56.68 F
Washington DC
April 21, 2021
Satenaw Ethiopian News/Breaking News
Amharic News

የአማራ ሚዲያ ኮርፖሬሽን (አሚኮ) የማቋቋሚያ፣ የስልጣንና ተግባር መወሰኛ ረቂቅ አዋጅ የውሳኔ ሀሳብ ለምክር ቤቱ ሊቀርብ ነው፡፡

የአማራ ሚዲያ ኮርፖሬሽን (አሚኮ) የማቋቋሚያ፣ የስልጣንና ተግባር መወሰኛ ረቂቅ አዋጅ የውሳኔ ሀሳብ ለምክር ቤቱ ሊቀርብ ነው፡፡

ባሕር ዳር: የካቲት 29/2013 ዓ.ም (አብመድ) አማራ ብዙኃን መገናኛ ድርጅትን ወደ አማራ ሚዲያ ኮርፖሬሽን ለማሳደግ የረቂቅ አዋጅ ተዘጋጅቷል፡፡

በአማራ ብሔራዊ ክልል ምክር ቤት የሴቶች፣ ህፃናት፣ ወጣቶች እና ማኅበራዊ ጉዳዮች ቋሚ ኮሚቴ በተዘጋጀው የአሚኮ ማቋቋሚያ፣ የስልጣንና ተግባር መወሰኛ ረቂቅ አዋጅ ላይ የሕዝብ ሰሚ መድረክ በባሕር ዳር አካሂዷል፡፡

ረቂቅ አዋጁ አምስት ክፍሎች እና 29 አንቀጾች ያሉት ነው፡፡ ወደ ኮርፖሬሽን ሲያድግ ሊያሟላቸው የሚገቡ ጉዳዮችን፣ ቀደም ብሎ በተቋሙ የነበሩ ችግሮች ምን እንደነበሩና ማሻሻያው ያስፈለገበት ምክንያት እንዲሁም ወደ ኮርፖሬሽን ማደጉ የሚኖረው ጥቅም በረቂቅ አዋጁ ተመላክቷል፡፡

አብመድ ዘመኑ የደረሰበትን ቴክኖሎጂ በመጠቀም አድማሱን እያሰፋ መሆኑን የሴቶች፣ ህፃናት፣ ወጣቶች እና ማኅበራዊ ጉዳዮች ቋሚ ኮሚቴ ሰብሳቢ ወይዘሮ ሉባባ ኢብራሂም ገልጸዋል፡፡

ረቂቅ አዋጁ ከሀገር ውስጥ አልፎ በውጪ ሀገራት የሚኖሩ ኢትዮጵያውያንን ተደራሽ ማድረግ የሚቻልበትን አማራጭ ያካተተ መሆኑንም አብራርተዋል፡፡

እንደ ሰብሳቢዋ ማብራሪያ በምክር ቤቱ የአሠራር ሥነ ሥርዓት ደንብ ቁጥር 12/2003 መሠረት ረቂቅ አዋጁ ለምር ቤት ከመቅረቡ ከ15 ቀናት ቀድሞ ለቋሚ ኮሚቴ መድረስ አለበት፡፡

አብመድ ረቂቅ አዋጁን ከሁለት ወራት በፊት ማድረሱንም ወይዘሮ ሉባባ ተናግረዋል፡፡ በዚህም ሕዝቡ የተለያዩ አማራጮችን (በስልክ፣ በኢሜል፣ በማኅበራዊ የትስስር ገጽ እና በሌሎች የመገናኛ አውታሮች) በመጠቀም ሀሳብና አስተያየት ለምክር ቤቱ እንዲሰጡበት መደረጉን አስታውቀዋል፡፡

ከሕዝብ አስተያየት ባለፈም ዛሬ በተዘጋጀው የሕዝብ ሰሚ መድረክ በተለይም ከሙያ እና ከሕግ አንጻር ጥሩ ግብዓት እንደተገኘ ገልጸዋል፡፡

በረቂቅ አዋጁ ላይ በቂ አስተያዬት መገኘቱን የተናገሩት ሰብሳቢዋ በአስተያዬቶቹ መሠረት ማስተካከያ ተደርጎ የክልሉ ምክር ቤት በሚያካሂደው ጉባዔ የውሳኔ ሃሳብ እንደሚሰጥበትም አመላክተዋል፡፡

የአማራ ብዙኃን መገናኛ ድርጅት ዋና ሥራ አስኪያጅ አቶ ሙሉቀን ሰጥየ ድርጅቱን ወደ ኮርፖሬሽን ለማሳደግ የዝግጅት ሥራዎች መጠናቀቃቸውን ተናግረዋል።

የረቂቅ አዋጁን መጽደቅ ተከትሎ ወደ ሥራ እንደሚገባም ገልጸዋል።

ዘጋቢ:- ደጀኔ በቀለ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

“በርብ ግድብ የአሳ ምርት ላይ ያለውን ህገወጥ ሥራ በማስቆም የአሳ ምርቱን ውጤታማ ለማድረግ እየሠራሁ ነው፡፡” የደቡብ ጎንደር ዞን እንስሳት ሃብት ልማት ተጠሪ ጽሕፈት ቤት

admin

የፌዴሬሽን ምክር ቤት አፈ ጉባኤ አቶ አደም ፋራህ ከቱርክ አምባሳደር ጋር ተወያዩ

admin

ጁንታው በዋሻ ውስጥ ሆኖ የትግራይን ህዝብ ለማደናገር የሚያደርገው ጥረት አይሳካም- መከላከያ ሰራዊት

admin