68.25 F
Washington DC
May 13, 2021
Satenaw Ethiopian News/Breaking News
Amharic News

የአማራ ሚዲያ ኮርፖሬሽን በአፋን ኦሮሞና በትግርኛ ቋንቋዎች የማስፋፊያና የማስጀመሪያ ፕሮግራም ጀመረ፡፡



የአማራ ሚዲያ ኮርፖሬሽን በአፋን ኦሮሞና በትግርኛ ቋንቋዎች የማስፋፊያና የማስጀመሪያ ፕሮግራም ጀመረ፡፡
ባሕር ዳር፡ ሚያዝያ 25/2013 ዓ.ም (አሚኮ) የአማራ ሚዲያ ኮርፖሬሽን በአምስት ቋንቋዎች ለአድማጭ፣ ለተመልካች እና
ለአንባቢያን መረጃዎችን እያደረሰ ይገኛል፡፡
ኮርፖሬሽኑ በተለያዩ ቋንቋዎች ዝግጅቶችን በማሰራጨት ከሚገኙ መገናኛ ብዙኃን አንዱ መሆኑን የተናገሩት የኮርፖሬሽኑ ዋና ሥራ
አስኪያጅ ሙሉቀን ሰጥዬ በሳምንት የአንድ ሰዓት ሥርጭት ብቻ የነበረው የአፋን ኦሮሞ የቴሌቪዥን ፕሮግራም አሁን ደግሞ
በተጨማሪ ከዛሬ ጀምሮ ዘወትር ከሰኞ እስከ አርብ ከ11፡30–12፡00 ማስፋፊያ ተደርጓል ብለዋል፡፡
ኮርፖሬሽኑ በአዲስ መልኩ የትግረኛ ቋንቋ ፕሮግራም ከዛሬ ጀምሮ ከሰኞ እስከ አርብ ከ11፡00–11፡30 የ30 ደቂቃ ሥርጭት
እንደሚጀምር አቶ ሙሉቀን አብራርተዋል፡፡
“የሚዲያ ዓላማ ኅብረተሰቡን ማገልገል ነው፡፡ የአማራ ሕዝብ ባሕሉን፣ እሴቱን በአጠቃላይ ማኅበራዊ፣ ፖለቲካዊና ኢኮኖሚያዊ
እንቅስቃሴ በሀገራችን ሕዝቦች በሚጠበቀው መልኩ መረጃ አልደረሳቸውም፡፡ በመሆኑም የአማራን ሕዝብ ትክክለኛ ማንነት
ለሌሎች የሀገራችን ክፍሎች ማድረስ፣ ማሳወቅ፣ የሕዝቦች ትስስርን ማጠናከር ያስፈልጋል” ብለዋል፡፡
ዋና ሥራ አስኪያጁ በቀጣይም የውጪና የሀገር ውስጥ ቋንቋዎችን ሥርጭት ለማስጀመር ኮርፖሬሽኑ አበክሮ እየሠራ መሆኑን
ገልጸዋል፡፡ ኮርፖሬሽኑ በተለያዩ ቋንቋዎች ሥርጭት የሚጀምረው የቋንቋው ባለቤት የሆኑ ሕዝቦች ቀጥታ በራሳቸው ቋንቋ ስለነሱ
ታሪክና ማንነት ለሌሎች ሕዝቦች መረጃ እንዲያደርሱ በማለም ነው ብለዋል፡፡
የአማራ ሕዝብ ላይ የተሠራውን የተዛባ ትርክት ለመቀየር እና ትክክለኛውን የአማራ ሕዝብ ባሕል፣ ታሪክ ትውፊት እና እሴት
ለሀገራችን ሕዝቦች በቋንቋቸው ለማስገንዘብ ሥርጭት መጀመሩ ጠቀሜታው የጎላ መሆኑን ገልጸዋል።
ሚዲያው የመረጃ ፍሰት ማእከል ሆኖ ማገልገል አለበት ያሉት አቶ ሙሉቀን የሁሉም ቋንቋ ተናጋሪ ሕዝቦች የመረጃ ግብዓት
ሆነው ሊሳተፉበት እንደሚገባ ጠይቀዋል፡፡
ኮርፖሬሽኑ የአየር ሰዓት ማስፋፊያን ማድረጉን ተከትሎ ሚዲያዉን በአግባቡ መጠቀም ከማኅበረሰቡ የሚጠበቅ ነው ብለዋል፡፡
ኅብረተሰቡ ጥሩም ሆነ መስተካከል የሚገባቸውን ግብዓቶች ለሚዲያው መመገብ ይጠበቅበታል ነው ያሉት፡፡
የኮርፖሬሽኑ ጋዜጠኞችም ሁሉንም የኅብረተሰብ ክፍሎች የመረጃ ተደራሽ ለማድረግ ይሠራሉ ብለዋል፡፡ በተለይ የአማራና የኦሮሞ
ወንድማማች ሕዝቦች የበለጠ በማቀራረብ፣ ሀሰተኛ ትርክቶችን በማረም በእውነት ላይ የተመሠረቱ ዝግጅቶችም
እንደሚስተናገዱም ተናግረዋል፡፡
የአማራ ክልል ባሕልና ቱሪዝም ቢሮ ምክትል ኀላፊ እንድሪስ አብዱ የኦሮምኛ ቋንቋ ዝግጅት ክፍል ካሁን ቀደም በሳምንት አንድ
ሰዓት ብቻ የነበረው ስርጭት አሁን ላይ ዕለታዊ የሥርጭት መርኃግብር ማስጀመሩ የሕዝብን ጥያቄ አዳምጦ ምላሽ መስጠት
እንደሆነ ተናግረዋል፡፡
የሰዓት ማስፋፊያው ሕዝቡ ባሕልና ማንነቱን ለቀሪው ዓለም የበለጠ አጉልቶ እንዲያሳይ ይረዳል ብለዋል፡፡ ከሚዲያው ባለቤት
ሕዝቦችም ተጨባጭ የሆኑ መረጃዎችን መመገብ ይጠበቃል ነው ያሉት፡፡
ዘጋቢ፡- ቡሩክ ተሾመ
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous article“የአማራ ሚዲያ ኮርፖሬሽን በቀጣናው ተፅዕኖ ፈጣሪ እንዲሆን ነው የምንፈልገው” አቶ አብርሃም አለኸኝ
Next article“አረንጓዴው የሀገር ዘብ ትኩረት ይሻል”

Source link

Related posts

በአዲስ አበባ በ1 ነጥብ 6 ቢሊየን ብር ወጪ የሚገነባው የመንገድ ግንባታ በይፋ ተጀመረ

admin

“አረንጓዴው የሀገር ዘብ ትኩረት ይሻል”

admin

የኢትዮጵያ ብሔራዊ ምርጫ ቦርድ የዕጩዎች ምዝገባ ማከናወን የተራዘመባቸው ክልሎችን አስመልክቶ የተሰጠ መግለጫ

admin