51.91 F
Washington DC
May 12, 2021
Satenaw Ethiopian News/Breaking News
Amharic News

“የኮሮናቫይረስ ክትባት አቅርቦት ትምህርት፣ ባህልና ቱሪዝም ዘርፍን ታሳቢ ማድረግ አለበት” የትምህርት ሚኒስቴር

“የኮሮናቫይረስ ክትባት አቅርቦት ትምህርት፣ ባህልና ቱሪዝም ዘርፍን ታሳቢ ማድረግ አለበት” የትምህርት ሚኒስቴር

ባሕር ዳር፡ ሚያዝያ 04/2013 ዓ.ም (አሚኮ) በሁሉም የዓለም ሀገራት የትምህርት፣ የባህልና የቱሪዝም ዘርፉ ከጤና ባለሙያዎች ቀጥሎ የሁሉም ሀገር መምህራንን ታሳቢ ያደረገ የክትባት አቅርቦት ሊኖር እንደሚገባ የትምህርት ሚኒስትሩ ዶክተር ኢንጂነር ጌታሁን መኩሪያ ገልፀዋል፡፡

በዩኔስኮ የኢትዮጵያ ብሔራዊ ኮሚሽን ፕሬዝዳንት እና የዩኔስኮ የስራ አስፈፃሚ ቦርድ አባል እንዲሁም የትምህርት ሚኒስትሩ ዶክተር ኢንጂነር ጌታሁን መኩሪያ ዛሬ በበይነ መረብ መካሄድ በጀመረው የዩኔስኮ የስራ አስፈፃሚ ቦርድ ስብሰባ ላይ ተሳትፈዋል፡፡

ትምህርት ሚኒስትሩ በስብሰባው ላይ ባደረጉት የመክፈቻ ንግግር ኢትዮጵያ በትምህርት፣ በሳይንስ፣ በባህልና ቱሪዝም ዘርፎች በማከናወን ላይ ያለችውን ዓበይት ተግባራትን ጠቅሰዋል።

ከኮሮናቫይረስ በኋላ የትምህርት ዘርፉን ዳግም ለመክፈትና ለማስቀጠል በመንግሥት የተወሰዱ እርምጃዎችን፣ በቱሪዝም ዘርፍ ያለውን የቱሪስቶች ፍሰት እንዲሁም በትግራይ ክልል ህግን ለማስከበር ከተደረገው ዘመቻ ጋር ተያይዞ በዩኔስኮ የተመዘገቡ ቅርሶች ደህንነት ዙሪያም ማብራሪያ ሰጥተዋል፡፡

በጫና ውስጥ ያለውን የቱሪዝም ዘርፉ ለማነቃቃት መንግስት አዳዲስ የቱሪዝም መዳረሻዎቸን በመገንባት እና ክፍት በማድረግ ዘርፈ ብዙ ስራዎች እየሰራ መሆኑን እና አዳዲስ የቱሪዝም መዳረሻዎችም በሌሎች የሀገሪቱ አካባቢዎች እየተሰሩ መሆኑን ገልፀዋል፡፡

ኮሮና በጤናው ዘርፍ ላይ ያስከተለውን ጫና በንግግራቸው የጠቀሱት ሚኒስትሩ፣ በተለይም በኮቫክስ (COVAX) የኮሮና ክትባት አቅርቦት የዓለም አቀፍ የተራድዖ ግብረ-ኀይል በተሰጠ ድጋፍ በኢትዮጵያ ክትባት መሰጠት መጀመሩ መልካም ቢሆንም እስከ ታህሳስ 2014 ዓ.ም መጨረሻ ድረስ 20% የሀገሪቱን ዜጎች ብቻ ተደራሽ የሚያደርግ ሀብት ብቻ መገኘቱ አዝጋሚ መሆኑን እና በተቃራኒው ያደጉት ሀገራት ከፍተኛ የክትባት ክምችት ላይ መሰማራታቸው ተገቢ አለመሆኑን የዩኔስኮ ቦርድ ድምፁን እንዲያሰማ ሚኒስትሩ ጠይቀዋል።

በ 211ኛው የዩኔስኮ የስራ አስፈፃሚ ቦርድ ስበሰባ ላይ ከሚኒስትሩ በተጨማሪ በፈረንሳይና በዩኔስኮ የኢትዮጵያ ባለሙሉ ስልጣን አምባሳደር ሄኖክ ተፈራ የአፍሪካ ሀገራትን በመወከል እየተሳተፉ ይገኛሉ።

ኢትዮጵያ ከሰሀራ በታች ያሉ የአፍሪካ ሀገራትን በመወከል የዩኔስኮ የስራ አስፈጻሚ ቦርድ አባል ሆና በማገልገል ላይ እንደሚትገኝ ከትምህርት ሚኒስቴር ያገኘነው መረጃ ያመለክታል።

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የኢትዮጵያ መንግስት ርሃብን እንደመሳሪያ ተጠቅሟል” በሚል ዘ ኢኮኖሚስት ያወጣውን ዘገባ መንግስት እንደሚያወግዝ አስታወቀ

admin

በፋና ላምሮት የድምፃዊያን ውድድር ዮናታን ዳመነ አንደኛ በመውጣት የ200 ሺህ ብር አሸናፊ ሆነ

admin

የዲፕሎማሲ ስራዎችን በማጠናከር ወዳጅነትን ማብዛት ይገባል-ቋሚ ኮሚቴው

admin