51.91 F
Washington DC
May 11, 2021
Satenaw Ethiopian News/Breaking News
Amharic News

የአማራ ክልል ሰንደቅ ዓላማ የክልሉን ሕዝብ ሥነ ልቦና፣ መልክዓ ምድር እና የተፈጥሮ ሃብቶች የሚወክል ሊሆን እንደሚገባ ደራሲ ጌታቸው በለጠ አመላከቱ፡፡

የአማራ ክልል ሰንደቅ ዓላማ የክልሉን ሕዝብ ሥነ ልቦና፣ መልክዓ ምድር እና የተፈጥሮ ሃብቶች የሚወክል ሊሆን እንደሚገባ ደራሲ ጌታቸው በለጠ አመላከቱ፡፡

ባሕር ዳር፡ ሚያዝያ 01/2013 ዓ.ም (አሚኮ)

የአማራ ክልል ሕዝቦች ከጥንት እስከ ዛሬ ከሚያምኑባቸው እና ከሚታመኑባቸው የሀገረ መንግሥት ምሰሶዎች መካከል አንዱ ሰንደቅ ዓላማ ነው፡፡

የአማራ ክልል ምክር ቤት 5ኛ ዙር 6ኛ ዓመት 17ኛ መደበኛ ጉባኤ ካስተላለፋቸው የውሳኔ ሃሳቦች መካከል አንዱ የክልሉን ሰንደቅ ዓላማ መቀየር ነበር፡፡ “ከዚህ ቀደም የነበረው ሰንደቅ ዓላማ የክልሉን ሕዝብ ሥነ ልቦና የማይወክል እና በሕዝብ ላይ የተጫነ ነበር” በሚል እንዲቀየር የውሳኔ ሃሳብ በክልሉ ሕዝብ እንደራሴዎች ስምምነት ላይ ተደረሰ፡፡ ይህንን የውሳኔ ሃሳብ ተከትሎ የክልሉ ርእሰ መሥተዳድር የወከሏቸው ኮሚቴዎችም ዛሬ ከአማራ ምሁራን መማክርት ጉባኤ አባላት ጋር በጉዳዩ ዙሪያ ውይይት አድርጓል፡፡

በውይይቱ ላይ ተሳታፊ የነበሩት ደራሲ ጌታቸው በለጠ ገለጻ የአንድ ማኅበረሰብ ሰንደቅ ሲዘጋጅ የማኅበረሰቡን ሥነ ልቦና፣ የክልሉን መልክዓ ምድር፣ የተፈጥሮ ሃብቶች፣ ባሕልና ወግ እንዲሁም የሚዳሰሱና የማይዳሰሱ ቅርሶችን ታሳቢ ያደረገ ሊሆን ይገባል፡፡ በሚዘጋጀው ሰንደቅ ዓላማ ዙሪያም በየደረጃው ከሚገኘው የኅብረተሰብ ክፍል ጋር ሰፊ ውይይት ማድረግ እንደሚገባም መክረዋል፡፡

ከዚህ ቀደም የነበረው የክልሉ ሰንደቅ ዓላማ በሕዝብ ዘንድ ተቀባይነትን ያጣው የማኅበረሰቡን ሥነ ልቦና ስለማይወክል እና በሕዝብ ይሁንታ የፀደቀ ስላልነበር ነው ያሉት የርእሰ መሥተዳድሩ የሕግ ጉዳዮች አማካሪ መርሐፅድቅ መኮንን ናቸው፡፡ ካለፈው ተሞክሮ በመውሰድ በጥንቃቄ እና በውይይት ላይ ተመስርቶ ለማዘጋጀት ጥረት ይደረጋል ብለዋል፡፡

ሰንደቅ ዓላማው ከመዘጋጀቱ በፊት በይዘት ላይ ስምምነት መደረስ አለበት፤ ይህ ውይይትም ለይዘት መረጣ እና ዝግጅት የሚያግዝ ግብዓት ለማግኘት ያለመ መሆኑን አቶ መርሐፅድቅ ተናግረዋል፡፡

የሚዘጋጀው ሰንደቅ ዓላማ በሕዝብ ላይ የሚጫን ሳይሆን ፍላጎቱን የሚመጥን፣ ከፍታውን የሚያሳይ፣ የክልሉን ነባራዊ፣ ታሪካዊ እና ጥንታዊ ማንነት በሚወክል መልኩ ለማዘጋጀት ሰፊ ቅድመ ዝግጅት እና ውይይት ያስፈልጋል ብለዋል፡፡

ዘጋቢ፡-ታዘብ አራጋው

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ቃና ዘገሊላ | የአማራ ብዙኃን መገናኛ ድርጅት

admin

ሐረማያ ዩኒቨርሲቲ ለአቶ አባ ዱላ ገመዳ እና ለአቶ አብዱላሂ አሊ ሸሪፍ የክብር ዶክትሬት አበረከተ

admin

“የአድዋ ድል 125 ዓመታት ወደኋላ ተሻግሮ በእናት ሀገር ልጆች ብርቱ ተጋድሎ እና ታላቅ መስዕዋትነት የተመዘገበ የጋራ አኩሪ ታሪካችን ነው” ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን

admin