56.68 F
Washington DC
April 21, 2021
Satenaw Ethiopian News/Breaking News
Amharic News

የደብረ ብርሃን ዩኒቨርሲቲ ለአካባቢው ማኀበረሰብ የተለያዩ ማኀበራዊና ኢኮኖሚያዊ አገልግሎቶችን በመስጠት አለኝታነቱን እያሳየ መሆኑን የአማራ ክልል ርዕሰ መስተዳድር አቶ አገኘሁ ተሻገር ተናገሩ፡፡

የደብረ ብርሃን ዩኒቨርሲቲ ለአካባቢው ማኀበረሰብ የተለያዩ ማኀበራዊና ኢኮኖሚያዊ አገልግሎቶችን በመስጠት አለኝታነቱን እያሳየ መሆኑን የአማራ ክልል ርዕሰ መስተዳድር አቶ አገኘሁ ተሻገር ተናገሩ፡፡

ባሕር ዳር፡ ጥር 16/2013 ዓ.ም (አብመድ) የደብረ ብርሃን ዩኒቨርርሲቲ በሀገራችን የሁለተኛ ትውልድ ዩኒቨርሲቲዎች ውስጥ አንዱ ነው፡፡ ዩኒቨርሲቲው በዛሬው ዕለት ለ12ኛ ጊዜ በተለያዩ የትምህርት መስኮች ያሰለጠናቸውን 3ሺህ 3 መቶ 44 ተማሪወች አስመርቋል፡፡

በምረቃ ሥነ ሥርዓቱ ላይ የተገኙት የአማራ ክልል ርዕሰ መስተዳድር አቶ አገኘሁ ተሻገር ባስተላለፉት መልዕክት የደብረ ብርሃን ዩኒቨርሲቲ ለደብረ ብርሃን ከተማ በኢንቨስትመንት ዘርፉ ለሚሰማሩ አምራች ኢንዱስትሪዎችና ለከተማ አስተዳድሩ በጥናትና ምርምር የታገዘ ሙያዊ ድጋፍ በማድረግ ለከተማዋ እድገት አስተዋፅኦ እያበረከተ ነው ብለዋል፡፡

በኮሮናቫይረስ ስርጭትን መቆጣጠር እንዲቻልም ዩኒቨርሲቲው ሳኒታይዘር በማምረት በአካባቢው ለሚገኙ የጤና ተቋማት ድጋፍ አድርጓል ነው ያሉት። በኮሮናቫይረስ ምክንያት ለችግር ለተጋለጡ የህብረተሰብ ክፍሎች ድጋፍ በማድረግም አለኝታነቱን ማሳየቱን ነው ርዕሰ መስተዳድር አቶ አገኘሁ ተሻገር የተናገሩት፡፡

በኮሮናቫይረስ ምክንያት ተቀርጦ የነበረው ትምህርት እዲጀምር የተማሪዎችን ጤንነት መጠበቅ የሚያስችል ዝግጂት አድርጎ ሁሉንም ተማሪዎች በአንዴ በመቀበል ከሀገራችን ዩኒቨርሲቲዎች ብቸኛ በመሆን የደብረብርሃን ዩኒቨርሲቲ ጠንካራ አመራርና ብቃት እንዳለው ማሳየቱንም አቶ አገኘሁ ገልፀዋል፡፡

በቀጣይ በሀገራችን በተዘራው የተሳሳተ ትርክትና የተፈጠረውን ልዩነት ለማረም ዩኒቨርሲቲዎች ሳይንሳዊ ጥናትና ምርምር ማድረግና ሀገራዊ አንድነት እንዲፈጠር መሥራት ይኖርባቸዋል ብለዋል፡፡

ተመራቂ ተማሪወችም ያገኛችሁትን እውቀት ለሥራ ፈጠራና ለቴክኖሎጂ ማፍለቂያ በማዋል ሥራ ፈጣሪና ለሌሎች የሥራ እድል በመፍጠር እራሳችሁንና ሀገራችሁን መጥቀም ይገባችሀዋል ነው ያሉት፡፡

በመጀመሪያ ዲግሪ የተመረቃችሁ ለ2ኛ እና 3ኛ ዲግሪ እራሳችሁን በማዘጋጀት ለተሻለ እውቀት መትጋት ይኖርባችዋል ሲሉም አቶ አገኘሁ ለተመራቂዎች መልዕክታቸውን እስተላልፈዋል፡፡

ዘጋቢ፡- ሸምስያ በሪሁን

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የአማራና የኦሮሚያ ብሔራዊ ክልላዊ መንግሥት ከፍተኛ አመራሮች በልማት እና በሰላም ጉዳዮች ላይ በጋራ እየመከሩ ነው፡፡

admin

የባሕር ዳር ከተማ አሥተዳደር በጢስ ዓባይ ሳተላይት ከተማ ተደራጅተው ለቆዩ ማኅበራት የመኖሪያ ቤት መስሪያ ቦታ አስረከበ፡፡

admin

የሴቶች ተሳትፎና ተጠቃሚነት ለሁለንተናዊ ብልጽግና በሚል የውይይት መድረኮች ሊካሄዱ ነው

admin