38.1 F
Washington DC
February 27, 2021
Satenaw Ethiopian News/Breaking News
Amharic News

የሴቶች ተሳትፎና ተጠቃሚነት ለሁለንተናዊ ብልጽግና በሚል የውይይት መድረኮች ሊካሄዱ ነው

አዲስ አበባ ፣ የካቲት 10 ፣ 2013 (ኤፍ ቢ ሲ) በሴቶች ላይ የሚስተዋሉ ችግሮች በየደረጃው እንዲፈቱ ለማድረግ እና በቀጣይ በሚካሄደው ሀገራዊ ምርጫ ሴቶች ንቁ ተሳታፊ እንዲሆኑ ለማስቻል “የሴቶች ተሳትፎና ተጠቃሚነት ለሁለንተናዊ ብልጽግና” በሚል ርዕስ እስከ ቀበሌ ድረስ የንቅናቄ መድረኮች ሊካሄዱ መሆኑን የብልጽግና ፓርቲ ሴቶች ሊግ ጽህፈት ቤት አስታወቀ፡፡

የጽህፈት ቤቱ ኃላፊ ወይዘሮ መስከረም አበበ የሚፈጠረው መድረክ የሴቶችን ሁለንተናዊ ብልጽግና ለማረጋገጥ በሚደረገው ጉዞ ውስጥ እንቅፋት የሚሆኑ ችግሮችን በመለየትና በግልጽ በመነጋገር በየደረጃው ችግሮች እየተፈቱ እንዲሄዱና ሴቶች ላይ መነቃቃት በመፍጠር በአጠቃላይ የበለጸገች ህብረ ብሔራዊት ሀገር በመገንባት ሂደት ውስጥ የሴቶችን ሚና ለማሳደግ ታሳቢ ያደረገ መድረክ ነው ብለዋል፡፡

ሀላፊዋ አያይዘውም መድረኩ በክልል ደረጃ የሚጀምርና የዩኒቨርሲቲ መምህራን፣ የህግ ባለሙያዎች፣ የመንግስት ሰራተኞችና ሌሎችም ሴቶች የሚሳተፉበት መሆኑን ጠቅሰው በቅርቡ በሚካሄደው ሀገራዊና ክልላዊ ምርጫ እንደ ፓርቲ 50 በመቶ ሴቶች ዕጩ ሆነው እንዲቀርቡ መወሰኑን አውስተዋል፡፡

በጽህፈት ቤቱ የፖለቲካ ፓርቲዎችና ሲቪክ ማህበራት ዘርፍ ኃላፊ ሚኒስትር ዶክተር አለሙ ስሜ በበኩላቸው፥ የሴቶችን ዘላቂ ችግር ለመፍታት ሴቶች ተደራጅተው መንቀሳቀስ እንዳለባቸው ገልጸዋል፡፡

ሴቶችን የማብቃት፣ የማሰልጠንና የማዘጋጀት ስራ ከልዩ ልዩ ተቋማት ጋር በቅንጅት መስራት ያስፈልጋልም ማለታቸውን ከፓርቲው ያገኘነው መረጃ ያመላክታል፡፡

ሚኒስትሩ አያይዘውም ሴቶችን በምንም መንገድ ሊገድቡ የሚችሉ አመለካከቶችን መታገል እንደሚያስፈልግ ጠቅሰው፥ ለሴቶች ሁለንተናዊ ተጠቃሚነት መታገልና በቅርቡ ለሚካሄደው ሀገራዊና ክልላዊ ምርጫ 50 በመቶ ዕጩ ተወዳዳሪ እንዲሆኑ እንደ ፓርቲ በትኩረት እየተሰራ መሆኑን ተናግረዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

ለስምንት ወራት ተስተጓጉሎ የነበረው የአዋሽ – ኮምቦልቻ – ሀራ ገበያ የባቡር መስመር ዝርጋታ ስራ ተጀመረ

admin

የብሔራዊ መረጃና ደህንነት አገልግሎት ሃሰተኛ መረጃዎችን የሚያሰራጩ የማህበራዊ ሚድያ አንቂዎች ከህገወጥ ድርጊታቸው እንዲታቀቡ አሳሰበ

admin

የጎርጎራ፣ወንጪና የኮይሻ ፕሮጀክት ኢትዮጵያ ተጨማሪ የቱሪዝም ምርትና አገልግሎት እንዲኖራት በማድረግ አለም አቀፍ ተወዳዳሪነቷን የሚጨምር ነው – የኢትዮጵያ የቱሪዝም ባለሙያዎች ማህበር

admin