72.01 F
Washington DC
June 16, 2021
Satenaw Ethiopian News/Breaking News
Amharic News

የመንግሥት ግዥና ንብረት አስተዳደር ኤጀንሲ ከሚያዝያ 4 ጀምሮ የመንግሥት ንብረት ምዝገባ ለማካሄድ ቅድመ ዝግጅት ማጠናቀቁን አስታወቀ፡፡

የመንግሥት ግዥና ንብረት አስተዳደር ኤጀንሲ ከሚያዝያ 4 ጀምሮ የመንግሥት ንብረት ምዝገባ ለማካሄድ ቅድመ ዝግጅት ማጠናቀቁን አስታወቀ፡፡

ባሕር ዳር፡ ሚያዝያ 01/2013 ዓ.ም (አሚኮ) የፌዴራል ባለበጀት መሥሪያ ቤቶችን የግዥ አፈፃፀምና የንብረት አስተዳደር ሥርዓት ተግባራዊነትን መከታተል፣ ለገንዘብ ሚኒስቴር ሪፖርት ማድረግ እና በሕግና በአፈፃፀም ሥርዓቱ ላይ የማሻሻያ ሀሳቦች ማቅረብ የመንግሥት ግዥና ንብረት አስተዳደር ኤጀንሲ ቀዳሚ ኀላፊነቱ ነው፡፡

ኤጀንሲው በአዋጅ ቁጥር 649/2001 አንቀጽ 15 ላይ በተሰጠው ኀላፊነት ከፍተኛ የመንግሥት ገንዘብ የወጣባቸው ነገር ግን ያለአገልግሎት የተከማቹ የመንግሥት ንብረቶች ምዝገባ ለማከናወን እና በቀጣይም የሚወገዱበትን ሁኔታ ለማመቻቸት ከሚያዝያ 4 እስከ 8/2013 ዓ.ም ጀምሮ ሀገራዊ የንብረት ምዝገባ ሳምንት ለማካሄድ ቅድመ ዝግጅት ማከናወኑን የኤጀንሲው ዋና ዳይሬክተር ሐጅ ኢብሳ አስታውቀዋል፡፡

ዘመናዊ የንብረት አስተዳደር ሥርዓት ለመፍጠር አጋዥ ነው በተባለው በዚህ የንብረት ምዝገባ የመንግሥት ግዥና ንብረት አስተዳደር ኤጀንሲ 31 ግብረኀይል በማዋቀር የቅድሚያ ምዝገባ ሥራውን ማጠናቀቁን እና ለተፈጻሚነቱም 190 ለሚደርሱ የመንግሥት ተቋማት በደብዳቤ አሳውቋል። ኤጀንሲው “ሥራው ተሞክሮዎች የተወሰዱበት ነው” ብሏል፡፡

በሀገሪቱ ውስጥ ለዓመታት የዘለቀ እና መግባታቸውም ሆነ መወገዳቸው ያልታወቁ ንብቶች መኖሩ እየታወቀ በቀናት ውስጥ ሥራው እንዴት ይጠናቀቃል እንዲሁም በምዝገባው የተገኙ የኢ-ፍትሐዊ የሀብት ክምችቶች ግኝት ላይ የሀብት ሽግሽግ ለማድረግ ምን ታስቧል? ሲል አማራ ሚዲያ ኮርፖሬሽን ጠይቋል፡፡

የሚካሄደውን ምዝገባ ተከትሎ አጠቃላይ ሥራ ላይ ያሉ፣ የተበላሹ እና በከፊልና በአጠቃላይ የሚወገዱ ንብረቶችን ካወቅን በኋላ ፍትሐዊነትን በተከተለ መልኩ የሚወገዱ ንብረቶች ተለይተው ይወገዳሉ፤ አገልግሎት መስጠት የሚችሉ ትርፍ ሀብቶችን ለሌሎች የማከፋፈል ሥራ ይሠራል ብለዋል።

ኤጀንሲው በአዲስ አበባ ከተማ እና ዙሪያው ላይ ከፍተኛ ውድመትን ሊያስከትል የሚችል አደገኛ የኬሚካል ክምችት ማግኘቱን አሰታውቆ ይህን ለማስወገድ የሌሎች ሀገራት የኬሚካል አወጋገድ ጥናት ተጀምራል ብሏል፡፡

ዘጋቢ፡- ጋሻው ፈንታሁን – ከአዲስ አበባ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ወጣቱ የራሱን ጉዳይ በራሱ መወሰን የሚችልበት የወጣቶች ካውንስልን ለመመስረት ውይይት ተካሄደ

admin

አይ የሰው ነገር! የጥላቻ አጥር ክልል- በአልማዝ አሰፋ – ዘረ ሰው | Ethiopian News | ዘ-ሐበሻ | Latest News Provider

admin

ከ475 ሚሊየን ብር በላይ በሆነ ወጪ የተገነባው የጎዴ የንፁህ መጠጥ ውሃ ፕሮጀክት ተመረቀ

admin