78.12 F
Washington DC
June 15, 2021
Satenaw Ethiopian News/Breaking News
Amharic News

የአሜሪካ ዓለም አቀፍ የልማት ተራድኦ ድርጅት (ዩኤስኤድ) ለአማራ ክልል ጠቅላይ ዐቃቤ ሕግ ዓይነ ስውር ባለሙያዎች የቁሳቁስ ድጋፍ አደረገ።

የአሜሪካ ዓለም አቀፍ የልማት ተራድኦ ድርጅት (ዩኤስኤድ) ለአማራ ክልል ጠቅላይ ዐቃቤ ሕግ ዓይነ ስውር ባለሙያዎች የቁሳቁስ ድጋፍ አደረገ።

ባሕር ዳር: ግንቦት 20/2013 ዓ.ም (አሚኮ) የአሜሪካ ዓለም አቀፍ የልማት ተራድኦ ድርጅት (ዩኤስኤድ) የፍትሕ ተግባራት በኢትዮጵያ ከ14 ሚሊዮን ብር በላይ የሚያወጡ ቁሳቁሶችን በአማራ ክልል ጠቅላይ ዐቃቤ ሕግ መሥሪያ ቤት ለሚሠሩ 55 ዓይነ ስውር ዐቃቢያነ ሕግ ባለሙያዎች ድጋፍ አድርጓል፡፡

ድርጅቱ ላፕቶፕ ኮምፒውተሮችን ከነሶፍትዌራቸው፣ ብሬል እና የጆሮ ማዳመጫዎችን ለመሥሪያ ቤቱ ዓይነ ሥውር ዐቃቢያነ ሕግ ባለሙያዎች ዛሬ አበርክቷል፡፡

በአማራ ክልል ጠቅላይ ዐቃቤ ሕግ መሥሪያ ቤት ዓይነስውር ባለሙያ አዳነ በዛብህ እንዳሉት ድርጅቱ ድጋፍ ያደረገላቸው ቴክኖሎጂዎች ለአጠቃቀም ምቹና ዘመናዊ ናቸዉ ብለዋል። በተለይም ብሬሉ በሀገር ውስጥ ያልተለመደ፣ ውድ ዋጋ የሚያወጣ፣ በትዕዛዝ ብቻ የሚሠራ እና በትንሽ ቁጥር የሚመረት በመኾኑ በግለሰብ ደረጃ ለመግዛት እንደሚከብድ ተናግረዋል።

ድርጅቱ ድጋፍ ያደረገው ብሬሉ በኮምፒውተር ስክሪን ላይ የተፃፈውን ጽሑፍ በገመድ አልባ ዘዴ (ብሉቱዝ) ወይም በገመድ (ኬብል) አገናኝቶ እና እየዳበሱ ለማንበብ ይጠቅማልም ነው ያሉት።

ከዚህ በተጨማሪ ለዓይነ ስውራን ከኮምፒውተር ማስታወሻ ለመውሰድና በቀላሉ ኢንተርኔት ለመጠቀም እንደሚያግዝም ተናግረዋል። በድጋፍ የተበረከቱላቸው ኮምፒውተሮች የአማርኛ ቋንቋን ለማንበብ የሚያስችል መተግበሪያ እንዲያመቻችላቸው ጠይቀዋል።

የአማራ ክልል ጠቅላይ ዐቃቤ ሕግ ገረመው ገብረጻዲቅ የአሜሪካ ዓለም አቀፍ የልማት ተራድኦ ድርጅት (ዩኤስኤድ) የፍትሕ ተግባራት በኢትዮጵያ ከፍትሕ ተቋማት ጋር ከአንድ ዓመት በፊት ጀምሮ በትብብር እየሠራ ይገኛል ብለዋል።

ድርጅቱ የባለሙያዎችን አቅም የሚያጎለብቱ ሥልጠናዎች እንዲሰጡ በማድረግና ቴክኖሎጂዎችን ድጋፍ እያደረገ መሆኑንም ገልጸዋል።

ጠቅላይ ዐቃቤ ሕግ የፍትህ ሥርዓትን ለማዘመን በሚያደርገው እንቅስቃሴም ለማገዝ ተገልጋይ በሚበዛባቸው ደሴ፣ ባሕር ዳር እና ጎንደር ከተሞች ዲጂታል የወረፋ ማስጠበቂያ አሠራርን ተግባራዊ ማድረጉንም ጠቁመዋል።

ዛሬ ለ55 ዓይነ ስውር ዐቃቤ ሕግ ባለሙያዎች የተደረገው ድጋፍም ሙሉ አቅማቸውን ተጠቅመው ለኅብረተሰቡ አገልግሎት እንዲሰጡ ያግዛቸዋል ብለዋል።

ባለሙያዎች ስልጠና እንዲያገኙ፣ ያልተጫኑ መተግበሪያዎች እንዲተዋወቁ ከድርጅቱ ጋር እየተነጋገሩ መሆኑንም ገልጸዋል።

የአሜሪካ ዓለም አቀፍ የልማት ተራድኦ ድርጅት (ዩኤስኤድ) የፍትሕ ተግባራት በኢትዮጵያ ምክትል ኀላፊ ማንደፍሮት በላይ ድርጅታቸው ዘመናዊ የፍትሕ ሥርዓት እንዲተገበር እየሠራ ነው ብለዋል። በተያዘው ዓመት በአማራ እና በኦሮሚያ ክልሎች ከሚገኙ የፍትሕ አካላት ጋር በቅንጅት እየሠራ እንደሚገኝ ተናግረዋል። ለተግባራዊነቱ ደግሞ ዛሬ በባሕር ዳር ከተማ ቢሮ መክፈታቸውን አስረድተዋል።

ከፍትሕ አካላት ጋር በመኾን ባለሙያዎችን በመመደብ የፍርድ ቤትን እና ዐቃቤ ሕግ መሥሪያ ቤትን ለማጠናከር ይሠራል፤ ሕጎች ከመውጣታቸው በፊት ከሕዝቡ ጋር ውይይት እንዲካሄድ ያግዛል፤ የሕግ ማዕቀፎች እንዲሻሻሉ ጥረት ያደርጋል፤ ለባለሙያዎች አቅም የሚገነቡ ሥልጠናዎች ይሰጣል ብለዋል።

የአሜሪካ ዓለም አቀፍ የልማት ተራድኦ ድርጅት (ዩኤስኤድ) ፍትሕ ተግባራት በኢትዮጵያ በፍትሕ ሥርዓቱ የራሱን ድርሻ ለማበርከት ከፍተኛ የሥራ ኀላፊዎች በተገኙበት በባሕር ዳር ቢሮውን ከፍቷል።

ዘጋቢ:- አዳሙ ሽባባው

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

ኢትዮጵያዊያን ለመላው አፍሪካ የነፃነት ቀንዲል ሆናን እንድትዘልቅ በጋራ እንረባረብ – ም/ጠ/ሚ ደመቀ መኮንን

admin

ኤርሚያስ ለገሰ “የወያኔ የፕሮፖጋንዳ ሰራተኛ እያለ የለመደው የቁጥር ጫወታ አለቀቀውም”

admin

በደብረ ብርሃን ከተማ የተገነባዉ የሃይሌ ሚናስ አዳሪ ትምህርት ቤት የመጀመሪያ ዙር ተማሪዎችን ተቀብሎ ማስተማር ጀምሯል፡፡

admin