79.66 F
Washington DC
June 19, 2021
Satenaw Ethiopian News/Breaking News
Amharic News

የተፈናቀሉ ዜጎችን ወደ ቀያቸው ለመመለስ በትብብር እየተሰራ ነው – አቶ አገኘሁ ተሻገር

አዲስ አበባ፣ ሰኔ 3፣ 2013(ኤፍ ቢ ሲ) በተለያየ ጊዜ ከክልሉና ከሌሎች አካባቢዎች ተፈናቅለው በአማራ ክልል የሚገኙ ወገኖችን ወደ ቀያቸው ለመመለስ በትብብር እየተሰራ መሆኑን የክልሉ ርዕሰ መስተዳድር አቶ አገኘሁ ተሻገር አስታወቁ።

ርዕሰ መስተዳድሩ ደቡብ ወሎ ዞን ኩታበር ከተማ በጊዜያዊ መጠለያ የሚገኙ የተፈናቀሉ ዜጎችን ዛሬ ጎብኝተዋል።

ርዕሰ መስተዳድሩ በጉብኝቱ በወቅት እንደገለፁት፥ ከክልሉ ውጭ የተፈናቀሉትን ወደ ቀያቸው ለመመለስ ከተለያዩ የክልል ከፍተኛ አመራሮችና ባለድርሻ አካላት ጋር ተደጋጋሚ ውይይት መደረጉን ተናግረዋል።

ከኦሮሚያ ክልል የመጡ ተፈናቃዮችን ወደ ቀደመ ቀያቸው ለመመለስ በክልሎቹ በአመራር ደረጃ እስከ ወረዳ የዘለቀ ውይይት መደረጉን አመላክተዋል።

ተፈናቃዮችን ያለምንም ስጋት መመለስ እንዲቻል የፀጥታ መዋቅሩ ሰላም የማስከበር ስራውን በትኩረት እያከናወነ እንደሚገኝም ርዕሰ መስተዳድሩ ገልጸዋል።

ሰላም መስፈኑ በተረጋገጠባቸው አካባቢዎች የተፈናቀሉ ዜጎችን መመለስ መጀመሩንም አቶ አገኘሁ አስታውቀው፥ ቀሪዎቹን በአስቸኳይ ወደ ቀደመ ቀያቸው በመመለስ የመኸር ወቅት ሳያልፋቸው የግብርና ስራቸውን አንዲያከናውኑ እየተሰራ መሆኑን አብራርተዋል።

ተፈናቃዮች ወደ ቀደመ ቀያቸው ተመልሰው ለመኖር የስነ ልቦና ዝግጅት ማድረግ እንደሚጠበቅባቸውም አስገንዝበዋል።

ተፈናቃዮችን በዘላቂነት ለማቋቋም በሚደረገው ጥረት ሁሉም የኢትዮጵያ ህዝብ በባለቤትነት እንዲንቀሳቀስም ርዕሰ መስተዳድሩ ጥሪ አቅርበዋል።

“ተፈናቃዮች ሁኔታዎች ተመቻችተው ወደ ቀደመ ቀያቸው እስከሚመለሱ ድረስ መንግስት የእለት ምግብና መሰል ቁሳቁሶችን ከህዝብ ጋር በመተባበር ያቀርባል” ብለዋል።

የደቡብ ወሎ ዞን አደጋ መካላከል ምግብ ዋስትና ልዩ ድጋፍ የሚሹ አካባቢዎች ማስተባበሪያ ተጠሪ ጽህፈት ቤት ሃላፊ አቶ መሳይ ማሩ በበኩላቸው፥ ከተለያዩ አካባቢዎች ተፈናቅለው በዞኑ የሚኖሩ ዜጎችን ቁጥር ከ21 ሺህ በላይ ደርሷል ማለታቸውን ኢዜአ ዘግቧል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

“የአድዋ ድል 125 ዓመታት ወደኋላ ተሻግሮ በእናት ሀገር ልጆች ብርቱ ተጋድሎ እና ታላቅ መስዕዋትነት የተመዘገበ የጋራ አኩሪ ታሪካችን ነው” ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን

admin

ሼህ ሰኢድ መሀመድ የኢድ አልፈጥር በዓልን ምክንያት በማድርግ በፈለገ ሕይወት አጠቃላይ ስፔሻላይዝድ ሆስፒታል ተገኝተው ሕሙማንን ጠየቁ፡፡

admin

ሥለ ኢሳት ግድ ይለናል – ዳኛቸው ቢያድግልኝ

admin