44.76 F
Washington DC
February 26, 2021
Satenaw Ethiopian News/Breaking News
Amharic News

የሚቋቋሙ ፋብሪካዎችን እና የአርሶ አደሮችን የግብዓት አቅርቦት ትስስር ሊያግዝ የሚችል የትምህርት ክፍል መክፈቱን የደብረ ማርቆስ ዩኒቨርሲቲ አስታወቀ፡፡

የሚቋቋሙ ፋብሪካዎችን እና የአርሶ አደሮችን የግብዓት አቅርቦት ትስስር ሊያግዝ የሚችል የትምህርት ክፍል መክፈቱን የደብረ ማርቆስ ዩኒቨርሲቲ አስታወቀ፡፡

ባሕር ዳር፡ የካቲት 02/2013 ዓ.ም (አብመድ) በቅርቡ ቡሬ የተቀናጀ አግሮ ኢንዱስትሪያል ፓርክ እና ፊቤላ ኢንዱስትሪያል ኮምፕሌክስ ያስገነቧቸውን ፋብሪካዎች አስመርቀው ወደ ሥራ አስገብተዋል፡፡

ፋብሪካዎቹ ለክልሉ በተለይም ለአካባቢው አርሶ አደሮች መልካም ዕድል ይዘው እንደመጡ ተገልጿል፡፡ የተፈጠረውን መልካም ዕድል በአግባቡ ለመጠቀም የሚያስችል የግብርና ንግድ እሴት ሰንሰለት እንደሚያስፈልግ የደብረ ማርቆስ ዩኒቨርሲቲ ቡሬ ካምፓስ የግብርና ንግድ እና እሴት ሰንሰለት ሥራ አመራር ትምህርት ክፍል መምህር አቶ ውባለም ጎቤ ተናግረዋል፡፡

የግብርና ንግድ ችግሮችን ለመቅረፍ በዘርፉ የሰለጠኑ ባለሙያዎች እንደሚያስፈልጉም ገልጸዋል፡፡ የትምህርት ክፍሉ መከፈት ዋና ዓላማም የግብርና ምርት አመራረት እና ግብይትን ለማዘመን የሚያስችል እና እሴት የሚጨምር ባለሙያዎችን ማፍራት ነው ብለዋል፡፡

በዘርፉ ከሚካሄደው መደበኛ የመማር ማስተማር ሥራ በተጨማሪ አምራቹ የተሻሻሉ የግብርና ቴክኖሎጂ እንዲከተል ማገዝ፣ የግብርና ምርት ማሳደጊያ ግብዓቶችን በጥራት እንዲያገኙ መደገፍ፣ በዘርፉ ጥልቅ ጥናትና ምርምር ማካሄድ፣ ስልጠና እና ድጋፍ ማድረግ ከትምህርት ክፍሉ የሚጠበቁ ተልዕኮች ናቸውም ተብሏል፡፡

ትምህርት ክፍሉ በአርሶ አደሩ፣ በንግዱ እና በተጠቃሚው ማኅበረሰብ መካከል ያሉ ክፍተቶችን በመለየት የማኅበረሰብ አቀፍ አገልግሎት ድጋፍ እንደሚያደርግም ነው አቶ ውባለም የገለፁት፡፡

የሚሻሻለውን የግብርና ምርት አርሶ አደሩን ተጠቃሚ በሚያደርግ መልኩ ለገበያ ለማቅረብ በቅርብ ርቀት የኢንዱስትሪዎች መኖር አስፈላጊነት የጎላ እንደሆነ አቶ ውባለም ገልጸዋል፡፡ በዚህ በኩል የቡሬ የተቀናጀ አግሮ አንዱስትሪ ፓርክ እና ፊቤላ ኢንዱስትሪያል ኮምፕሌክስ ጠቀሜታቸው የላቀ ነው ብለዋል፡፡

“ከእርሻ እስከ ጉርሻ” ባለው የምርት ሂደት እና በሃገሪቱ ምጣኔ ሃብታዊ እንቅስቃሴ ውስጥ የግብርና ንግድ እና እሴት ሰንሰለት ሥራ አመራር ትምህርት ክፍል ጉልህ ድርሻ ያለው መሆኑ ተጠቅሷል፡፡

ዩኒቨርሲቲው ኢንዱስትሪዎቹ እና አርሶ አደሩ በጋራ ተጠቃሚነት እንዲዘልቁ የመማር ማስተማር፣ ጥናትና ምርምር እና ማኅበረሰብ አቀፍ አገልግሎት ለመስጠት ተዘጋጅቷልም ነው የተባለው፡፡

ዘጋቢ፡- ታዘብ አራጋው

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

በኦነግ ስም የሚንቀሳቀሱ ቡድኖች ህገወጥ ተግባራትን እንደሚያከናውኑ ተገለጸ – ESAT Amharic

admin

ፈቃድ የሌላቸው ግለሰቦችና ተቋማት በጥምቀት በዓል ድሮን መጠቀም እንደማይችሉ የፌደራል ፖሊስ ኮሚሽን አስታወቀ

admin

የኢትዮጵያ ብሔራዊ ምርጫ ቦርድ የሕወሃትን ህጋዊ ሰውነት መሰረዙን አስታወቀ

admin