71.98 F
Washington DC
May 17, 2021
Satenaw Ethiopian News/Breaking News
Amharic News

ጀኔራል ብርሃኑ ጁላ በኢትዮጵያ ከእንግሊዝ አምባሳደር ጋር ተወያዩ

አዲስ አበባ፣ ሚያዝያ 21፣ 2013 (ኤፍ ቢ ሲ) የኢፌዴሪ ጦር ሃይሎች ጠቅላይ ኤታማዦር ሹም ጀኔራል ብርሃኑ ጁላ በኢትዮጵያ ከእንግሊዝ አምባሳደር አሊስተር ሚሲፔል ጋር ተወያዩ፡፡
በውይይቱ በአፍሪካ ቀንድ እና በቀጣናው የሰላምና ደህንነት ጉዳዮች እንዲሁም በኢትዮጵያ ወቅታዊ ሁኔታ ላይ መክረዋል፡፡
የኢፌዴሪ ጦር ሃይሎች ጠቅላይ ኤታማዦር ሹም ጄነራል ብርሀኑ ጁላ ኢትዮጵያ ካለችበት አሁናዊ ሁኔታ አንጻር ከቀጠናው ሃገራት ጋር ያሉትን የእርስ በርስ ግንኙነቶች በማጤን ለዘላቂ ሰላም ላይ በትኩረት በመሰራት ላይ መሆኑን ገልፀዋል፡፡
በአህጉራዊ የሰላም ማስከበር ተልዕኮ እየተሰሩ ያሉ ስራዎችም ተጠናክረው እንደሚቀጥሉና የኢትዮጵያ ሰራዊት የአህገሪቱን ሰላምና ደህንነት ለማስጠበቅ በአስተማማኝ ቁመና ላይ እንደሚገኝ አረጋግጠዋል፡፡
አምባሳደር አሊስተር ሚሲፔል በበኩላቸው እንግሊዝ ከፈረንጆቹ 2020 ጀምሮ ከአፍሪካ ሃገራት ጋር እንደ አዲስ በመቃኘት የጀመረቸውን የግንኙነት ምዕራፍ በመርህ ላይ በተመሰረተ አኳዃን ለማስኬድ ከኢትዮጵያ ጋር ያለው የሁለትዮሽ ግንኙነት ግልህ ሚና ይጫወታል ብለዋል ፡፡
ከኢትዮጵያ ጋር ያላቸውን ስትራቴጂክ አጋርነት ወደ ላቀ ምዕራፍ ለማሸጋገርም በወታደራዊና የሰላም እንዲሁም በሌሎች ተያያዥ ጉዳዮች ላይ ያተኮሩ ውይይቶች ማድረጋቸውን ተናግረዋል፡፡
በቅርቡ በትግራይ የተካሄደው የህግ ማስከበር ዘመቻ ለሃገሪቱ የህግ የበላይነትን የማረጋገጥ ሂደትና ለቀጠናው ዙሪያ መለስ ሰላምና ደህንነት አስተዋፅኦ ያበረከተ መሆኑን ገልፀዋል፡፡
በቀጣይ ከሚካሄዱ ሃገራዊ ሁነቶችና ሌሎች ጉዳዮች አንፃር የእንግሊዝ መንግስት ድጋፍ እንደሚያደርግ ማስታወቃቸውን ከመከላከያ ሰራዊት ያገኘነው መረጃ ያመላክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡-

https://www.facebook.com/fanabroadcasting
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

The post ጀኔራል ብርሃኑ ጁላ በኢትዮጵያ ከእንግሊዝ አምባሳደር ጋር ተወያዩ appeared first on Welcome to Fana Broadcasting Corporate S.C.



Source link

Related posts

“የአውሮፓ ሕብረት በድህረ ምርጫ ከምርጫ ቦርድ በፊት መግለጫ መስጠት አለብኝ ብሎ ማቅረቡ የምርጫ ቦርድን ስልጣንና የሀገራችንን ሉዓላዊነት በእጅጉ የሚዳፈር ሆኖ አግኝተነዋል” የአማራ ክልል የፖለቲካ ፓርቲዎች የጋራ ምክር ቤት የጋራ ምክር ቤቱ ዛሬ በተለያዩ አጀንዳዎች ላይ ያደረገውን ውይይት አስመልክቶ መግለጫ አውጥቷል።

admin

የ2013 ሀገራዊ ምርጫ ስኬታማ ሆኖ እንዲጠናቀቅ እየሠራ መሆኑን ኢዜማ ገለጸ፡፡

admin

በመከላከያ ሰራዊት ላይ ጥቃት እንዲደርስ የመሩና ያቀናጁ የሕወሃት አመራሮች ለዚህ ሁሉ ጥፋት ተጠያቂ ናቸው-የቀድሞ የሕወሃት ታጣቂዎች

admin