63.52 F
Washington DC
May 6, 2021
Satenaw Ethiopian News/Breaking News
Amharic News

የኢንቨስትመንት ዘርፉ ያሉበትን ችግሮች በመቅረፍ ውጤታማ እንዲሆን እየሠራ መሆኑን የአማራ ክልል ኢንዱስትሪና ኢንቨስትመንት ቢሮ አስታወቀ፡፡

የኢንቨስትመንት ዘርፉ ያሉበትን ችግሮች በመቅረፍ ውጤታማ እንዲሆን እየሠራ መሆኑን የአማራ ክልል ኢንዱስትሪና ኢንቨስትመንት ቢሮ አስታወቀ፡፡

ባሕር ዳር፡ የካቲት 13/2013 ዓ.ም (አብመድ) በአማራ ክልል የኢንቨስትመንት ዘርፉን የውጭ ምንዛሬ እጥረት፣ የመሰረተ ልማት አለመሟላት እና ባንኮች ለሥራ ማስኬጃ ተመጣጣኝ ብድር አለማቅረባቸው በሚፈለገው ልክ እንዳይጓዝ አድርገውታል። በባሕር ዳር ከተማ የሺገዝ ዱቄት ፋብሪካ እና ማይፍ የጥራጥሬ ማበጠርና ማቀነባበር ፋብሪካ ባለቤት አቶ አያልሰው በቀለ እንደገለፁት ልማት ባንክ ኢንቨስትመንታቸውን በመደገፍ ረገድ ሚናው ዝቅተኛ ነው። የብድር አገልግሎት ባለማግኘታቸው ምክንያት የገንዘብ እጥረት እንደገጠማቸውና በቂ የሰው ኀይል ቀጥረው ማሠራት እንዳልቻሉ ነግረውናል፡፡ ኢንቨስትመንታቸውን ውጤታማ ለማድረግ እና ለበርካታ ዜጎች የሥራ ዕድል ለመፍጠር ልማት ባንክ ተገቢውን የፋይናንስ አቅርቦት በማመቻቸት እንዲደግፋቸው ጠይቀዋል።

በደቡብ ወሎ ዞን ኮምቦልቻ ከተማ የማዳበሪያ ከረጢት ፋብሪካ በመገንባት ላይ የሚገኙት ባለሃብት ሰይድ አሊ እንደነገሩን ደግሞ በገጠማቸው የውጭ ምንዛሬ እጥረት ምክንያት የፋብሪካ ሥራቸውን በታቀደው ጊዜ ወደ ሥራ ማስገባት አልቻሉም። ከዚህ በፊት ከኢትዮጵያ ንግድ ባንክ 150 ሚሊዮን ብር ተፈቅዶላቸው ግማሽ ማሽነሪዎችን መግዛት መቻላቸውን የገለፁት ባለሃብቱ አሁን በገጠመው የምንዛሬ እጥረት ምክንያት ሥራ ማቆማቸውን ተናግረዋል።

መንግሥት ለችግሩ መፍትሔ እንዲሰጣቸውም ጠይቀዋል። በዘርፉ የተሰማሩ ባለሙያዎችና መሪዎችም ባለሃብቱ ለሚጠይቀው ጥያቄ ፈጣን ምላሽ መስጠት የሚችሉና ለሀገር እድገት የሚጨነቁ መሆን አለባቸው ነው ያሉት።

የአማራ ክልል ኢንዱስትሪና ኢንቨስትመንት ቢሮ ኃላፊ ግርማ የሺጥላ የኢንቨስትመንት ዘርፉን ፈጣንና ቀልጣፋ ለማድረግ ከዚህ በፊት በክልል ደረጃ ሲሰጥ የነበረው የኢንቨስትመንት መሬት ፍቃድ በወረዳና በከተማ አስተዳደር ደረጃ እንዲሆን መደረጉን ተናግረዋል።

በክልሉ በኢንቨስትመንት ዘርፍ የሚሰማሩ እውነተኛ አልሚዎች ከራሳቸው አልፈው የክልሉንና የሀገሪቱን ዜጎች ተጠቃሚ ማድረግ የሚችሉበት ዕድል እንዳላቸውም ጠቁመዋል። የክልሉ ኢንዱስትሪና ኢንቨስትመንት ቢሮም ክልሉን በጠንካራ ኢኮኖሚ ለመገንባት ከመቼውም ጊዜ በተሻለ መንገድ እየሠራ መሆኑን አቶ ግርማ አስታውቀዋል። ባለሀብቶችም በምርቶቸቻው ላይ እሴት ጨምረው በማቅረብ የውጭ ምንዛሬ እጥረት እንዲፈታ የበኩላቸውን እንዲወጡም አሳስበዋል።

በክልሉ የኢንቨስትመንት መሬት ወስደው ወደ ሥራ የገቡ ባለሃብቶች 14 በመቶ ብቻ መሆናቸውን ያስረዱት ኀላፊው ተገቢ ድጋፍና ክትትል ተደርጎላቸው ወደ ሥራ ካልገቡ አልሚዎች መሬት እንደሚነጠቅም አመላክተዋል።

የኢትዮጵያ ልማት ባንክ የባሕር ዳር ዲስትሪክት ተወካይ ኀላፊ ስንታየሁ ልንገርህ እንደገለጹት ዲስትሪክቱ ለባለሀብቱ ፈጣንና ቀልጣፋ አገልግሎት ለመስጠትና ፍትሃዊ ተጠቃሚነትን ለማረጋገጥ የአምስት ዓመታት ስትራቴጂክ እቅድ አውጥቶ እየሠራ ነው። እስከ በጀት ዓመቱ መጨረሻ ለክልሉ ባለሃብቶች ሁለት ቢሊዮን ብር እንዲሰጥ ከክልሉ ኢንዱስትሪና ኢንቨስትመንት ቢሮ ዝርዝር ዕቅድ እንደቀረበላቸውም ተናግረዋል፡፡

ባንኩም የደንበኞን ጥያቄ ለመመለስ ዝግጁ እንደሆነ አስታውቀዋል።

ዘጋቢ:- አዳሙ ሽባባው

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የፀጥታው ምክር ቤት በኢትዮጵያ ጉዳይ ላይ ገንቢ ሚና ሊጫወት እና ከኢትዮጵያ ህዝብና መንግስት ጎን ሊቆም ይገባል – የኢትዮጵያ አሜሪካውያን የዜጎች ምክር ቤት

admin

ከነበረው የኢንተርኔት አቅርቦት በ14 እጥፍ የሚልቅ የኢንተርኔት አገልግሎት ይፋ ሆነ።

admin

ለቴክኖሎጂ ቅጂና ፈጠራ ትኩረት ሰጥቶ እንደሚሠራ የአማራ ክልል ቴክኒክ፣ ሙያና ኢንተርፕራይዞች ልማት ቢሮ አስታወቀ፡፡

admin