59.29 F
Washington DC
April 21, 2021
Satenaw Ethiopian News/Breaking News
Amharic News

“የአድዋ ድል 125 ዓመታት ወደኋላ ተሻግሮ በእናት ሀገር ልጆች ብርቱ ተጋድሎ እና ታላቅ መስዕዋትነት የተመዘገበ የጋራ አኩሪ ታሪካችን ነው” ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን

“የአድዋ ድል 125 ዓመታት ወደኋላ ተሻግሮ በእናት ሀገር ልጆች ብርቱ ተጋድሎ እና ታላቅ መስዕዋትነት የተመዘገበ የጋራ አኩሪ ታሪካችን ነው” ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን

ባሕር ዳር: የካቲት 22/2013 ዓ.ም (አብመድ) ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን ለአድዋ ድል በዓል የእንኳን አደረሳችሁ መልዕክት አስተላልፈዋል።

አቶ ደመቀ ያስተላለፉት መልዕክት ቀጥሎ ቀርቧል።

ለአድዋ ድል መታሰቢያ ቀን እንኳን በሰላም አደረሳችሁ!

የአድዋ ድል 125 ዓመታት ወደኋላ ተሻግሮ በእናት ሃገር ልጆች ብርቱ ተጋድሎ እና ታላቅ መስዕዋትነት የተመዘገበ የጋራ አኩሪ ታሪካችን ነው።

ወራሪ ጠላት ሀገራችንን በቅኝ የማሳደር የተንጠራራ ምኞት ተከትሎ፤ በአፀፋው በተሰጠ ጀብዳዊ ምላሽ የተቀዳጀነው አንፀባራቂ የነፃነት ድል ነው።

ይህ ድል ሁሌም በትውልድ ልቦና ጎልቶ የሚታወስ ከመሆኑ ባሻገር በውስጡ ትልቅ ትርጉም ያነገበ በመሆኑ፤ እነሆ 125ኛ ዓመቱን በልዩ ትኩረት እና አፅንዖት ለማክበር በቅተናል።

በተለይ ዘንድሮ የድሉን ቀን ስናከብር ለአሁኑ ትውልድ ደማቅ የታሪክ ፈለግ የምናሰርፅበት መልካም አጋጣሚ ፈጥሮልናል።

ከሁሉ በላይ የአድዋ ድል ለጥቁር ሕዝቦች ነፃነት ተምሳሌታዊ ምልክት በመሆን እስከዛሬ ድረስ ዘልቋል፤ ወደፊትም የኩራት ምንጭ ሆኖ እያገለገለ በክብር ይዘልቃል።

ይህ ደማቅ የታሪክ ፈለግ በውስጡ ያዘለው ተሻጋሪ ትርጉም በእናት ምድር ቅጥር ብቻ የተቀነበበ ባለመሆኑ፤ የድሉን ቀን በድምቀት ስለማክበራችን ምክያታዊነቱን በእጅጉ ያፀናል።

የአድዋ ድል የቀደመው ትውልድ የጀብድነት ጥግ እና የጀግንነት ከፍታ የተገለጠበት አንፀባራቂ የታሪክ ምዕራፍ መሆኑን ለትውልዱ በሚገባ ማስጨበጥ ይጠይቃል።

በዘመን ቅብብሎሽ የወረስነውን የጀግንነት ከፍታ በጥበብ መመልከት እና በጥንቃቄ ማስተዋል ይጠይቃል፤ ደግሞም ይገባል።

ትውልዱ እንደቀደሙት አባቶቻችን አንድነቱን አጥብቆ፤ ራስን ከሀገር በታች በማድረግ ዘመኑ ለሚጠይቀው ትግል በፅናት የመሰለፍ እና ድል የመንሳት እሴት ያጋራል።

እኛ ኢትዮጵያውያን በጋራ መታገል እና በጋራ ድል መቀዳጀት ልምድ የሚያጥረን ህዝቦች አለመሆናችን፤ የአድዋ ድል ትልቅ ታሪካዊ ማሳያ ነው።

በቀደመው ትውልድ የተቀዳጀነው ታሪካዊ ድል በዘመን ቅብብሎሽ ለተከተለው ትውልድ የፈጠረውን ወርቃማ ዕድል ውኃ ልኩን ጠብቆ ማክበር ይገባል።

በአሁኑ ጊዜ ሀገራችን ከገጠሟት ገፀ ብዙ ፈተናዎች በጥንቃቄ እና በአስተውሎት ለማሻግር፤ እንዲሁም የታፈረች እና የተከበረች ሃገር ለመጪው ትውልድ ለማውርስ በዚህ አጋጣሚ ትውልዱን የቀደሙ አባቶቻችንን ታሪክ በተግባር እንዲደግም አደራ ለማለት እወዳለሁ!

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የምስራቅ ኢትዮጵያ አጎራባች ክልሎች ገለልተኛ የመንግሥት ተቋማት በሚፈጠርበት ሁኔታ በጅግጅጋ ከተማ እየመከሩ ነው

admin

‹‹እነሆ ቤተመቅደሱን ይጠብቁ ዘንድ ነብሮች ታዘዙ››

admin

መወገድ ያለባቸው የመንግስት ሀብቶች ንብረት ምዝገባ ሊካሄድ ነው

admin