74.28 F
Washington DC
June 19, 2021
Satenaw Ethiopian News/Breaking News
Amharic News

የወሎን ሰላም ለመጠበቅ የሀይማኖት ተቋማት ሚና የጎላ ነው ተባለ

 

አዲስ አበባ ፣ ሚያዝያ 30 ፣ 2013 (ኤፍ ቢ ሲ) – የሀይማኖት መቻቻል ተምሳሌት የሆነችውን ወሎ ሠላሟን ለማደፍረስ የሚሞክሩ ሀይሎችን ነቅቶ ለመጠበቅ የሀይማኖት ተቋማት ሚና የጎላ መሆኑ ተገለፀ፡፡

የደቡብ ወሎ ዞን የሀይማኖት ተቋማት ፎረም ውይይት ባካሄደበት ወቅት፣ የሀይማኖት መሪዎቹ እስካሁን የተጠበቀውን የዞኑን ሰላም ዘላቂ ለማድረግ ከመንግስት ጋር በመቀናጀት የሚጠበቅባቸውን እንደሚወጡ  ተናግረዋል፡፡

በኢትዮጵያ ኦርቶዶክስ ተዋህዶ ቤተክርስቲያን የደቡብ ወሎ ሀገረ ስብከት የሰበካ ጉባዔ ክፍል ሀላፊ  ሊቀስዩማን ስነ-ፀሐይ አድማሴ ፥ የእምነት ልዩነትን እንደ ምክንያት በማድረግ ህብረተሰቡን ለመከፋፈል የሚጥሩ የእኩይ አስተሳሰብ  ምልክቶችን በጊዜ ማረም ያስፈልጋል ብለዋል፡፡

የደቡብ ወሎ እስልምና ጉዳዮች ም/ቤት ሰብሳቢና የሀይማኖት ተቋማት ፎረሙ ም/ሰብሳቢ ሸህ ሰይድ ዘይን ያሲን በበኩላቸው ለራሱ ሰላም መሆንን የሚሻ ሁሉ ስለሌሎች ሰላም መሆን ሊያስብ ይገባል ብለዋል፡፡

በመካነ እየሱስ የማእከላዊ ሲኖዶስ ወንጌል መምሪያ ኃላፊ  ቄስ ሙሉጌታ አለሙ፥ በወንድማማቾች መካከል ጠብን የሚዘሩ የእምነቱ አስተምህሮ አጥብቆ እንደሚኮንናቸውና ሰላምን መጠበቅ ከሁሉም የሚጠበቅ ቀዳሚ ተግባር መሆኑን አንስተዋል፡፡

በውይይቱ ላይ የተገኙት የደቡብ ወሎ ዞን ዋና አስተዳዳሪ አቶ ሰይድ መሀመድ፥ ዞኑ በአንፃራዊነት ሰላሙን ጠብቆ እንዲቆይ ያደረጉት የህዝቡ ሰላም ወዳድነት፣ የሀይማኖቶች መልካም አስተምህሮና የፀጥታ አካላት  ከአመራሩ ጋር የነበረው ቅንጅት መሆኑን በምክንያትነት አንስተዋል፡፡

በአንድነት  ናሁሰናይ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!



Source link

Related posts

አማራ ሚዲያ ኮርፖሬሽን በደሴ ከተማ ዘመናዊ የሚዲያ አገልግሎት መስጠት የሚችል የሕንጻ ግንባታ አስጀምሯል።

admin

አምባሳደር አለምፀሃይ መሰረት ከኡጋንዳ የውጭ ጉዳይ ሚኒስትር ዲኤታ ጋር ተወያዩ

admin

ለ2013/14 የመኸር እርሻ ከ18 ነጥብ 1 ሚሊዮን ኩንታል በላይ የአፈር ማዳበሪያ ለማቅረብ እየሠራ መሆኑን የኢፌዴሪ ግብርና ሚኒስቴር አስታወቀ፡፡

admin