38.12 F
Washington DC
March 5, 2021
Satenaw Ethiopian News/Breaking News
Amharic News

የአዲስ አበባ ሀገረ ስብከት በትግራይ እና ቤኒሻንጉል ጉሙዝ ክልል በተለያዩ ችግሮች ለተፈናቀሉ ወገኖች 15 ሚሊየን ብር ድጋፍ አደረገ

አዲስ አበባ ፣ የካቲት 5 ፣ 2013 (ኤፍ ቢ ሲ) የአዲስ አበባ ሀገረ ስብከት በትግራይ እና ቤኒሻንጉል ጉሙዝ ክልል በተለያዩ ችግሮች ለተፈናቀሉ ወገኖች የ15 ሚሊየን ብር ድጋፍ አደረገ፡፡
ቅዱስ ሲኖዶስ በትግራይ እና ቤኒሻንጉል ጉሙዝ ክልሎች በተከሰተው ወቅታዊ ችግር ጉዳት ለደረሰባቸው እርዳታ እና ድጋፍ እንዲደረግ በወሰነው መሠረት ነው የአዲስ አበባ ሀገረ ስብከት 15 ሚሊየን ብር ድጋፍ ያደረገው፡፡
ይህን በሚመለከትም በመንበረ ፓትርያርክ ጠቅላይ ጽህፈት ቤት ጋዜጣዊ መግለጫ ተሰጥቷል፡፡
በመግጫው የአዲስአበባ እና የጉራጌ ሀገረ ስብከት ሊቀ ጳጳስ ብፁዕ አቡነ መልከጼዴቅ ለጉዳዮ ትኩረት ተሰጥቶ እየተሠራ መሆኑን የገለፁ ሲሆን የኒውዮርክ እና አካባቢው አህጉረ ስብከት ሊቀ ጳጳስ ብፁዕ አቡነ ጴጥሮስ በበኩላቸው በትግራይ ክልል ጉብኝት በማድረግ የችግሩን መጠን እንደተመለከቱ ገልጸው ከኢትዮጵያ ውጪ ያሉት አህጉረ ስብከቶች እርዳታ እንደሚያደርጉ ገልጸዋል፡፡
በኢትዮጵያ ኦርቶዶክስ ተዋሕዶ ቤተክርስቲያን የልማትና ክርስቲያናዊ ተራድዖ ኮሚሽን በትግራይ እና ቤኒሻንጉል ክልል ለሚከናወን ሰብአዊ ድጋፍ የ 81ሚሊየን ብር ፕሮጀክት ቀርፆ እየሠራ መሆኑ የተገለፀ ሲሆን ÷ከዚህ ውስጥ 35 ሚሊየን 940 ሺህ ብር የፋይናንስ ድጋፍ ተገኝቶ ተግባራዊ ሥራ መጀመሩን ኮሚሽነሩ አቶ ይልቃል ሽፈራው ገልጸዋል፡፡
በዚህም በራያ ወረዳ ለ6 ሺህ 500 ችግረኛ ወገኖችን የቤት ቁሳቁስ እየታደለ መሆኑን ተናግረዋል፡፡
በኢትዮጵያ ኦርቶዶክስ ተዋሕዶ ቤተክርስቲያን የልማትና ክርስቲያናዊ ተራድዖ ኮሚሽን በመቐለ በመጸዳጃ ቤት እና ዉሃ አቅርቦት እየሠራ እንደሆነ መገለፁን ከኢትዮጵያ ኦርቶዶክስ ተዋህዶ ቤተክርስትያን መገናኛ ብዙሃን አገልግሎት ስርጭት ያገኘነው መረጃ ያመላክታል፡፡
ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-
የፋና ድረ ገጽ https://www.fanabc.com/ ይጎብኙ፤
ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ
ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ
ከዚህ በተጨማሪም በትዊተር ገጻችን https://twitter.com/fanatelevision ይወዳጁን
የፋና ብሮድካስቲንግ ኮርፖሬት መተግበሪያን https://play.google.com/store/apps/details… በስልክዎ በመጫን ቀጥታ የቴሌቪዥን ስርጭት፣ ኤፍኤም 98.1 እና ብሄራዊ ሬዲዮን ይከታተሉ፡፡ ቪዲዮዎችንም ይመልከቱ፡፡
ዘወትር ከእኛ ጋር ስላሉ እናመሰግናለን!

The post የአዲስ አበባ ሀገረ ስብከት በትግራይ እና ቤኒሻንጉል ጉሙዝ ክልል በተለያዩ ችግሮች ለተፈናቀሉ ወገኖች 15 ሚሊየን ብር ድጋፍ አደረገ appeared first on Welcome to Fana Broadcasting Corporate S.C.



Source link

Related posts

የደብረ ብርሃን ዩኒቨርሲቲ ለአካባቢው ማኀበረሰብ የተለያዩ ማኀበራዊና ኢኮኖሚያዊ አገልግሎቶችን በመስጠት አለኝታነቱን እያሳየ መሆኑን የአማራ ክልል ርዕሰ መስተዳድር አቶ አገኘሁ ተሻገር ተናገሩ፡፡

admin

በአምባሰል ወረዳ በ64 ሚሊየን ብር ወጭ የተገነባ የመስኖ ፕሮጀክት ተመረቀ

admin

የኢፌዴሪ ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን ከኖርዌይ አቻቸው ጋር ተወያዩ፡፡

admin