76.68 F
Washington DC
June 17, 2021
Satenaw Ethiopian News/Breaking News
Amharic News

የጥፋት ሀይሎችን ህግ ፊት ለማቅረብ መንግስት እየሰራ ይገኛል- የሰላም ሚኒስቴር

አዲስ አበባ፣ ሚያዝያ 11፣ 2013(ኤፍ ቢ ሲ) ህግ ለማስከበርና ፍትህ ለማስፈን ብሎም የጥፋት ሀይሎችን ህግ ፊት ለማቅረብ መንግስት እየሰራ እንደሚገኝ የሰላም ሚኒስቴር አስታወቀ።

በተለያዩ የሀገሪቱ ክፍሎች ሰላም ወዳዱን ህዝብ ኢላማ ያደረገ ሀብትና ንብረትን ከማውደም አልፎ በንጹሀን የዜጎች ህይወት ዋጋ እያስከፈለን ያለ የጥፋት ቡድኖች ሴራ እዚህም እዚያም እያጋጠመን ይገኛል ብሏል ባወጣው መግለጫ።

በዚህም ልብ ሰባሪ አጋጣሚዎች አጋጥመዋል እያጋጠሙም ይገኛል ነው ያለው።

እነዚህ በውስጥም በውጭም ተደራጅተው የሚንቀሳቀሱ የጥፋት ሀይሎች ሰላምን ለማደፍረስ፣ ህዝብን ከህዝብ ለማጋጨትና አንድነትን ለመናድ ጥረት እያደረጉ መሆኑን መላው ህዝብ ተገንዝቦ፣ አንድ ሆኖ ከጸጥታ ሀይሉ ጋር በመተባበር ችግሩን ለመፍታት መረባረብ  ያስፈልገናል ሲል ገልጿል።

መንግስት የጸጥታ ችግሮችን ለመቅረፍ ጸጥታ በማደፍረስ ስራ ላይ በተሰማሩ የጥፋት ቡድኖች ላይ ተከታታይ እርምጃ በመውሰድ የህግ የበላይነት ለማረጋገጥና አስተማማኝ ሰላም ለማስፈን በከፍተኛ ደረጃ እየተንቀሳቀሰ እንደሚገኝ አስታውቋል።

ቤተሰብንና ወዳጅን እንኳን በአመጸኞች እጅ ይቅርና በተፈጥሮ ግዴታ ማጣት እጅግ ቅስም የሚሰብር ነው ያለው ሚኒስቴሩ ባጋጠመው የጸጥታ መታወክ ሳቢያ ቤተሰቦቻቸውንና ወዳጅ ዘመዶቻቸውን ላጡ እና ለተጎዱ ወገኖቻችን መጽናናትን ተመኝቷል።

በእስከአሁኑ ሂደት በተለያዩ ክልሎች ያጋጠሙ ችግሮችና በዜጎች ላይ የተፈጸሙ አሰቃቂና አሳዛኝ ጥቃቶችን በተመለከተ ተጠያቂነትን ለማረጋገጥ የምርመራ ስራዎች እየተከናወኑ ይገኛሉ ብሏል።

የተጀመረው ህግን የማስከበር ስራም ተጠናክሮ ይቀጥላል በማለት በመግለጫው ላይ አመልክቷል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፦https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 



Source link

Related posts

የአማራ ክልል ትምህርት ቢሮ በቅርቡ ተግባራዊ የሚኾን አዲስ የሥርዓተ ትምህርት ይፋ አድርጓል፡፡

admin

የአማራ ልዩ ኃይል ሕዝብ ሊጠብቅ እንጂ ለወረራ አልመጣም፣ የልዩ ኃይሉ ተልዕኮ ሰላምን ማምጣትና ሕዝቡን መጠብቅ ነው” የወልቃይት ጠገዴ ነዋሪዎች

admin

የዋሽንግተን ዲሲ እና አካባቢው የፐብሊክ ዲፕሎማሲ ምክር ቤት ተመሰረተ

admin