78.12 F
Washington DC
June 15, 2021
Satenaw Ethiopian News/Breaking News
Amharic News

የኮሮና ቫይረስ ወረርሽኝን ለመከላከል ሁሉም የድርሻውን እንዲወጣ የባሕር ዳር ኢንዱስትሪ ፓርክ ሠራተኞች ጠየቁ፡፡

የኮሮና ቫይረስ ወረርሽኝን ለመከላከል ሁሉም የድርሻውን እንዲወጣ የባሕር ዳር ኢንዱስትሪ ፓርክ ሠራተኞች ጠየቁ፡፡

ባሕር ዳር፡ ግንቦት 12/2013 ዓ.ም (አሚኮ) የባሕር ዳር ኢንዱስትሪ ፓርክ ሠራተኞች በኮሮናቫይረስ መከላከል ላይ ያተኮረ ዝግጅት አካሂደዋል፡፡

በኢንዱስትሪ ፓርኩ በነርስነት የሚያገለግሉት ማስተዋል ዋለ እንደገለጹት ለድርጅቱ ሠራተኞች በተለያዬ አግባብ ትምሕርት እየተሰጠ ነው፡፡ የፓርኩ ሠራተኞች የአፍ እና አፍንጫ መሸፈኛ ጭምብል እንዲጠቀሙ፣ ርቀታቸውን ጠብቀው አገልግሎት እንዲሰጡ እና ለሁሉም ሠራተኞች የንጽሕና መጠበቂያ እንዲኖር መደረጉን ተናግረዋል፡፡

ተጨማሪ የሕመም ስሜት ያለባቸው ሠራተኞች ለአገልግሎት ወደ ክሊኒኩ ሲመጡ የሚስተናገዱበት ለይቶ ማቆያ በማዘጋጀት እንዲያርፉ እንደሚደረግም ማስተዋል ተናግረዋል፡፡ ከአቅም በላይ ከሆነ የተሻለ ሕክምና ወደሚያገኙበት የጤና ተቋም የሚሄዱበትን ሁኔታ እንደሚመቻችላቸውም ጠቅሰዋል፡፡

የማኅበረሰቡ መዘናጋት ዋጋ እያስከፈለ መሆኑን አንስተዋል፡፡ በሽታው በየቀኑ በርካታ ሰዎችን ለህልፈት እየዳረገ ነው፤ እናም ሁሉም የቅድመ መከላከል መልእክቶችን ተግባራዊ በማድረግ ሊጠነቀቅ ይገባል ነው ያሉት፡፡

ሲስተር ማስተዋል እንዳሉት ኮሮና ቫይረስ አምራች የሆነውን ዜጋ እንዳያሳጣ የበለጠ ትኩረት ሊሰጠው ይገባል፤ መገናኛ ብዙኃን መረጃ የማድረስ ተልዕኳቸውን አጠናክረው መቀጠል አለባቸው፤ የጤና ባለሙያዎችም የገቡትን ቃል ኪዳን ተግባራዊ የሚያደርጉበት ወቅት ነው ብለዋል፡፡

በኢንዱስትሪ ፓርኩ የእሳት እና ድንገተኛ አደጋዎች ዳይሬክተር ቸኮል ስሜነህ የፓርኩ ሠራተኞች የኮሮና ቫይረስ ወረርሽኝን ለመከላከል በጤና ሚኒስቴር የወጡ መመሪያዎችን ተግባራዊ እያደረጉ መሆኑን ገልጸዋል፡፡ ኮሮናን መከላከል ከሁሉም ቅድሚያ የሚሠጠው ጉዳይ ነው ብለዋል፡፡

አቶ ቸኮል እንዳሉት ለአገልግሎት ወደ ኢንዱስትሪ ፓርኩ የሚመጡ ተገልጋዮችም መመሪያውን ተግባራዊ ካላደረጉ አገልግሎት እንደማያገኙ ተናግረዋል፡፡

የኢንዱስትሪ ፓርኩ ሥራ አስኪያጅ ወይዘሮ ጥሩዬ ቁሜ እንዳሉት የኮሮና ቫይረስ በተለይ አምራች በሆነው ዜጋ ላይ የሚያደርሰው ተጽዕኖ ከፍተኛ በመሆኑ ትኩረት ሊሠጠው ይገባል፡፡ ምርትና ምርታማነትን ለማሳደግ የሠራተኛው ጤንነት መጠበቅ አለበት፤ ለዚህም ቅድመ መከላከልን መሰረት አድርገው እየሠሩ መሆኑን ገልጸዋል፡፡ የፓርኩ ሠራተኛ ራሱን ብቻ ሳይሆን ቤተሰቡን ከጉዳት ለመጠበቅ ጥንቃቄ ሊያደርግ ይገባል፡፡ “ሀገራችን በርካታ ችግሮችን እያስተናገደች ቢሆንም ከችግር ወጥተን ያለብንን የውጭ ምንዛሬ ችግር ለመቅረፍ፣ ተጨማሪ የሥራ ዕድል ለመፍጠር እና ውጤት ለማስመዝገብ ጤናው የተጠበቀ ማኅበረሰብ መፈጠር አለበት” ብለዋል፡፡

ሥራ አስኪያጇ ፓርኩ በርካታ ቁጥር ያለው ሠራተኛ የሚያስተናግድ በመሆኑ በቫይረሱ የመያዝ ስጋትን ለመቀነስ ክትባት ማግኘት ያለባቸው ሠራተኞች እንዲከተቡ መደረጉን ገልጸዋል፡፡ በዚህም የባሕር ዳር ከተማ አስተዳደር ጤና መምሪያ ያደረገላቸውን ድጋፍም አመስግነዋል፡፡

ዘጋቢ፡- ትርንጎ ይፍሩ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የአማራ ክልልን ደኅንነት ለመጠበቅ ኅብረተሰቡ ከመቼዉም ጊዜ በላይ ሊደራጅ እንደሚገባ ነዋሪዎች ተናገሩ፡፡

admin

የበየነመረብ ስነ-ምግባር- በዶ/ር ፀጋዬ ደግነህ

admin

የእናቶችን ሞት 50 በመቶ ለመቀነስ እየተሰራ ነው – ጤና ሚኒስቴር

admin