76.62 F
Washington DC
June 15, 2021
Satenaw Ethiopian News/Breaking News
Amharic News

የብሔራዊ አደጋ ስጋትና ስራ አመራር ኮሚሽን የአሰራር ለውጥ ሊያደርግ ነው

አዲስ አበባ፣ ግንቦት 28፣ 2013(ኤፍ ቢ ሲ) የብሔራዊ አደጋ ስጋትና ስራ አመራር ኮሚሽን የኢትዮጵያን ወቅታዊ ሁኔታ በሚመጥን መልኩ የአሰራር ለውጥ ሊያደርግ መሆኑን አስታወቀ።

ኮሚሽኑ በአሰራር ለውጡ አጠቃላይ ይዘት ላይ የሠላም ሚኒስቴርን ጨምሮ መንግስታዊና መንግስታዊ ካልሆኑ ተቋማት ከተውጣጡ አካላትጋር ምክክር እያካሄደ ይገኛል።

የተቋሙ ኮሚሽነር አቶ ምትኩ ካሳ እንደገለጹት፥ በአየር ንብረት ለውጥ የሚከሰቱ የተፈጥሮ አደጋዎች የአሰራር ለውጥ ለማድረግ ዋነኛ ምክንያት ናቸው።

የከፋ የጎርፍ አደጋ በተደጋጋሚ መከሰት፣ የበሽታ ወረርሽኞች መስፋፋት፣ የህዝብ ቁጥር መጨመርና የኢኮኖሚ እድገትን ተከትሎ የከተሞች መስፋፋትን ለአብነት አንስተዋል።

የቴክኖሎጂ እድገት፣ የአገሪቱ የጂኦ-ፖለቲካ አቀማመጥ እና ተለዋዋጭ አገራዊ፣ አህጉራዊና ዓለም አቀፋዊ ሁኔታዎችም ሌሎች ተጠቃሽ ምክንያቶች መሆናቸውን ኮሚሽነሩ ጠቅሰዋል።

የሠላም ሚኒስትር ዴኤታ ፍሬዓለም ሽባባው በበኩላቸው፥ የአሰራር ለውጡ ኮሚሽኑን ለዜጎች አኗኗር የሚመጥን ዘመናዊና ትልቅ ተቋም እንደሚያደርገው ያላቸውን እምነት ገልጸዋል።

ኮሚሽኑ የዲጂታል አሰራርን በመከተል የኢትዮጵያን ወቅታዊ ሁኔታ የሚመጥን ተቋም መሆን እንደሚጠበቅበትም አስገንዝበዋል።

የብሔራዊ አደጋ ስጋትና ስራ አመራር ኮሚሽን በ1966 ዓ.ም የተቋቋመ ሲሆን፥ እየተገበረ ያለው ፖሊሲና ስትራቴጂ 47 ዓመታትን ማስቆጠሩን ኢዜአ ዘግቧል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

መሠረታዊ የኮምፒውተር ደህንነት መጠበቂያ መንገዶች

admin

የኢትዮጵያ ብሔራዊ ምርጫ ቦርድ ለ6ተኛው አገራዊ የምርጫ ኦፕሬሽን መዋቅር እና ከክልል መስተዳድሮች የሚጠበቁ ሚናዎችን ዝርዝር አስቀመጠ

admin

በደቡብ ክልል የምርጥ ዘር ፍላጎትን ለማሟላት ዝግጅት ማድረግ እንደሚገባ ተገለፀ

admin