55.89 F
Washington DC
April 13, 2021
Satenaw Ethiopian News/Breaking News
Amharic News

‹‹የኢትዮጵያን አፈር ጭረው፣ ልጅ አሳድገው፣ ተምሮ ሀገርና ቤተሰብ ይቀይርልናል የሚሉ ዜጎች በገዛ መሬታቸው ላይ መጤ ተብለው ሲገደሉ ሲሳደዱ፣ መስማትና ማዬት ያማል›› ታማኝ በየነ

‹‹የኢትዮጵያን አፈር ጭረው፣ ልጅ አሳድገው፣ ተምሮ ሀገርና ቤተሰብ ይቀይርልናል የሚሉ ዜጎች በገዛ መሬታቸው ላይ መጤ ተብለው ሲገደሉ ሲሳደዱ፣ መስማትና ማዬት ያማል›› ታማኝ በየነ

ባሕር ዳር፡ ጥር 15/2013 ዓ.ም (አብመድ) በኢንጅባራ ዩኒቨርሲቲ የተማሪዎች ምረቃ ላይ የተገኘው አክቲቪስትና የሰብዓዊ መብት ተሟጋች አርቲስት ታማኝ በየነ የኢትዮጵያ ሰላምና አንድነት የሁሉንም ድርሻ ይጠየቃል ብሏል፡፡

በሀገራችን ላለው ሁኔታ እያንዳንዱ ሰው ኃላፊነት መውሰድ አለበት፤ ሰው በማንነቱና በእምነቱ የሚገደልበት ሁኔታ ያሳቅቃል፣ ይሄን መለወጥ አለበን፣ እርሱን ለመለወጥ ብዙ ሥራ መሠራት አለበትም ብሏል አርቲስት ታማኝ በየነ ፡፡

‹‹የኢትዮጵያን አፈር ጭረው፣ ልጅ አሳድገው፣ ተምሮ ሀገርና ቤተሰብ ይቀይርልናል የሚሉ ዜጎች በገዛ መሬታቸው ላይ መጤ ተብለው ሲገደሉ፣ ሲሳደዱ፣ መስማትና ማዬት ያማል›› ነው ያለው፡፡

በግሎባል አልያንስ አማካኝት የተጎዱ ዜጎችን ለመደገፍ ምን ማድረግ አለብን በሚለው ጉዳይ ከምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን ጋር እንደተወያዩም ተናግሯል፡፡ ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን በመንግሥት በኩል የሚጠበቀው ይደረጋል፣ እናንተ የምታደርጉትንም እናደንቃለን ማለታቸውንም ታማኝ ተናግሯል፡፡

“ተፈናቃዮችን በምታደርጉት እንቅስቃሴ መንግሥት በቻለው አቅም ሁኔታቸውን ያመቻቻል” ብለውኛል ነው ያለው፡፡ አፈር ጭረው አድረው ኢትዮጵያን እዚህ ያደረሱ፣ መከራን የተቀበሉ፣ ለዘመናት ከሰለጠነ ኃይል ጋር ሁሉ ተዋግተው ሀገር እንደ ሀገር ያስረከቡን አያት ቅድመ አያቶቻችን፣ በአንድነት ተቻችለው ኖረው በኛ ዘመን መደማመጥና መቻቻል ለምን አቃተን? ብለን መጠየቅ አለብንም ብሏል፡፡ መማር ማለት መመርመር፣ መጠየቅ፣ ለምን እንዴት መቼ ማለት ነው ያለው ታማኝ ይሄን ማድረግ ከቻላችሁ ነው ተመርቀናል ማለት ያለባችሁ ብሏል ለተመራቂ ተማሪዎች፡፡

በጅምላ የሚነዳ በጋራ የሚያስብ፣ የተማረ አይደለም ያለው ታማኝ በሀገራችን ውስጥ ያለው ከፍተኛ አደጋ በጅምላ መነዳት ነውም ብሏል፡፡ የተወለድንበትን ማንነት ማንም በጉልበት አይነጥቀንም፣ ከእኛው ጋር የሚኖር ነው ይሄ መለያያ ሊሆን አይገባም ነው ያለው፡፡

ለአፍሪካ ተምሳሌት የሆነችን ሀገር ዛሬ በየቦታው ሰው ሲሞት ከሰማን ራሳችን መጠየቅ አለብንም ብሏል፡፡

የዜጎች ሞትና መጎዳት እያንዳንዳችንን ሊያመን ይገባልም ብሏል ታማኝ በየነ፡፡ ያለምንም ጥፋታቸው የሚራቡና ሜዳ ላይ የወደቁ ዜጎችን ማሰብ መቻል አለብን፤ ከእኛ ደስታ ጎን ብዙ መከራ በኢትዮጵያ ውስጥ አለና ነው ያለው ታማኝ በመልዕክቱ፡፡

ይህን የመቀየር ኃላፊነት የተማሩ ወጣቶች መሆኑን ያመላከተው ታማኝ መንግሥትን በድንጋይ ሳይሆን በሀሳብ መሞገት አለብንም ብሏል፡፡ መንግሥት ሕዝብ የሚፈልገውን ማድረግ እንደሚገባውም ተናግሯል፡፡ ሕዝብ ሲያመፅ ከየትም ጉጓድ ውስጥ አውጥቶ ለሕዝብ ያቀርባል፣ ይሄ ከመምጣቱ በፊት ሕዝብ የሚፈልገውን ማድረግ እንደሚገባ ነው ያመላከተው፡፡

ኢትዮጵያ ሰፊና በቂ ናት ያለው ታማኝ ያጣነው ሰፊና በቂ አዕምሮ ያለው ፖለቲከኛ ነው ብሏል፡፡

ወላጆቻችሁ ለፍተው ጥረው ያስተማሯችሁ ኢትዮጵያን በዓለም አቀፍ የምትወክሉ እንድተሆኑ እንጂ በሰፈር የምትከፋፈሉ እንዳትሆኑም ሲሉ ተማሪዎችን አሳስበዋል፡፡ በዚህ መንፈስ ከተንቀሳቀስን የኢትዮጵያ እድል ብሩህ ነው፡፡ በኢትዮጵያ ሰላም መከባበር አንድነት የሁላችን ድርሻ ይጠይቃልም ብሏል ታማኝ በየነ፡፡

ዘጋቢ፡-ታርቆ ክንዴ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

“እውነትን የመካድ ዘመቻ” | አማራ ሚዲያ ኮርፖሬሽን

admin

ኅብረተሰቡ ለወሳኝ ኩነቶች ምዝገባ ንቁ ተሳትፎና ትብብር በማድረግ ክልሉ ፍትሐዊ ተጠቃሚ እንዲሆን የአማራ ክልል ወሳኝ ኩነቶች ኤጀንሲ ጠየቀ፡፡

admin

ለኮቪድ-19 ወረርሽኝ መከላከል ስራ የተመደበ ገንዘብ ያለአግባብ ጥቅም ላይ ያዋሉ ሀላፊዎች በእስራትና በገንዘብ ተቀጡ

admin