51.91 F
Washington DC
May 11, 2021
Satenaw Ethiopian News/Breaking News
Amharic News

የቅዱስ ላልይበላ ውቅር አብያተ ክርስቲያናት የጥገና ጥናት፣ ውጤትና ዝርዝር አሠራር ለማኅበረሰቡ ቀርቦ ውይይት እየተደረገበት ነው፡፡

የቅዱስ ላልይበላ ውቅር አብያተ ክርስቲያናት የጥገና ጥናት፣ ውጤትና ዝርዝር አሠራር ለማኅበረሰቡ ቀርቦ ውይይት እየተደረገበት ነው፡፡

ባሕር ዳር፡ መጋቢት 03/2013 ዓ.ም (አብመድ) በውይይቱ የቅዱስ ላልይበላ ውቅር አብያተ ክርስቲያናት በሰው ሰራሽና ተፈጥሮአዊ ሁኔታዎች ምክንያት ለከፋ ችግር ተጋልጠው መቆየታቸው ተነስቷል፡፡

ቅርሶቹን ከጉዳት ለመታደግ በየዘመናቱ ጥገና የተደረገ ቢሆንም የቅርሶቹን ነባራዊ ሁኔታ ግምት ውስጥ ያላስገባ በመሆኑ ከጥቅሙ ይልቅ ጉዳቱ አመዝኖ መቆየቱን የዘርፉ ምሁራን ይናገራሉ፡፡ አብያተ ክርስቲያናቱን ከመፍረስ ለመታደግ ማኅበረሰቡ ለተከታታይ ዓመታት መንግሥትን ሲጠይቅ ቆይቷል፡፡

ከዛሬ 13 ዓመት በፊት ቅርሶቹን ከዝናብና ከፀሐይ ለመታደግ ተብሎ የተሸራው መጠለያም ከሚሰጠው አገልግሎት ይልቅ በቅርሱ ላይ አደጋ ደቅኗል፡፡ ችግሩን ለመቅረፍ ጠቅላይ ሚኒስትር ዐቢይ አሕመድ (ዶ.ር) ወደ ስልጣን ከመጡ ማግስት ጀምሮ በተደጋጋሚ ቅርሱን በመመልከት ችግሩን ለመፍታት ከፈረንሳይ መንግሥት የበጀትና የባለሙያ ድጋፍ እንዲገኝ ስምምነት በመፍጠር ባለፉት ሁለት ዓመታት የጥገና ሥራው አንድ አካል የሆነው ጥናት ሲካሄድ ቆይቷል፡፡

ጥናቱን ያጠኑት የፈረንሳይ አርክቴክቶች የጥናቱን ውጤት ለሚመለከታቸው የማኅበረሰብ ክፍሎች በማቅረብ ውይይት ተደርጎበታል፡፡

የላልይበላ ከተማ አስተዳደር ባህል ቱሪዝምና ስፖርት ጽሕፈት ቤት ኃላፊ መሪጌታ መልካሙ ዓለሙ እንደሚሉት ቅርሱን ለመጠገን በተገባው ቃል መሰረት የጥናት ሥራው ሲሠራ ቆይቷል፡፡ በቀጣይ ወደ ጥገናው ለመግባት የቅድመ ዝግጅት ሥራዎች ማለትም የስቶር ግንባታ ሥራ፣ የጥገና ማቴሪያሎችን የማስገባት ሥራ እየተሠራ መሆኑን ተናግረዋል፡፡

የቅርስ ጥናትና ጥበቃ ባለስልጣን ምክትል ዋና ዳይሬክተር ረዳት ፕሮፌሰር አበባው አያሌው እንደሚሉት ደግሞ ቅርሶቹን ጠብቆ ለማቆየትና በአፋጣኝ የቅርስ ጥገናውን ለማድረግ የጥናት ውጤቱን ለሚመለከታቸው የሕብረተሰብ ክፍሎች በማቅረብ እንዲወያዩበት እየተደረገ ነው፡፡

የቅርሶቹን ጥገናና የመጠለያ ሥራን በተመለከተ በጥናት የተገኘውን የመፍትሄ ሃሳብ እና የአሠራር ቅደም ተከተሉን ለማኅበረሰቡ ግንዛቤ ለመፍጠርም እንደሚሠራ መግለጻቸውን ከላልይበላ ኮምዩኒኬሽን ጉዳዮች የተገኘ መረጃ ያመላክታል፡፡

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ኢዜማ በአዲስ አበባ ከተማ የመሬት ወረራ እና የጋራ መኖሪያ ቤቶች ኢፍትሃዊ ዕደላን አስመልክቶ ያደረገውን የጥናት ውጤት ይፋ አደረገ

admin

አፍሪካ እና ሩሲያ ባህላዊ ትስስራቸውን መልሰው በመገንባት ወዳጅነታቸውን ማጠናከር ይገባቸዋል – ጠ/ሚ ዐቢይ

admin

መንግስት በትግራይ ክልል ለ3 ነጥብ 1 ሚሊየን ዜጎች ድጋፍ መሰራጨቱን አስታወቀ

admin