69.82 F
Washington DC
June 14, 2021
Satenaw Ethiopian News/Breaking News
Amharic News

የወጣቶችን ስብዕና ለመገንባት በቅንጅት ሊሠራ እንደሚገባ ተመላከተ፡፡

የወጣቶችን ስብዕና ለመገንባት በቅንጅት ሊሠራ እንደሚገባ ተመላከተ፡፡

ባሕር ዳር፡ ግንቦት 25/2013 ዓ.ም (አሚኮ) የወጣቶች ስብዕና ግንባታን በተመለከተ መንግሥት እና ባለድርሻ አካላት በቅንጅት መሥራት እንዳለባቸው ተመላክቷል፡፡ የአማራ ክልል ሴቶች፣ ሕጻናትና ወጣቶች ጉዳይ ቢሮ በወጣቶች ስብዕና ልማት ግንባታን በተመለከተ በደብረ ታቦር ከተማ ውይይት አካሂዷል፡፡

በኢትዮጵያ የኅብረተሰብ ምጣኔ የወጣቶች ሽፋን እስከ 30 በመቶ መሆኑ፣ የወጣቱ ትኩስ ኃይልነት ብሎም የትውልድ ተረካቢነት ሲታይ ትኩረት ሰጥቶ መሥራት እንደሚገባ በውይይቱ ተነስቷል፡፡ የአማራ ብልጽግና ፓርቲ የአደረጃጀት ዘርፍ ምክትል ኀላፊ ፍስሃ ደሳለኝ እንደተናገሩት በኢትዮጵያ የወጣቶች ስብዕና ግንባታ ሥራ ትኩረት አላገኘም፡፡

በሀገር ደረጃ እያጋጠሙ ላሉ ችግሮች የወጣቶችን ስብዕና አለመገንባት አንዱ ምክንያት መሆኑን ጠቅሰዋል፡፡ ለመፍትሔውም ዩኒቨርሲቲዎች እና ማኅበረሰቡ በወጣቶች ላይ አዎንታዊ ስብዕና ለመገንባት ርብርብ ማድረግ እንዳለባቸውም ምክትል ኀላፊው አመላክተዋል፡፡

የውይይቱ ተሳታፊ ወጣት ከፍያለው እሸቴ የወጣቶችን ስብዕና ለመገንባት ኀላፊነት ያለበት አካል ራሱ ስብዕናው የተገነባ መሆን እንዳለበት ጠቅሷል፡፡ የስብዕና ግንባታ ማዕከላትም የተሟላ ግብዓት እንደሌላቸው ተናግሯል፡፡

የደብረ ማርቆስ ዩኒቨርሲቲ የምርምርና ማኅበረሰብ አገልግሎት ምክትል ፕሬዚዳንት ሲስተር ገነት ደጉ ከወጣቶች ስብዕና ግንባታ አኳያ በርካታ ችግሮች መኖራቸውን እና ዩኒቨርሲቲያቸውም ወጣቶችን በእውቀትና በሥነ ምግባር ለማነጽ እየሠራ መሆኑን ገልጸዋል፡፡

በዩኒቨርሲቲዎች አካባቢ የሥራ ዕድል ፈጠራ በሚል ምክንያት ወጣቶችን ለሱስና ለአልባሌ ስብዕና የሚዳርጉ ንግድ ቤቶች እንደሚከፈቱ ለአብነት ጠቅሰዋል፡፡ ለሀገር ልማት የሚወጡ ፖሊሲዎች ሀገራዊ መሠረት ሊኖራቸው እንደሚገባ እና እርስበርስ የማይጣረሱ መሆን እንዳለባቸውም ሲስተር ገነት ጠቁመዋል፤ ለውጤታማነታቸውም የመንግሥትን ቁርጠኝነት ይጠይቃል ብለዋል፡፡

የሰሜን ወሎ ዞን ሴቶች፣ ሕጻናት እና ወጣቶች ጉዳይ መምሪያ የወጣት ማደራጀት፣ ክትትል እና ድጋፍ ባለሙያ አቶ ወርቁ ተፈራ ስብዕናን ከመገንባት አኳያ የወጣቶች ጥያቄ በርካታ መሆኑን አንስተዋል፡፡ ችግሩን ለመፍታት እና ፍላጎታቸውን ለማሟላትም የባለድርሻ አካላት ተቀናጅቶ መሥራት አስፈላጊ መሆኑን ጠቅሰዋል፡፡

የወጣቶች ስብዕና ልማት ማዕከላት እና የወጣቶች በጎ ፈቃድ አገልግሎ ሥራ ምን ደረጃ ላይ እንደሚገኙኝና ያጋጠሙ ችግርና መፍትሔዎቻቸው ላይ ውይይት ተደርጓል፡፡ በመድረኩም የዞኖች ሴቶች፣ ሕጻናትና ወጣቶች ጉዳይ መምሪያ ባለሙያዎች፣ የዩኒቨርሲቲ የሥራ ኀላፊዎች፣ የሃይማኖት አባቶች እና የወጣት አደረጃጀቶች ተሳትፈዋል፡፡

ዘጋቢ፡- ዋሴ ባየ – ከደብረታቦር

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

ቃልን ማክበር እና መፈጸም የለውጡ አመራር ቁልፍ ተግባር ነው- ዐቢይ አሕመድ

admin

ሐረማያ ዩኒቨርሲቲ ለአቶ አባ ዱላ ገመዳ እና ለአቶ አብዱላሂ አሊ ሸሪፍ የክብር ዶክትሬት አበረከተ

admin

ምርጫው ይቆየን:- ከዛ በፊት የመታረጃ ሜንጫና ገጀራው ፤  ቀስትና ቢላው  ይሰብሰብ!!! (ፂዮን ዘማርያም)

admin