74.17 F
Washington DC
June 14, 2021
Satenaw Ethiopian News/Breaking News
Amharic News

የአዳማ-አዋሽ የፍጥነት መንገድ ፕሮጀክት ግንባታ ተጀመረ

አዲስ አበባ ፣ ግንቦት 22፣ 2013 (ኤፍ ቢ ሲ) -የኢትዮ -ጅቡቲ ትራንስፖርት ኮሪደር አካል የሆነው የአዳማ-አዋሽ 60 ኪሎ ሜትር የፍጥነት መንገድ ፕሮጀክት ግንባታ ዛሬ ተጀመሯል።

በማስጀመሪያ መርሃግብሩ ላይ ጠቅላይ ሚኒስትር ዐቢይ አህመድ የተገኙ ሲሆን የመንገዱ ግንባታ ከአፍሪካ ልማት ባንክ በተገኘ 6 ነጥብ 7 ቢሊዮን ብር ወጪ ይከናወናል።

በመርሃግብሩ ላይ ጠቅላይ ሚኒስትሩ መብላት ከቻልን ሌሎችን መገዳደር እንችላለን ለዚህ ደግሞ መስራት እና ማልማት ያስፈልጋል ብለዋል።

ባለፈው አመት የተጀመረውን መሬት ፆም ማደር የለበትም የሚለውን ጅማሮ በዚህም አመት ተጠናክሮ መቀጠል እንዳለበትም ተናግረዋል።

ለዚህ ስኬት አስተዋፅኦ እንዲያደርግልን ደግሞ በሁሉም ክልሎች ግድቦችን መገንባት ትኩረታችን ይሆናል ያሉት ጥርቅላይ ሚኒስትሩ፥ለመልማት እና ለማደግ ደግሞ ሰዓቱ ነገ ሳይሂን ዛሬ ነው ብለዋል።

ኢትዮጵያዊነት የሚያይልበት ፍሬና ቅጠሉ የረገፈ ግንዱም የተቆረጠ ቢመስልም ኢትዮጵያ የምትበለፅግበት የዛፉ ፍሬ ግን በኢትዮጵያውያን እጅ ላይ ነው ብለዋል።

ይህንን ፍሬ ደግሞ መትከል እና መንከባከብ ኢትዮጵያዊነትን ማሳደግ በአንድነት ማድረግ ያስፈልጋል ብለዋል ጠቅላይ ሚኒስትሩ።

ኢትዪጵያን ማስቀጠል እና ማበልፀግ ከኢትዮጵያዊያን ውጪ በማንም አይታሰብም ያሉት ጠቅላይ ሚኒስትሩ ፍሬውን መትከል ማለት ኢትዮጵያዊነት ይለመልማል አንድነታችን ይቀጥላል ማለት ነውም ብለዋል።

በኢትዮጵያዊና ሱዳን እንዲሁም በኢትዪጵያና ጅቡቲ መካከል የመብራት መስመር ዝርጋታ በቅርቡ እንደሚደረግም ጠቅላይ ሚኒስትር አቢይ አንስተዋል።

ይህም አካባቢውን በዘመናዊ መገድ ከማስተሳሰር ባለፈ በሃይል አቅርቦት፣ በንግድ እና በሌሎችም ተጠናክሮ የሚቀጥል ይሆናል፣ ይህም ኢትዮጵያ ብቸዋን ሳይሆን ከወንድም ሃገራት ጋር እንደግ የሚለው ትልምን ተግባራዊ የሚያደርግም ነው ብለዋል።

ይህ ደግሞ በኢትዮጵያዊያን ብቻ ሳይሆን የሁሉም አካላት ትብብር በመሆኑ የማስገንዘብ ስራ እንሰራለን ብለዋል።

ምንም ቢፈለግ እኛ አንድ እንሁን፣ ምንም ቢፈለግ እኛ ሰላም እንሁን፣ ኢትዮጵያ ያለምንም ጥርጥር ታድጋለች ትበለፅጋለችም ።

የሚኖሩብንን ፈተናዎች ተገዳድረን አንድ ሆነን እንቀጥል ኢልኢትዮጵያንም እናሳድግ የአፍሪካም ፈርጥ እናድርጋት ሲሉ መልእክታቸውን አስተላልፈዋል።

የመንገዱ መገንባት ኢትዮጵያ ከ90 በመቶ በላይ የወጪና ገቢ ንግድ የምታከናውንበትን የጅቡቲ ወደብ በመሆኑ ያለው ጠቀሜታ ከፍተኛ ነው ተብሏል።

በይስማው አደራው

ወቅታዊ፣ትኩስ እና የተሟሉ መረጃዎችን ለማግኘት፡-

ዘወትር፦ ከእኛ ጋር ስላሉ እናመሰግናለን!

Source link

Related posts

የኢትዮጵያ ምርት ገበያ በ10 ወራት ውስጥ 36 ቢሊየን ብር የሚያወጡ ምርቶችን አገበያየ

admin

የኢትዮ ሱዳን የድንበር ጉዳይ መፍታት የሚቻለው ሀገራቱ ባቋቋሟቸው መዋቅሮች ብቻ ነው-አቶ ውሂብ

admin

ትግራይ እንዴት ሰነበተች? – (ክፍል 2)

admin