64.24 F
Washington DC
April 14, 2021
Satenaw Ethiopian News/Breaking News
Amharic News

የዩናይትድ ኪንግደም አስመጪዎች በኢትዮጵያ የቡና ኢንቨስትመንት ላይ እንዲሰማሩ ጥሪ ቀረበ፡፡



የዩናይትድ ኪንግደም አስመጪዎች በኢትዮጵያ የቡና ኢንቨስትመንት ላይ እንዲሰማሩም ጥሪ ቀረበ፡፡
ባሕር ዳር: መጋቢት 30/2013 ዓ.ም (አሚኮ) በኢትዮጵያ የቡና ላኪዎች እና በእንግሊዝ የቡና ንግድ ላይ የተሰማሩ አስመጪ
ኩባንያዎችን ለማስተሳሰር ያለመ የበይነ መረብ ውይይት በለንደን ተካሂዷል።
በለንደን የኢትዮጵያ ኤምባሲ አዘጋጅነት በተካሄደው በዚሁ ውይይት በኢትዮጵያና በእንግሊዝ ቡና ላኪዎች እና አስመጪዎች
መካከል ግንኙነቱን በማጠናከር በኢትዮጵያ ቡና ላይ ግብዓት ለመጨመር፣ የቴክኖሎጂ ሽግግር ምቹ ሁኔታን ለመፍጠር እና
ብራንድ(መለያ) ለማስተዋዎቅ ያለመ ነው፡፡
በእንግሊዝ የኢትዮጵያ አምባሳደር ተፈሪ መለስ ” ኢትዮጵያ በዓለማችን ከፍተኛ የቡና አምራች ከሆኑ አምስት ሀገሮች አንዷ ናት”
ብለዋል።
የቡና ምድረ ቀደምት ሀገር የሆነችው ኢትዮጵያ እንደሚፈለገው ከዘርፉ ገቢ እያገኘች አይደለም ፤ ይህን ለመለወጥ ከጥሬ ቡና
ይልቅ ቡናው ላይ እሴትን ጨምሮ ለዓለም ገበያ ለማቅረብ ምቹ ሁኔታ እንዳለ ተናግረዋል።
በዩናይትድ ኪንግደም አንድ ሲኒ የኢትዮጵያ ቡና እስከ 50 ፓውንድ ወይንም 2500 ብር ድረስ ሲሸጥ መቆየቱን የተናገሩት
አምባሳደር ተፈሪ ምርቱ በቀጥታ ከኢትዮጵያ ሳይሆን ከአውሮፓ ገበያ በተዘዋዋሪ የገባ መሆኑንም አመልክተዋል፡፡
የዓለም ቡና ድርጅት ከፍተኛ የምጣኔ ሃብት ባለሙያ ዴኒስ ሲውዲ እንደተናገሩት በኢትዮጵያ ቡና ጥራት እና ጣእም ላይ ማንም
ጥያቄ አያነሳም ነው ያሉት።
እንግሊዝ ከአውሮፓ ሕብረት መውጣቷን ተከትሎ ከዚህ በፊት አብዛኛው የቡና ምርት በአውሮፓ በኩል የሚገባ መሆኑን
አስታውሰው አሁን ቀጥታ የሚገባበትን አጋጣሚ የኢትዮጵያ ቡና ላኪዎች እንዲጠቀሙበት ጠይቀዋል ፡፡
የቡና ገበያ በአፍሪካ ቀንድና በመካከለኛው ምስራቅ የተስፋፋ በመሆኑ የዩናይትድ ኪንግደም አስመጪዎች በኢትዮጵያ የቡና
ኢንቨስትመንት ላይ እንዲሰማሩም ጥሪ አቅርበዋል ፡፡
የኢትዮጵያን ቡና ብራንድ(መለያ) በአየር መንገዱ፣ በታዋቂ የኢትዮጵያ አትሌቶች እና ዋና ዋና ዓለምአቀፍ መድረኮች ላይ
በማስተዋወቅ ኢትዮጵያ የቡና ምድረ ቀደምት ሀገር ሆና በቂ ገቢ የማታገኝበትን ምክንያት መቀየር እንደሚቻል የአውሮፓ
ስፔሻሊቲ ቡና ኩባንያ ሥራ አስኪያጅ ፊል ሸልተር ገልጸዋል፡፡
የኢትዮጵያ ቡና ላኪዎች ማኅበር ሥራ አስኪያጅ አቶ ግዛት ወርቁ በበኩላቸው የኢትዮጵያ ቡና ወጪ ንግድ በከፍተኛ ደረጃ እያደገ
መምጣቱን ገልጸው የኢትዮጵያን ቡና ቆልቶና ፈጭቶ ወደ ውጭ ለመላክ በአሁኑ ወቅት ያለው እድል ሰፊ በመሆኑ የዩናይትድ
ኪንግደም ኩባንያዎቸ ያለውን ምቹ ሁኔታ እንዲጠቀሙ ጥሪ ማቅረባቸውን ከለንደን የኢትዮጵያ ኤምባሲ ያገኘነው መረጃ
ያመላክታል።
ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleየኮሮናቫይረስ ክትባት አገልግሎት በተሳካ ሁኔታ እንዲከናወን የሚመለከታቸው ባለድርሻ አካላት የድርሻቸውን እንዲወጡ የሃይማኖት አባቶች ጥሪ አቀረቡ፡፡

Source link

Related posts

በፈለገ ሕይወት ጠቅላላ ስፔሻላይዝድ ሆስፒታል የአግልግሎት አሰጣጥ ጥራትን ለማሻሻል የሚያስችል የማነሳሻ (አይ ኬር ኢኒሼቲቭ) መርሐ ግብር ይፋ ተደረገ፡፡

admin

ማህበራዊ ሚዲያን በመጠቀም የተገነባው ጤና ጣቢያ ተመረቀ።

admin

የኢትዮጵያ ንግድ ባንክ ከጎጆ ብሪጅ ሃውሲንግ ጋር በጋራ ለመስራት የመግባቢያ ስምምነት ተፈራረመ

admin