61.75 F
Washington DC
June 18, 2021
Satenaw Ethiopian News/Breaking News
Amharic News

የ2013 ዓ.ም የተፈጥሮ ሃብት ልማት ጥበቃ ሥራ ከ50 በመቶ በላይ መጠናቀቁን የክልሉ ግብርና ቢሮ አስታወቀ፡፡



የ2013 ዓ.ም የተፈጥሮ ሃብት ልማት ጥበቃ ሥራ ከ50 በመቶ በላይ መጠናቀቁን የክልሉ ግብርና ቢሮ አስታወቀ፡፡
ባሕር ዳር: መጋቢት 03/2013 ዓ.ም (አብመድ) አርሶ አደር ታከለ በሰሜን ሽዋ ዞን ሚዳ ወረሞ ወረዳ አጋማ ቀበሌ ነዋሪ
ናቸው፡፡ አቶ ታከለ በየዓመቱ በቀበሌያቸው በሚሠራው የተፈጥሮ ሀብት ልማት ጥበቃ ሥራ ተሳታፊ ናቸው፡፡ የተፈጥሮ ሀብት
ልማት ጥበቃ ሥራው በአግባቡ በመሠራቱ ተጠቃሚ ሆነዋል፡፡
አርሶ አደር ታከለ በተፋሰሱ አካባቢ ቋሚ ተክሎች በመትከላቸው ገቢ ማግኘት ጀምረዋል፡፡ እነ አቶ ታከለ አካባቢው ለእንስሳት
እርባታ ምቹ በመሆኑ ከብቶቻቸውን አስረው እየቀለቡ መሆኑን ተናግረዋል፡፡ ከብቶች ታስረው በመዋላቸው በከብቶች እግር
ይበላሽና ጉዳት ይደርስባቸው የነበሩ ቦረቦር አካባቢዎች አገግመው ጥቅም እየሰጡ ነው፡፡
በሰሜን ሸዋ ዞን ሚዳ ወረሞ ወረዳ ሽርቻ አረዳዩ ቀበሌ ነዋሪ የሆኑት አርሶ አደር አበራ ፈለቀም በተከታታይ ዓመታት የተፈጥሮ
ሀብት ልማት ጥበቃ ሥራ በመሠራቱ አካባቢው ለሠዎችም ሆነ ለእንስሳት ምቹ እየሆነ ነው ብለዋል፡፡ አሁን እንስሳትን ለመመገብ
ከቦታ ቦታ መንቀሳቀስ ቀርቷል ብለዋል፡፡ እንስሳትን ባገገመው ተፋሰስ ላይ ከሚበቅለው ሳር እየታጨደ እንደሚመገቡ አቶ አበራ
ነግረውናል፡፡
በሚዳ ወረሞ ወረዳ የግብርና ጽሕፈት ቤት ኀላፊ በጋሻው ጠጉ በወረዳው 54 ተፋሰሶችን ለመሥራት መታቀዱን ነግረውናል፡፡
የተፈጥሮ ሀብት ጥበቃው በወረዳው ጥር 14/2013 ዓ.ም የሃይማኖት አባቶችና የወረዳ የሥራ ኀላፊዎች በተገኙበት ውይይት
በማድረግ ሥራው ጥር 17/2013 ዓ.ም ተጀምሯል ብለዋል፡፡
አቶ በጋሻው በወረዳው በስምንት ቀበሌዎች ላይ 15 ተፋሰሶች አገግመው ገቢ ማስገኘት በመጀመራቸው አርሶ አደሮች ልምድ
እንዲወስዱ መደረጉን ነግረውናል፡፡
በአማራ ክልል ጥር 04/2013 ዓ.ም በንቅናቄ የተጀመረው የተፈጥሮ ሃብት ልማት ጥበቃ ሥራ በሚሊዮን የሚቆጠር የሰው
ኃይል እየተሳተፈበት ነው፡፡ የአማራ ክልል ግብርና ቢሮ የተፈጥሮ ሃብት ልማት ጥበቃ ዳይሬክቶሬት ተወካይ ዳይሬክተር
