52.39 F
Washington DC
February 25, 2021
Satenaw Ethiopian News/Breaking News
Amharic News

የክልል ርዕሳነ መስተዳድሮች ለብርሃነ ጥምቀቱ የእንኳን አደረሳችሁ መልእክት አስተላለፉ

አዲስ አበባ፣ ጥር 10፣ 2013 (ኤፍ.ቢ.ሲ) የክልል ርዕሳነ መስተዳድሮች ለብርሃነ ጥምቀቱ የእንኳን አደረሳችሁ መልእክት አስተላልፈዋል።

የኦሮሚያ ክልል ርዕሰ መስተዳድር አቶ ሽመልስ አብዲሳ ለብርሃነ ጥምቀቱ የእንኳን አደረሳችሁ መልዕክት አስተላልፈዋል።

አቶ ሽመልስ አብዲሳ በመልዕክታቸው፥ በክርስትና እምነት ተከታዮች ዘንድ የሚከበረው የጥምቀት በዓል ሰዎችን በፍቅር እርስ በእርስ የሚያስተሳስር በርካታ እሴቶችን የያዘ ነው ብለዋል።

“ሰው ከፈጣሪው ይቅርታ እና ምህረትን ለማግኘት ለወዳጆቹ እና ለሰው ልጅ በሙሉ ይቅርታን ማድረግ አለበት” ያሉት አቶ ሽመልስ፥ “እንደ ሀይማኖት አስተምህሮ ደግሞ ሰው ከፈጣሪው ይቅርታ ለማግኘት የተቸገረን መርዳት፣ የተራበ እና የተጠማን በማብላትና በማጠጣት ይረጋገጣልም” ነው ያሉት።

“ሀይማኖታዊ አስተምህሮው ቅንነትን ማብዛት መልካም መሆኑን ያስተምራል” ያሉ ሲሆን፥ ይህ ደግሞ ፍቅርን ለማብዛት፣ ወንድማማችነትን ለማሳደግ እና እርስ በእርስ መተዛዘንን የሚያጠናክር በመሆኑ፤ በሀገር ግንባታ ሂደት ውስጥም ትልቅ መሳሪያ ሆኖ እንደሚያገለግልም ነው የተናገሩት።

“የዘንድሮውን የጥምቀት በዓል ስናከብር እርስ በእርስ ከመተጋገዝ እና ከመረዳዳት ጎን ለጎን፤ ራሳችንን ከኮቪድ 19 ወረርሽኝ በጠበቀ መልኩ ለሆን ይገባል” ሲሉም አስገንዝበዋል።

ህብረተሰቡም ለኮቪድ መከላከያ የሚሆኑ ቁሳቁሶችን እርስ በእርስ ስጦታ በመሰጣጠት እና በመካፈል በዓሉን በሰላም እና በጤና እንዲያከብርም መልዕክታቸውን አስተላልፈዋል።

የደቡብ ክልል ምክትል ርዕሰ መስተዳድር አቶ ርስቱ ይርዳም ለክርስትና እምነት ተከታዮች የጥምቀትን በዓል ምክንያት በማድረግ የእንኳን አደረሳችሁ መልዕክት አስተላልፈዋል።

ምክትል ርዕሰ መስተዳድር አቶ ርስቱ ይርዳው በመልእክታቸው፥ ህብረተሰቡ በዓሉን ሲያከብር እንደ ከዚህ ቀደሙ ሁሉ የመረዳዳት እና የመደጋገፍ ባህሉን በማጠናከር ሊሆን ይገባል ብለዋል።

“ዘንድሮ ያጋጠመን የኮቪድ 19 ፈተና ደግሞ ሰብሰብ ብለን በአደባባይ በምናከብራቸው በዓላት ላይ አሉታዊ ተጽዕኖ ማሳረፉ አይቀርም” ያሉት ምክትል ርዕሰ መስተዳድሩ፥ በዓሉን ስናከብር የአፍና የአፍንጫ መሸፈኛ ማስክ በማድረግ በተቻለ መጠን አካላዊ ርቀታችንን በመጠበቅ ሊሆን ይገባል” ብለዋል።

በዓሉ ለመላው የክርስትና እምነት ተከታዮች የሰላም የጤና የአብሮነትና የብልጽግና በዓል እንዲሆን መልካም ምኞታቸውንም ገልፀዋል።

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!



Source link

Related posts

ዓለም ባንክ ኢትዮጵያ በኢኖቬሽንና ቴክኖሎጂ ዘርፎች የጀመረቻቸውን ሥራዎች መደገፉን እንደሚቀጥል ገለጸ፡፡

admin

የብሔር ልዩነታችን ላይ መሰረት ባደረገ ፖለቲካዊ የአስተዳደር ስርዓት የዜጎችን መሰረታዊ ሰብዓዊ መብቶች ማረጋገጥ አይቻልም፡፡

admin

በክልሉ እየተገነቡ ያሉ የመስኖ ልማት ፕሮጀክቶች ውጤታማ እንዲሆኑ በቅንጅት መሥራት እንደሚገባ የአማራ ክልል ርእሰ መሥተዳድር አቶ አገኘሁ ተሻገር ተናገሩ።

admin