71.98 F
Washington DC
May 17, 2021
Satenaw Ethiopian News/Breaking News
Amharic News

“የአማራ ሚዲያ ኮርፖሬሽን በቀጣናው ተፅዕኖ ፈጣሪ እንዲሆን ነው የምንፈልገው” አቶ አብርሃም አለኸኝ

“የአማራ ሚዲያ ኮርፖሬሽን በቀጣናው ተፅዕኖ ፈጣሪ እንዲሆን ነው የምንፈልገው” አቶ አብርሃም አለኸኝ

ባሕር ዳር፡ ሚያዝያ 25/2013 ዓ.ም (አሚኮ) የአማራ ሚዲያ ኮርፖሬሽን ተደራሽነቱን ለማስፋት እየሠራ ነው፡፡ ኮርፖሬሽኑ ተደራሽነቱን ከፍ በማድረግ አሁን ከሚያሰራጭባቸው ቋንቋዎች በተጨማሪ ተደራሽ ለመሆን በዝግጅት ላይ ነው፡፡

የአማራ ሚዲያ ኮርፖሬሽን የቦርድ ሰብሳቢ አቶ አብርሃም አለኸኝ የሚዲያውን ዝግጅት በተመለከተ ማብራሪያ ሰጥተዋል፡፡

በማብራሪያቸው የአማራ ሚዲያ ኮርፖሬሽንን አቅም ለማስፋት መግባባት ላይ መደረሱን ተናግረዋል፡፡

ተቋሙ አሁን ላይ አገልግሎት ከሚሰጥባቸው ቋንቋዎች በተጨማሪ በአረብኛ፣ በትግርኛ፣ በሶማሊኛ እና በአፋርኛ ቋንቋዎች ተደራሽ ለመሆን ዝግጅት እያደረገ መሆኑን አስታውቀዋል፡፡

በቤኒሻንጉል ጉሙዝ ክልል ሰፊ ሕዝብ የሚጠቀምበትን ቋንቋ አገልግሎት ተደራሽ ለማድረግ ጥናት እየተደረገ እንደሆነም ገልጸዋል፡፡ በትግርኛ ቋንቋ ሥርጭት ለመጀመር የቅድመ ዝግጅት ሥራ መጠናቀቁንም አስታውቀዋል፡፡ የትግርኛ ቋንቋን ሰፊ ሕዝብ የሚናገረው መሆኑን ያነሱት የቦርድ ሰብሳቢው ትግርኛ ቋንቋን ከትግራይ ሕዝብ ጋር ለሚኖረው የጠበቀ ግንኙነት ሚናው ከፍ ያለ ነው ብለዋል፡፡

ቋንቋውን ተደራሽ ማድረግ ታሪካዊ ወዳጅነት ካለው የኤርትራ ሕዝብ ጋር ለመገናኘትና ወዳጅነቱን የበለጠ ለማስፋት ሚናው የጎላ መሆኑንም አንስተዋል፡፡

ኮርፖሬሽኑ አገልግሎት እየሰጠበት የሚገኘውን ኦሮምኛ ቋንቋ ተደራሽነቱን የበለጠ ለማስፋት ዕቅድ መያዙንም ተናግረዋል፡፡ በትግርኛ እና በኦሮምኛ ቋንቋዎች በሳምንት አምስት ቀን ( ከሰኞ እስከ አርብ) አገልግሎት ይሰጣል፤ ለዚህም የቅድመ ዝግጅት ሥራዎች ተሠርተዋል ነው ያሉት የቦርድ ሰብሳቢው፡፡ ወደፊት መሠረቱን ጥናት ላይ በማድረግ በሌሎች ቋንቋዎችም አገልግሎት ለመስጠት እንደሚሠራ አስታውቀዋል፡፡

አቶ አብረሃም ቋንቋዎችን ወደ ሥራ ለማስገባት የሚደረገውን ሥራ የሰው ኃይል እጥረት ፈተና እንደሆነበትም አንስተዋል፡፡ አገልግሎቱ በቴሌቪዥን ብቻ ሳይሆን አቅም በማደራጀት በሬዲዮም ተደራሽ ለመሆን ይሠራል፤ ይህም በሕዝብ ለሕዝብ ያለውን እሴት ለማጠናከርና ወዳጅነቱን ለማስፋት ሚናው ከፍ ያለ እንደሚሆንም አንስተዋል፡፡

ሚዲያውን የበለጠ ተደራሽ ለማድረግ የሥርጭት መጠኑን መጨመር፣ ብቁ ባለሙያ እንዲኖር ማድረግና በቴክኖሎጂ ራስን ማብቃት ያስፈልጋልም ነው ያሉት፡፡ “ዋናው ፍላጎታችን የአማራ ሚዲያ ኮርፖሬሽን የሁሉም ድምፅ እንዲሆን ነው፤ የአማራ ሚዲያ ኮርፖሬሽን በቀጣናው ተፅዕኖ ፈጣሪ እንዲሆን እንፈልጋለን” ብለዋል የቦርድ ሰብሳቢው፡፡
ሁሉንም ቋንቋዎች ቋንቋችን ነው ብለን መጠቀም አለብንም ነው ያሉት፡፡

አቶ አብርሃም በሕዝቦች መካከል ያለው ጠንካራ ግንኙነት ወደ ሚዲያ ሲመጣ የበለጠ እንደሚያጎለብተው ገልጸዋል፡፡ የአማራ ሚዲያ ኮርፖሬሽን ሠፊ እቅዶች እንዳሉት የተናገሩት የቦርድ ሰብሳቢው በእቅዶች መሠረት በትኩረት ከተሠራ በሂደት የሁሉም ድምፅ ለመሆንና የቀጣናው ተፅዕኖ ፈጣሪ የመሆን አቅም እንደሚፈጥርም አስታውቀዋል፡፡

የአማራ ሚዲያ ኮርፖሬሽን በትግረኛ እና ኦሮምኛ ቋንቋዎች ከሰኞ እስከ አርብ ዕለታዊ ሥርጭት ከዛሬ 11 ሰዓት ጀምሮ ማስተላለፍ ይጀምራል።

ዘጋቢ፡- ታርቆ ክንዴ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

ከብሔራዊ ደህንነት ምክር ቤት በወቅታዊ ሀገራዊና ቀጠናዊ፣ የደህንነትና ፀጥታ ጉዳዮች ላይ የተሰጠ መግለጫ

admin

ግልገል ጊቤ II የኃይል ማመንጫ ቀልጣፋ የጥገና አሰራርን ለመፍጠር የዲጂታል መፍትሄዎች ሊተገብር ነው

admin

የካይሮ  ወርቅ  ማውጫ  በቤኒሻንጉል… ወርቁን ይዝቃል…. ግድቡን ይሰልላል….!!! (እስሌማን አባይ)

admin