እስመለዓለም ምህረት በአማራ ክልል ሁሉም ዞኖችና ወረዳዎች ወደ ሥራ መገባቱን ተናግረዋል፡፡
በ2013 ዓ.ም በ328 ሺህ ሄክታር መሬት የሚሸፍን የተፈጥሮ ሃብት ጥበቃ ሥራ ለመሥራት ነው በእቅድ ተይዞ እየተከናወነ
ያለው፤ በ3 ሺህ 381 ቀበሌዎች ውስጥ የሚገኙ 7 ሺህ 971 ተፋሰሶች ወደ ሥራ ገብተዋል፡፡ በእቅድ ከተያዘው 49 ነጥብ 9
በመቶ ያህል የሰው ኃይል እየተሳተፈ መሆኑንም አስረድተዋል፡፡ በእቅድ ከተያዘው 328 ሺህ ሄክታር መሬት 53 በመቶ ያህል
በተለያዩ የተፈጥሮ ሀብት ጥበቃ ሥራዎች ተሸፍኗል ብለዋል፡፡
እንደ አቶ እስመለአለም ማብራሪያ የተሠሩ የተፈጥሮ ሀብት ልማትና ጥበቃ ሥራዎችን በስነ-ሕይወታዊ ዘዴ ለመሸፈንም 1 ነጥብ
6 ቢሊዮን የዛፍ፣ የሳር እና የእንስሳት መኖ ችግኞችን በማፍላት ለመትከል ታቅዷል፡፡ እስካሁንም ከ250 ሺህ በላይ ችግኞች
ተፈልተዋል፡፡ በየዓመቱ የሚተከሉ ችግኞች ሙሉ በሙሉ ፀድቀው የአካባቢውን የአየር ሁኔታ እንዲያስተካክሉ ለአካባቢው
ማኅበረሰብ ኀላፊነትን የመስጠት ሥራ እየተሠራ ነው ብለዋል፡፡
ኀላፊው ያገገሙ ተፋሰሶችን ከሰውና ከእንስሳት ንክኪ ነፃ በማድረግ ቀጣይነታቸውን ለማረጋገጥ እየተሠራ መሆኑንም
ተናግረዋል፡፡
አቶ እስመለአለም ማኅበረሰቡ የተፈጥሮ ሀብት ልማት ጥበቃ ሥራውን በጊዜው በማጠናቀቅ ሌሎች የግብርና ሥራዎች ላይ
ትኩረት ሰጥቶ ሊሰራ እንደሚገባም መልእክት አስተላልፈዋል፡፡
ዘጋቢ፡- ትርንጎ ይፍሩ
ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous article”የማሕበረሰቡን ጤንነት ያረጋግጣል ያልነው የጤና መድሕን ዋስትና ችግሮች አሉበት” የአገልግሎቱ ተጠቃሚዎች
Next articleየቅዱስ ላልይበላ ውቅር አብያተ ክርስቲያናት የጥገና ጥናት፣ ውጤትና ዝርዝር አሠራር ለማኅበረሰቡ ቀርቦ ውይይት እየተደረገበት ነው፡፡

Source link

Related posts

የኢትዮጵያ የዳኝነት አገልግሎት ክፍያ ደንብ ሊሻሻል ነው፡፡

admin

የበይነመረብ ስነምግባር – ፀጋዬ ደግነህ ጉግሳ (ዶ/ር) | Ethiopian News | ዘ-ሐበሻ | Latest News Provider

admin

ፕሬዚዳንት ሳህለወርቅ መላው ህዝብ እጅ ለእጅ በመያያዝ የተፈጥሮና የሰው ሰራሽ ችግሮችን በፅናት እንዲቋቋም ጥሪ አቀረቡ

admin