ ሀምዶክ የሦስትዮሽ ድርድሩ በሀገራት መሪዎች በዝግ ይካሄድ በሚል ያቀረቡትን ሃሳብ ጥናት በማድረግ ይፋዊ ምላሽ እንደምትሰጥበት አመልክተዋል።

ከሱዳን ጋር ያለውን የድንበር ጉዳይ አስመልክቶም ኢትዮጵያ እ.አ.አ 1972 በሁለቱ ሀገራት መካከል በተፈረመው የማስታወሻ ልውውጥ ስምምነት መሰረት በውይይት ለመፍታት ዝግጁ መሆኗን ገልጸዋል።

በተጨማሪም ኢትዮጵያ “የሱዳንን ሕዝብ ጥቅም ከሚወክል ማንኛውም ኃይል” ጋር መሥራት ትፈልጋለች ብለዋል።

በሌላ በኩል በትግራይ ክልል የሰብዓዊ ድጋፍ ተደራሽነት በተደጋጋሚ ጊዜ ጥያቄ ሲያቀርቡ የነበሩ ዓለምአቀፍ ተቋማት በሩ ሲከፈትላቸው እያደረጉት ያለው ድጋፍ በቂ እንዳልሆነ አስረድተዋል።

ከዜጋ ተኮር ዲፕሎማሲ አንጻር በተያዘው ሳምንት ከሳዑዲ አረቢያ እና የመን 2 ሺህ 344 ዜጎች ወደ ሀገራቸው እንዲመለሱ መደረጉንም ነው አምባሳደር ዲና የገለጹት።

ኢትዮጵያ የታላቁ የኢትዮጵያ ሕዳሴ ግድብ የሁለተኛውን ዙር ውኃ ሙሌት ከመጀመሯ በፊት መረጃ ለመለዋዋጥ እንዲቻል ግብጽና ሱዳን ባለሙያዎችን እንዲመድቡ ያቀረበችውን ጥሪ ሀገራቱ አለመቀበላቸው የሚታወስ ነው።

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የተያዘው የጸሎት ፕሮግራም እመኑኝ አይሠራም! – ፍርዱ ዘገዬ | Ethiopian News | ዘ-ሐበሻ | Latest News Provider

admin

የስኳር ፋብሪካዎች ተሽጠው ዕዳቸውን እንዲከፍሉ ተወሰነ

admin

በዓለም ላይ በህገ-ወጥ መንገድ የተገኘ ገንዘብን ሕጋዊ በማስመሰል ከ800 ቢሊየን እስከ 2 ትሪሊየን ይመዘበራል ተባለ

admin