51.91 F
Washington DC
May 11, 2021
Satenaw Ethiopian News/Breaking News
Amharic News

“የሰው ሕይወት ተከፍሎ የሚሳካ ማንኛውም ምድራዊ ፍላጎት እና ዓላማ ጠባሳው ለትውልድ ይተርፋልና ለሀገር ሰላም እና ለሕዝብ ደኅንነት ሁላችንም በጋራ እንቁም” የኢትዮጵያ ኦርቶዶክስ ተዋሕዶ ቤተክርስቲያን

“የሰው ሕይወት ተከፍሎ የሚሳካ ማንኛውም ምድራዊ ፍላጎት እና ዓላማ ጠባሳው ለትውልድ ይተርፋልና ለሀገር ሰላም እና ለሕዝብ ደኅንነት ሁላችንም በጋራ እንቁም” የኢትዮጵያ ኦርቶዶክስ ተዋሕዶ ቤተክርስቲያን

ባሕር ዳር፡ ሚያዝያ 01/2013 ዓ.ም (አሚኮ) የኢትዮጵያ ኦርቶዶክስ ተዋሕዶ ቤተክርስቲያን በወቅታዊ ሀገራዊ ጉዳዮች ላይ መግለጫ አውጥታለች፡፡ ቤተ ክርስቲያኗ ሐይማኖታዊ፣ ማኅበራዊ፣ መንፈሳዊ እና ሕዝባዊ ግዴታዋን በየዘመኑ በመወጣት ሐዋርያዊ ተልእኳን ስትፈጽም ቆይታለች፡፡ ዛሬም የሚጠበቅባትን ሐዋርያዊና ማኅበራዊ ተልእኮ ለመፈጸም የሚቻለውን ሁሉ እያደረገች ትገኛለች፡፡ እነዚህ ተግባራት የሚመነጩት ቅድስት የቤተ ክርስቲያኗ ሐዋርያዊ ተልእኮ እና መንፈሳዊ አደራ ስለሆነም ነው፡፡

“በአሁኑ ጊዜም በሀገራችን የተከሰቱ የተፈጥሮም ሆነ ሰው ሠራሽ ችግሮች ከዕለት ወደ ዕለት እየተባባሱ ሲሄዱ ቤተ ክርስቲያን የሚጠበቅባትን ከማድረግ አልተቆጠበችም” ያለው የቤተ ክርስቲያኗ መግለጫ የቤተ ክርስቲያኗ ታሪካዊ ገዳማት፣ አበው መነኮሳት እና የአብነት መምህራን የሆኑ ሊቃውንት በአንድነት ኾነው ካለባቸው መንፈሳዊ ግዴታ አኳያ በሀገሪቱ አካባቢ ትምህርት፣ ስብከት፣ ፆም እና ምህላ አውጃለች ፤ ምህረትን ከፈጣሪ ስትለምን ቆይታለች ብሏል፡፡

በሀገሪቱ አሁንም ያልተፈቱ ችግሮች መኖራቸውን በማውሳት በየአካባቢው በዜጎች ላይ ለሚፈፀመው ጥቃት ሰላምን የመፍትሄ አማራጭ ለማድረግ ሁሉም የድርሻውን እንዲወጣ ጠይቃለች፡፡ በሀገሪቱ ልዩ ልዩ አካባቢዎች ሕይወታቸውን እያጡ ያሉ ንጹሐን ዜጎች ሁኔታ አሳሰቢ በመሆኑም መንግሥት የዜጎችን ሕይወት የመጠበቅ ኀላፊነቱን እንዲወጣ ጥሪ አቅርባለች፡፡

“የሰው ሕይወት ተከፍሎ የሚሳካ ማንኛውም ምድራዊ ፍላጎት እና ዓላማ ጠባሳው ለትውልድ ይተርፋልና ለሀገር ሰላም እና ለሕዝብ ደኅንነት ሁላችንም በጋራ እንቁም” ያለው የቤተ ክርስቲያኗ መግለጫ በአስተዋይ አእምሮ ለሀገሪቱ እና ለሕዝቡ በማሰብ ሁሉም የድርሻውን እንዲወጣ “የሰላም ጥሪያችንን እናሳተላልፋለን” ብላለች፡፡

በቀጣዩ ምርጫ ተፎካካሪ ፓርቲዎችና መንግሥት ከቅስቀሳው እስከ ፍጻሜው ያለው ሂደት በሰላማዊ መንገድ እንዲፈጸም የድርሻቸውን እንዲወጡ ጠይቃለች፡፡

የታላቁ የሕዳሴ ግድብ ፍጻሜ ሊያገኝ እየተቃረበ በመሆኑ መላው ዜጋ አሁንም ካለፈው በበለጠ ድጋፉን አጠናክሮ እንዲቀጥል ጥሪዋን አቅርባለች፡፡

ዘጋቢ፡- ጽዮን አበበ – ከአዲስ አበባ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

የፖለቲካ ፓርቲዎች የዕጩዎች የድጋፍ ፊርማ የማቅረብ ግዴታቸው እንዲነሳ የውሳኔ ሀሳብ ቀረበ

admin

በድባጤ ወረዳ ሳስ ማንደን ቀበሌ የእርቅ ስነ-ስርዓት ተፈፀመ

admin

ኢትዮጵያና ቻይና በጋራ ትብብር የተሰሩ ታላላቅ ፕሮጀክቶች ደህንነት ጥበቃን ለማጠናከር ስምምነት ተፈራረሙ

admin