71.89 F
Washington DC
June 22, 2021
Satenaw Ethiopian News/Breaking News
Amharic News

የኮሮናቫይረስ የሚያደርሰው ጉዳት ከምንግዜዉም በላይ እየጨመረ በመምጣቱ ኅብረተሰቡ ቅድመ ጥንቃቄ እንዲያደርግ የአማራ ክልል ጤና ቢሮ አሳሰበ፡፡

የኮሮናቫይረስ የሚያደርሰው ጉዳት ከምንግዜዉም በላይ እየጨመረ በመምጣቱ ኅብረተሰቡ ቅድመ ጥንቃቄ እንዲያደርግ የአማራ ክልል ጤና ቢሮ አሳሰበ፡፡

ባሕር ዳር፡ ሚያዝያ 01/2013 ዓ.ም (አሚኮ) በአማራ ክልል እስከ አሁን 8 ሺህ 572 ሰዎች በቫይረሱ መያዛቸዉንና 190 ሰዎች ደግሞ በቫይረሱ ምክንያት ሕይወታቸዉን እንዳጡ የክልሉ ጤና ቢሮ ኃላፊ መልካሙ አብቴ (ዶክተር) በሰጡት መግለጫ አስረድተዋል፡፡

እንደ ዶክተር መልካሙ ገለጻ

 በክልሉ የኮሮናቫይረስ ምርመራ የሚካሄድባቸው 12 ማዕከላት ይገኛሉ፡፡

 እስከ መጋቢት 29/2013 ዓ.ም ድረስ ብቻ 258 ሺህ 482 ሰዎች ምርመራ

አድርገዋል፡፡

 7 ሺህ 160 ሰዎች አገግመዋል፡፡

 46 ሰዎች በጽኑ ሕክምና ክፍል ውስጥ ይገኛሉ፡፡

በአሁኑ ወቅት ቫይረሱ ይገኝባቸዋል ተብሎ ከሚመረመሩት ውስጥ አብዛኛዎቹ ቫይረሱ እየተገኘባቸው እንደሆነ የገለጹት ዶክተር መልካሙ ቫይረሱ የተገኘባቸው ሰዎች በከፍተኛ ደረጃ ወደ ጽኑ የሕክምና ክፍል እየገቡ እንደሆነ ጠቁመዋል፡፡

ኅብረተሰቡ ከዚህ በፊት ያደርገው እንደነበረው ሁሉ ቫይረሱ ለመከላከል የወጡ መመሪያዎችን የማክበርና የመከላከል ሥራ አጠናክሮ መቀጠል እንዳለበት ዶክተር መልካሙ አሳስበዋል፡፡ “አሁን እንደ በፊቱ በዘመቻ አንመረምርም፤ አሁን ምርመራ የሚሰጠው በባለሙያዎች የሚለዩ ህሙማንና ተጠርጣሪዎች ነው” ብለዋል፡፡

በክልሉ የኮሮናቫይረስ ክትባትን ለመስጠት ለ110 የአሰልጣኞች ስልጠና መሰጠቱንም ገልጸዋል፡፡

እስከ አሁን ክልሉ ለክትባቱ የሚውል 187 ሺህ 760 የመከላከያ መድኃኒት ለ157 ወረዳዎች መሰራጨቱንና በዚህም 15 ሺህ 900 ሰዎች በላይ መከተባቸውን ኃላፊው በሰጡት መግለጫ ጠቁመዋል፡፡

ክትባቱ በቅድሚያ ተጋላጭ ለሆኑ የጤና ባለሙያዎች፣ እድሜቸው ከ65 በላይ የሆኑ የኅብረተሰብ ክፍሎችና ተጓዳኝ ህመም ላለባቸው የኅብረተሰብ ክፍሎች እንደሚሰጥ የተናገሩት ኅላፊው አቅም ከተገኘ ደረጃ በደረጃ ለሁሉም ዜጎች የሚዳረስ እንደሆነም አመላክተዋል፡፡ክትባቱን በቅድሚያ የሚወስዱ ሰዎች ወደ አቅራቢያቸው የጤና ተቋም በመሄድ በወቅቱ አገልግሎቱን እንዲያገኙ መክረዋል፡፡

ክትባቱን የወሰዱ ሰዎች እስከ አሁን ድረስ ምንም ዓይነት የጤና ችግር እንዳልታየባቸው ዶክተር መልካሙ አረጋግጠዋል፡፡ ኅብረተሰቡ የቫይረሱን ስርጭት ለመግታት ከምን ጊዜውም በላይ ጥንቃቄ ማድረግ እንደሚገባውና በተለይ የአፍና የአፍንጫ ጭምብል መጠቀምን ልምድ ማድረግ ይኖርበታል ብለዋል፡፡

በፌዴራል ጠቅላይ ዐቃቤ ሕግ የወጣዉን የኮሮናቫይረስ መከላከል አዋጅ ተግባራዊ እንዲደረግ ወረርሽኙን ለመከላከል የተቋቋመው ግብረኃይል ከጸጥታ አካላትና ከሚመለከታቸው ተቋማት ጋር በመሆን ለመሥራት መታቀዱን ተናግረዋል፡፡

በክልሉ የሚገኙ ሁሉም የምርመራ ማዕከላት ወደ ሥራ እንዲገቡ ይደረጋል ያሉት ዶክተር መልካሙ ኅብረተሰቡ “ቢይዘኝ አይጎዳኝም” ከሚል አስተሳሰብ ወጥቶ ሕይወቱን እንዲጠብቅ መክረዋል፡፡

“የአፍና የአፍንጫ ጭምብል ሳያደርጉ አገልግሎት መስጠት አይቻልም” የሚለውን አስተሳሰብ ለመተግበር በቂ ግንዛቤ መስጠት ያስፈልጋል ያሉት ደግሞ የአማራ ክልል ኅብረተሰብ ጤና ኢንስቲትዩት ዋና ዳይሬክተር አቶ በላይ በዛብህ ናቸው፡፡

ቫይረሱን ለመግታት የሁሉም ዜጋ ርብርብ ያስፈልጋል ብለዋል፡፡

ዘጋቢ፡- ብሩክ ተሾመ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ለታላቁ የኢትዮጵያ ህዳሴ ግድብ ግንባታ በቦንድ ሽያጭና በስጦታ ከ136 ሚሊዮን ብር በላይ ተሰበሰበ።

admin

“በሥራ ዓለም አይቻልም የሚሉ ድምፆችን አትስሟቸው” የአማራ ክልል ምክትል ርእሰ መሥተዳድር ፈንታ ማንደፍሮ (ዶክተር)

admin

ኢትዮጵያን ከኤርትራ የአሰብ ወደብ ጋር የሚያስተሳስረው  የሜሎዶኒ መገንጠያ – ማንዳ – ቡሬ  የመንገድ ግንባታ ፕሮጀክት ሊገነባ ነው

admin