56.68 F
Washington DC
April 21, 2021
Satenaw Ethiopian News/Breaking News
Amharic News

የዓድዋ ድል በዓልን በባሕር ዳር ለማክበር ዝግጅት ተደርጓል፡፡

የዓድዋ ድል በዓልን በባሕር ዳር ለማክበር ዝግጅት ተደርጓል፡፡

ባሕር ዳር፡ የካቲት 17/2013 ዓ.ም (አብመድ) 125ኛው የዓድዋ ድል ከየካቲት 19 እስከ 23 ቀን 2013ዓ.ም በልዩ ልዩ ዝግጅቶች እንደሚከበር የባሕር ዳር ከተማ አስተዳደር አስታውቋል፡፡

የጥቁሮች የድል ብሥራት፣ የኢትዮጵያና የመላው አፍሪካ ኩራት፣ የጨለማ ዘመን መቋጫና የብርሃን ዘመን የተስፋ ጮራ፣ የድሎች አውራ ዓድዋ፤ ነጭ አንገት የደፋበት፣ ጥቁር በኩራት የዘመረበት፣ አምሳለ ቀስተ ደመና አረንጓዴ፣ ቢጫ ቀዩ ሰንደቅ በክብር የተውለበለበበት፣ የሠው ልጅ እኩል መሆኑ የተበሠረበት፣ የኢትዮጵያዊያን የተባበረ ክንድ የታዬበት፣ ዓለም የተደመመበት፣ የሮም ኃያላን አንገታቸውን የደፉበት ነው – ዓድዋ፡፡

ዓድዋ እንኳን ከኢትዮጵያዊያን ከባለቤቶቹ ይቅርና ከዓለም ሕዝብ ልብ ውስጥ አይጠፋም፡፡ እነሆ ያ የጀግንነት፣ የአንድነት፣ የኢትዮጵያዊነት እና የኩራት ድል 125ኛ ዓመቱን ሊያከበር ቀናት ብቻ ቀርተውታል፡፡ ኢትዮጵያዊያንም የአባቶቻቸውን ታላቅ ድል ለማክበር በዝግጅት ላይ ናቸው፡፡

የባሕር ዳር ከተማ አስተዳደርም የዓድዋን ድል ለማክበር ዝግጅት ማድረጉን አስታውቋል፡፡

ከአብመድ ጋር ቆይታ ያደረጉት የባሕር ዳር ከተማ አስተዳደር የመንግሥት ኮምዩኒኬሽን ኀላፊ ዘመነ ዘውዱ በ125ኛው የዓድዋ ድል በዓል ሕዝብን ባሳተፈ መልኩ በንቅናቄ ይከበራል ብለዋል፡፡

ዓድዋ የጋራ በዓል ነው ያሉት ኀላፊው ታሪኩን ግምት ውስጥ ባስገባ መልኩ ይከበራል ነው ያሉት፡፡ በከተማዋ ከየካቲት 19 እስከ 23/2013 ዓ.ም በዓሉ እንደሚከበርም ታውቋል፡፡

ለበዓሉ ድምቀት በሙሉዓለም ባሕል ማዕከል አማካኝነት ሰፊ ዝግጅት መደረጉን ያነሱት አቶ ዘመነ በክብረ በዓሉ የፓናል ውይይት፣ ዓድዋን የሚዘክሩ የኪነ ጥበብ ትዕይንቶች እንደሚኖሩም አስታውቋል፡፡

የአባት አርበኞች እና የፈረሰኞች ጉግስ ትዕይንት፣ ነጋሪት ጉሰማና ልዩ ልዩ ዝግጅቶች እንደሚኖሩም ታውቋል፡፡ የፓናል ውይይቱም በባሕር ዳር ዩኒቨርሲቲ አማካኝነት መዘጋጀቱንም አመላክተዋል፡፡

የካቲት 23 ቀን በዓድዋ ድል ታላቅ ተጋድሎ የነበራቸውን ጀግኖች የሚዘክር የጎዳና ስያሜ ይኖራል ተብሎ እንደሚጠበቅም ተናግረዋል፡፡

ሀገራዊ እንድነት እንዲጎለበት በሰፊው እንደሚሠራም አስታውቀዋል፡፡

‹‹ ለንግሥቲቱ እጓዛለሁ›› በሚል መሪ ሐሳብ የእግር ጉዞ እንደሚኖርም ተመላከቷል፡፡

ሀገራዊ አንድትን የሚዘክር፣ ጀግኖች የሚመሰገኑበትና አዲሱ ትውልድ ታሪኩን እንዲያውቅ የሚያደርጉ ዝግጅቶች እንደሚኖሩም አቶ ዘመነ ተናግረዋል፡፡

ዘጋቢ፡- ታርቆ ክንዴ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

በትግራይ ክልል እየተደረገ ከሚገኘው ድጋፍ 70 በመቶው በመንግስት የተሸፈነ መሆኑ ተገለጸ

admin

ሱዳን ወደ ኢትዮጵያ ድንበር በኃይል በመዝለቅ ምንጊዜም ቢሆን የሚቆጫትን ስህተት መስራቷን ፕሮፌሰር ያዕቆብ አርሳኖ አስታወቁ።

admin

ግብፅና ሱዳን የህዳሴ ግድብን  ለማስተጓጎል የያዙት አቋም ዓለም አቀፍ ህግን የጣሰ ነው- ምሁራን 

admin