79.57 F
Washington DC
June 14, 2021
Satenaw Ethiopian News/Breaking News
Amharic News

“የኢትዮጵያንና የሳዑዲ አረቢያ ግንኙነት የበለጠ ማጠናከር ያስፈልጋል” ምክትል ጠቅላይ ሚኒስትር እና የውጭ ጉዳይ ሚኒስትር ደመቀ መኮንን



“የኢትዮጵያንና የሳዑዲ አረቢያ ግንኙነት የበለጠ ማጠናከር ያስፈልጋል” ምክትል ጠቅላይ ሚኒስትር እና የውጭ ጉዳይ ሚኒስትር
ደመቀ መኮንን
ባሕር ዳር፡ መጋቢት 08/2013 ዓ.ም (አብመድ) ምክትል ጠቅላይ ሚኒስትር እና የውጭ ጉዳይ ሚኒስትር ደመቀ መኮንን
በኢትዮጵያ የሳዑዲ አረቢያ አምባሳደር ሳሚ ጀሚል አብዱላህ ጋር ተወያይተዋል፡፡
“የኢትዮጵያንና የሳዑዲ አረቢያ ግንኙነት የበለጠ ማጠናከር ያስፈልጋል” ብለዋል አቶ ደመቀ፡፡
መንግሥት በትግራይ ክልል ያካሄደው የሕግ ማስከበር እርምጃ መጠናቀቁን ተከትሎ የረድኤት ድርጅቶችና የመገናኛ ብዙኃን
በክልሉ እንዲንቀሳቀሱ ምቹ ሁኔታ ስለመፈጠሩ ፣ የተጎዱ መሰረተ ልማቶችን መልሶ ስለመገንባት፣ ተፈናቃዮችን መልሶ የማቋቋም
ተግባራት እንዲሁም የሰብዓዊ መብት ጥሰቶችን ለማጣራት ገለልተኛ ተቋማት ከአፍሪካ ሕብረትም ሆነ ከተባበሩት መንግሥታት
ድርጅት ጋር ተባብሮ ለመሥራት መንግሥት ዝግጁ እንደሆነ አብራርተውላቸዋል።
የህዳሴ ግድብ ድርድርን በተመለከተም የወቅቱ የአፍሪካ ሕብረት ሊቀመንበር ዲሞክራቲክ ሪፐብሊክ ኮንጎ አስተባባሪነት
የሦስትዮሽ ድርድሩ እንዲቀጥል ኢትዮጵያ ፍላጎቷ መሆኑን ገልጸዋል፡፡
በሱዳን እና በግብፅ በኩል እየቀረበ ያለው አዲስ የድርድር ሃሳብ ለኢትዮጵያ ወገን ይፋዊ በሆነ መልኩ ያልቀረበ መሆኑን
አስታውቀዋል፡፡በሀገራቱ መካከል የሚፈጠሩ ልዩነቶች በመርሆዎች መግለጫ ስምምነት መሰረት መፍታት የሚቻል መሆኑን አቶ
ደመቀ አስረድተዋል።
የኢትዮ-ሱዳን የድንበር ውዝግብ ጋር በተያያዘም፤ ሱዳን የያዘችውን የኢትዮጵያ ሉዓላዊ ግዛት ስትለቅ በድርድር ለመፍታት
ኢትዮጵያ ዝግጁ መሆኗንም ገልጸዋል።
በሳዑዲ አረቢያ የሚገኙ ኢትዮጵያውያንን ወደ ሀገራቸው ለመመለስ በመንግሥት በኩል እየተደረገ ያለውን ጥረት በተመለከተም
ማብራሪያ ሰጥተዋቸዋል።
በኢትዮጵያ የሳዑዲ አረቢያ አምባሳደር ሳሚ ጀሚል አብዱላህ በበኩላቸው በወቅታዊ የሀገሪቱ ሁኔታ ላይ ለተደረገላቸው ገለጻ
አመስግነዋል፡፡ የሀገራቱን ግንኙነት የበለጠ ለማጠናከር እንደሚሠሩም ገልጸዋል።
በሳዑዲ አረቢያ የሚገኙ ኢትዮጵያውያን ወደ ሀገራቸው እንዲመለሱ በመንግሥት በኩል እየተደረገ ያለውን ጥረት የሳዑዲ
መንግስት ድጋፍ እንደሚቀጥል መግለጻቸውን ከውጭ ጉዳይ ሚኒስቴር ቃል ዐቀባይ ጽሕፈት ቤት የተገኘ መረጃ ያመላክታል፡፡
ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous article“እንደ ሀገር ብዙ ሀብት ወጥቶባቸዉ የሚደረጉ የምርምር ሥራዎች የፈጠራና ግኝቶች መነሻና ለትምህርት ሥራም አጋዥ መሆን ይገባቸዋል” የሳይንስና ከፍተኛ ትምህርት ሚኒስትር ዶክተር ሳሙኤል ኡርቃቶ
Next articleግድቡ በመጪው ሐምሌና ነሃሴ ወራት ሁለተኛውን ዙር ውኃ የማይዝበት ምንም ምክንያት እንደሌለ የውኃ፣ መስኖና ኢነርጂ ሚኒስቴር ገለጸ።

Source link

Related posts

ተተኳሽ ጥይቶችን  በህገ ወጥ መንገድ ይዘው ሲንቀሳቀሱ የተገኙ አራት  ግለሰቦች በቁጥጥር ስር ዋሉ

admin

ትግራይ እንዴት ሰነበተች? – (ክፍል 2)

admin

ለመጪዎቹ በዓላት ከ2 ሚሊየን ሊትር በላይ የምግብ ዘይት በተመጣጣኝ ዋጋ እንደሚሰራጭ ተገለጸ

admin