91.11 F
Washington DC
June 21, 2021
Satenaw Ethiopian News/Breaking News
Amharic News

“የኬንያው ፕሬዝዳንት ቆይታ ውጤታማ ነበር” አምባሳደር ዲና ሙፍቲ




“የኬንያው ፕሬዝዳንት ቆይታ ውጤታማ ነበር” አምባሳደር ዲና ሙፍቲ
ባሕር ዳር፡ ሰኔ 03/ 2013 ዓ.ም (አሚኮ) የኬንያው ፕሬዚዳንት ኡሁሩ ኬንያታ በኢትዮጵያ የነበራቸው ቆይታ ስኬታማ እንደነበር
የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ገልጸዋል። አምባሳደር ዲና ዛሬ በሰጡት ሣምንታዊ መግለጫ፤
የኬንያው ፕሬዝዳንት ቆይታ የሁለቱን ሀገራት ግንኙነት በሚያጠናክር መልኩ መጠናቀቁን ገልጸዋል።
ፕሬዝዳንቱ ከተሳተፉበት የቴሌኮም የፊርማ ሥነ-ሥርዓት በኋላ ከጠቅላይ ሚኒስትር ዐቢይ አህመድ ጋር የሁለትዮሽ ውይይት
ማድረጋቸውን አንስተዋል። በጥቅሉም ቆይታቸው የሁለቱን ሀገራት ወዳጅነት በማጠናከር ረገድ ትልቅ ፋይዳ እንደነበረው
አምባሳደሩ ጠቁመዋል።
መቀመጫቸውን አዲስ አበባ ላደረጉ አምባሳደሮችና የተለያዩ ዓለም አቀፍ ተቋማት በትግራይ የሚከናወነውን የመልሶ ማቋቋም
ሥራ በተመለከተ ገለጻ እንደተደረገላቸውም አምባሳደር ዲና ገልጸዋል።
በውይይቱም በትግራይ ክልል ያለውን የሰብዓዊ እርዳታ፣ የጤና፣ ትራንስፖርት፣ የስልክ አገልግሎትና ሌሎች መሠረተ ልማቶችን
በተመለከተ ማብራሪያ መሰጠቱን አስረድተዋል።
በተጓዳኝም በክልሉ ኢ-ሰብዓዊ ድርጊት የፈጸሙ የጸጥታ አካላትን ተጠያቂ የማድረግ ሥራ ያለበት ሁኔታ ላይ ማብራሪያ
መሰጠቱን አምባሳደሩ ጠቁመዋል።
ከዚህ ተቃራኒ የሚሰራጩት የሀሰት ዘገባዎች ተቀባይነት የሌላቸው መሆኑን በመድረኩ አጽንኦት መሰጠቱን ተናግረዋል። በዚህም
የዓለም አቀፍ ማኅበረሰብ ተወካዮች በትግራይ ክልል ያለውን ነባራዊ ሁኔታ በቅጡ እንዲረዱ ተደርጓል ነው ያሉት።
ዜጋ ተኮር ዲፕሎማሲን በተመለከተም ባለፈው ሳምንት በችግር ላይ የነበሩ 1 ሺህ 136 ዜጎች ከሳኡዲ አረቢያ ወደ ሀገራቸው
መመለሳቸውን አምባሳደሩ ጠቁመዋል። በተለያዩ ሀገራት የሚገኙ አምባሳደሮችም በአገሪቱ ያለውን ወቅታዊ ሁኔታ በተመለከተ
ለተወከሉበት ሀገራት ትክክለኛ መረጃ እየሰጡ እንደሚገኙ ተናግረዋል።
በአንዳንድ ሀገራት ለታላቁ የኢትዮጵያ ህዳሴ ግድብ ግንባታ የሚውል ገቢ ከዲያስፖራው የማሰባሰብ ሥራ መሠራቱን አምባሳደር
ዲና ገልጸዋል። ዘገባው የኢዜአ ነው
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m






Previous article“ኢትዮጵያ የራሷን ችግር የመፍታት አቅም አላት፣ አሜሪካ ከኢትዮጵያ ላይ እጇን ታንሳ” የባዕከር ከተማ ነዋሪዎች
Next articleአማራ ሚዲያ ኮርፖሬሽን በደሴ ከተማ ዘመናዊ የሚዲያ አገልግሎት መስጠት የሚችል የሕንጻ ግንባታ አስጀምሯል።


Source link

Related posts

አድዋ ይመስክር (ከአሁንገና ዓለማየሁ)

admin

የክልል ርዕሳነ መስተዳድሮች ለትንሳኤ በዓል የእንኳን አደረሳችሁ መልዕክት  አስተላለፉ

admin

አቶ ስዩም መስፍን ፣አቶ አስመላሽ ወልደስላሴና አቶ አባይ ፀሃዬ ተደመሰሱ

admin