61.99 F
Washington DC
May 11, 2021
Satenaw Ethiopian News/Breaking News
Amharic News

የኢፌዴሪ መከላከያ ሠራዊት የሠራዊት ግንባታ ሥራዎች ዋና አስተባባሪ ሌተናል ጀነራል ባጫ ደበሌ በወቅታዊ የሀገሪቱ ጉዳይ ላይ መግለጫ ሰጥተዋል።



የኢፌዴሪ መከላከያ ሠራዊት የሠራዊት ግንባታ ሥራዎች ዋና አስተባባሪ ሌተናል ጀነራል ባጫ ደበሌ በወቅታዊ የሀገሪቱ ጉዳይ
ላይ መግለጫ ሰጥተዋል።
ባሕር ዳር፡ ሚያዝያ 05/2013 ዓ.ም (አሚኮ) ሌተናል ጀነራል ባጫ ደበሌ ባለፉት ሳምንታት በመከላከያ ሠራዊት በትግራይ 8
ግንባሮች የተደረገን ዘመቻ በተመለከተ ነው መግለጫ የሰጡት፡፡
በትግራይ ክልል በምሥራቅ፣ በደቡብ እና በሰሜን በኩል ባሉ 8 ግንባሮች በተካሄደ ዘመቻ የተበታተነውን የትህነግ ርዝራዥ ኀይል
ለመደምሰስ የተሠራው ሥራ ውጤታማ ነበር ብለዋል፡፡
በነዚህ 8 ግንባሮች በተደረገ ዘመቻ ማሰልጠኛዎችን ጨምሮ በርካታ የጁንታው ኀይሎች የተደመሰሱ መሆኑን ያነሱት ሌተናል
ጀነራል ባጫ የሽፍታው ኀይል ከአሁን በኋላ ሌላ ሠራዊት አደራጅቶ የመዋጋትም ሆነ የሽፍትነት ተግባር መፈጸም የማይችልበት
ደረጃ ላይ ደርሷል ብለዋል፡፡
የመከላከያ ሠራዊት የሠራዊት ግንባታ ሥራዎች ዋና አስተባባሪ ሌተናል ጀነራል ባጫ ደበሌ ይህን የሽፍትነት ተግባር ከሥሩ
ለማድረቅ ዘመቻው እንደቀጠለና ለዚህ ተግባርም መከላከያ ሠራዊት ጠንካራ እርምጃ እየወሰደ መሆኑን በሰጡት መግለጫ
አብራርተዋል፡፡
አሁን ያለው የኢትዮጵያ መከላከያ ሠራዊት ሀገሩን ሊበታትኑ የተነሱትን ሁሉ እንቅልፍ በመንሳት ዋጋ እየከፈለ መሆኑን የጠቀሱት
ሌተናል ጀነራል ባጫ ሽንፈታቸውን መቀበል የተሳናቸው የትህነግ ቅሬቶች በሱዳን በኩል ለመውጣት ጥረት ቢያደርጉም ከእኛ እጅ
ግን የትም አያመልጡም ብለዋል።
በአሁኑ ወቅት በደረሰበት ጥቃት ከመደበኛው ውጊያ ወጥቶ መንገዶችን በመዝጋት የሽፍትነት ተግባር በመፈጸም ሞቶ እያለ አለሁ
ለማለት እና ዓለምአቀፍ ተቀባይነትን ማግኘትን አቅዶ እየተንቀሳቀሰ መሆኑን ያነሱት ሌተናል ጀነራል ባጫ ይህ ደግሞ የማይሳካ
እና የማይታሰብ መሆኑ ሊታወቅ ይገባል ብለዋል፡፡ ይህም ይህንን ተግባርም ሠራዊቱ ያለእረፍት ሰብሮታል ነው ያሉት።
በአፋር እና በኢሳ መካከል የተፈጠረው ግጭት አላስፈላጊና በመነጋጋር የሚፈታ የነበረ ቢሆንም ወደ ግጭት በመገባቱ ጥፋት
መድረሱን ያነሱት ሌተናል ጀነራል ባጫ በቅርቡ የሁለቱ ክልል ፕሬዝዳንቶች በጋራ ከመከሩ በኋላ ችግሩ እየተፈታ ነው ብለዋል፡፡
በቦታውም መከላከያ ሠራዊት ደርሶ ችግሩን እንዲፈታ እያደረገ እንደሆነ ተናግረዋል፡፡
በመተከልና በኦሮሚያ ያለውን የዜጎች ሞትና መፈናቀል ለማስቆም በመከላከያ በኩል ጠንካራ ሥራ እየተሠራ መሆኑንም
ገልጸዋል፡፡ በኦሮሚያ ምሥራቅ ሸዋ ነገሌ እና ሰሜን ሸዋ አካባቢዎችም ሰፊ የዘመቻ ሥራ እየተሠራ መሆኑን ተናግረዋል፡፡
የሱዳን ጦር የኢትዮጵያን ሉዓላዊ መሬት በመውረር በማናለብኝነት እያደረሰ ያለውን ጉዳት በሰላም በመነጋገር ለመፍታት ጥረት
ይደረጋል እንጅ ጦርነት አንገባም፤ በመሀል የገባን ሶስተኛ ወገን ለማስወጣት ግን በትኩረት እየተሠራ መሆኑን አስገንዝበዋል፡፡
ዘጋቢ፡- ጋሸው ፈንታሁን – ከአዲስ አበባ
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleከሞት የበለጠ አስፈሪ ነገር ምን አለ?

Source link

Related posts

የመከላከያ ኢንዶክትሪኔሽን ዋና ዳይሬክቶሬት ዳይሬክተር ሜጀር ጄኔራል መሐመድ በደቡብ ሱዳን ከተሰማሩ የኢትዮጵያ ሰላም አስከባሪ ሻለቆች ጋር ተወያዩ

admin

ማኅበረሰቡ ሕጻናትን በአግባቡ የማስከተብ ልምድ ሊያዳብር እንደሚገባ የአማራ ክልል ጤና ቢሮ ገለፀ፡፡

admin

በ169 ታዳጊዎች ላይ ሊፈፀም የነበረ ያለ እድሜ ጋብቻ እንዲቋረጥ ተደረገ

admin