79.66 F
Washington DC
June 19, 2021
Satenaw Ethiopian News/Breaking News
Amharic News

የአማራ ሊግ ክለቦች የ2013 ዓ.ም የማጠቃለያ ውድድር በባሕር ዳር መካሄድ ጀመረ።

የአማራ ሊግ ክለቦች የ2013 ዓ.ም የማጠቃለያ ውድድር በባሕር ዳር መካሄድ ጀመረ።

ባሕር ዳር፡ ግንቦት 07/2013 ዓ.ም (አሚኮ)በአማራ ክልል እግር ኳስ ፌዴሬሽን አዘጋጅነት ዛሬ መካሄድ በጀመረው የአማራ ሊግ ክለቦች የማጠቃለያ እግር ኳስ ውድድር 16 ክለቦች በአራት ምድብ የሚሳተፉ ይሆናል።

የውድድሩ ዋነኛ ዓላማ ክልሉን ወክለው በሀገር አቀፍ የክልል ክለቦች ሻምፒዮና ውድድር የሚሳተፉ የእግርኳስ ቡድኖችን መለየት ነው። በዚህ ውድድር የተሻለ ውጤት የሚኖራቸው ቡድኖች ወደ አንደኛ ሊግ ለማደግ በሀገር አቀፍ የክልል ክለቦች ሻምፒዮና ይጫወታሉ። ከዚህ ቀደም በአማራ ሊግ ውድድር 32 ክለቦች በአራት ምድብ ይጫወቱ ነበር። ለማጠቃለያ ውድድር የሚቀርቡትም ስምንት ቡድኖች ብቻ ነበሩ። በተያዘው ዓመት ግን በኮሮና ቫይረስ ወረርሽኝ ምክንያት ውድድሩ በሰባት ምድብ ተከፍሎ በርካታ ቡድኖች እንዲሳተፉ ተደርጓል፣ የኮሮናቫይረስ ስርጭትን ለመከላከልና ለመቆጣጠርም በየምድቡ የተወዳዳሪ ቡድኖች ቁጥር እንዲቀንስ ተደርጓል።

ለማጠቃለያ ውድድሩም 16 የእግር ኳስ ቡድኖች ቀርበዋል። የተወዳዳሪ ቡድኖች ቁጥር መጨመር የተሻለ አቅም ያላቸውን ክለቦች ለመምረጥ ሰፊ እድል ይሰጣል ብለዋል የአማራ ክልል እግርኳስ ፌዴሬሽን ጽሕፈት ቤት ኀላፊ ገበያው ዋለ።

አማራ ክልልን በመወከል በሀገር አቀፍ የማጣሪያ ውድድሮች ላይ የሚሳተፉ ክለቦች በተለይ ከቅርብ ጊዜያት ወዲህ ውጤታማ መሆን እየተሳናቸው ነው። ለዚህም የሚደረገው የገንዘብና የቴክኒክ ድጋፍ ወጥነት የጎደለው መሆን እና የክለቦች አደረጃጀትና የገንዘብ አቅም ጠንካራ አለመሆን ዋነኛ ምክንያት መሆኑን አንስተዋል አቶ ገበያው። ይህንን መነሻ በማድረግ የአማራ ክልል ክለቦች ከክልል ሊግ ወደ አንደኛ ሊግ፣ ከአንደኛ ሊግ ወደ ከፍተኛ ሊግ እንዲሁም ከከፍተኛ ሊግ ወደ ፕሪሚዬር ሊግ እንዲያድጉ ይሠራል ብለዋል። ምንም እንኳን ዘግይቶ ቢሆንም በተያዘው የውድድር ዓመት ጨዋታዎችን ተከታትሎ ክፍተቶችን የሚገመግምና ክለቦች ጠንካራ እንዲሆኑ ሙያዊ ድጋፍ የሚያደርግ ኮሚቴ ተዋቅሮ ሥራ ጀምሯል ብለዋል።

በዛሬው መርኃ ግብር በአማራ ሊግ ውድድሮች ከየምድባቸው በአንደኝነት ላጠናቀቁ ቡድኖች የዋንጫ ሽልማት ሥነ ሥርዓት ተካሂዷል።

የአማራ ሊግ ክለቦች የማጠቃለያ ውድድር እስከ ግንቦት 18/2013 ዓ.ም የሚቆይ መሆኑንም ከመርኃ ግብሩ መረዳት ተችሏል።

በምድብ አንድ በተደረጉ ጨዋታዎች ቡሬ ከገንዳ ውኃ 0 ለ 0 እንዲሁም አዲስ ቅዳም ከሸዋ ሮቢት 1 ለ 1 ፤ በምድብ አራት ደግሞ አዴት ከ አምሓራ ሳይንት 1 ለ 1 እንዲሁም ደምቢያ ከጣና በለስ 0 ለ 0 ተለያይተዋል፡፡

ዘጋቢ:- ደጀኔ በቀለ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

የጸጥታ ችግር የተፈጠረባቸው የሰሜን ሸዋ ዞንና የኦሮሞ ብሔረሰብ አስተዳደር አዳራቸው ሰላማዊ መሆኑን አስተዳደሮቹ ገለፁ፡፡

admin

ኢትዮጵያዊ አንድነት በእኩልነት – ጆቢር ሔይኢ ከሁስተን ቴክሳስ | Ethiopian News | ዘ-ሐበሻ | Latest News Provider

admin

ኢትዮጵያ ሐሳብን በነፃነት የመግለጽ እና ለፕሬስ ነፃነት መከበር የማይናወጥ አቋም አላት – የኢትዮጵያ መገናኛ ብዙኃን ባለሥልጣን

admin