79.57 F
Washington DC
June 13, 2021
Satenaw Ethiopian News/Breaking News
Amharic News

የህወሓት ቡድን ተላላኪዎች የአገሪቱን ኢኮኖሚ ለመረበሽ በህገወጥ ተግባራት መሰማራታቸው ተገለጸ

አዲስ አበባ፣ መጋቢት 5፣ 2013 (ኤፍ ቢ ሲ) የህወሓት ቡድን ተላላኪዎች ሀሰተኛ ገንዘቦችን በማሰራጨት ህዝቡን ተጎጂ ለማድረግና ኢኮኖሚውን ለማናጋት እየሰሩ መሆኑን የሰሜን ዕዝ የዘመቻ መምሪያ ኃላፊ ተናገሩ።

ከሰሞኑ የአገር መከላከያ ሰራዊትና የፌዴራል ጸጥታ አካላት ባደረጉት ክትትል በመቀሌ ከተማ ህገ-ወጥ ገንዘብ ሲያትሙ የነበሩ ግለሰቦች በቁጥጥር ስር መዋላቸው ተገልጿል።

የሰሜን ዕዝ የዘመቻ መምሪያ ኃላፊ ኮሎኔል ካሳ መላኩ እንዳሉት ሕገ-ወጦቹ ከ570 ሺህ ብር በላይ ተመሳስሎ የተሰራ ብር በማተም ወደ ህብረተሰቡ ለማሰራጨት ሲያዘጋጁ ነው በቁጥጥር ስር የዋሉት።

በዚሁ ወቅትም በርካታ ገንዝብ ወደ ሁመራ፣ የድንበር አካባቢና ሌሎች ቦታዎች ያሰራጩ በመሆኑ ህብረተሰቡ የገንዘብ ልውውጥ ሲያደርግ ወይም ሲገበያይ ጥንቃቄ ሊያደርግ ይገባል ብለዋል።

ግለሰቦቹ ህጋዊ ንግድ ፈቃድን ከላላ በማድረግ ሕገ-ወጥ የኢትዮጵያ ብር፤ የኤርትራ ናቅፋ እና የተለያዩ አገራት ገንዘቦችን በማተም ህረተሰቡን የማሳሳትና የአገሪቱን ኢኮኖሚ የማናጋት ስራ ሲሰሩ እንደነበር አመልክተዋል።

በአሁኑ ወቅት የሕወሓት ቡድንና ተላላኪዎቹ በለመዱት ሕገ-ወጥ ተግባር ላይ ተሰማርተዋል ያሉት ሃላፊው ግለሰቦቹ ህገ- ወጥ ገንዘቦችን ከማተም በተጨማሪ ከተለያዩ መስሪያ ቤቶች ማሕተሞች ጋር በቁጥጥር ስር መዋላቸውን ተናግረዋል፡፡

የሁመራና የአካባቢው የቀበሌ መታወቂያና ተመሳስለው የተሰሩ ህገወጥ የመታወቂያ ወረቀቶችም በቁጥጥር ስር መዋላቸውን ጠቅሰዋል።

በቁጥጥር ስር የዋሉት ግለሰቦች ህገ-ወጥ ገንዘቦቹን በአማራና ትግራይ ክልሎች አዋሳኝ ቦታዎችና በሱዳንና ኤርትራ ድንበር አካባቢዎች ማሰራጨታቸውን ተናግረዋል።

እንደ ኢዜአ ዘገባ ኮሎኔል ካሳ መላኩ ህገ-ወጥ ገንዘቦቹን ወደ ህብረተሰቡ ለማሰራጨትም ትብብር የሚያደርጉ የተወሰኑ የግል ባንኮች መኖራቸውን ጠቁመው በነዚህ አካላት ላይም የጸጥታ አካላት ክትትል እያደረጉ መሆኑን አስረድተዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ፌስቡክ፡-https://www.facebook.com/fanabroadcasting

ዘወትር፦ ከእኛ ጋር ስላሉ እናመሰግናለን!

Source link

Related posts

ጽንፈኛ እና አሸባሪ ኀይሎች ባሰማሯቸው አሸባሪዎች በሰሜን ሸዋ በተለይም በአጣዬ፣በካራቆሬ፣ በሸዋሮቢት፣ማጀቴ፣አላላ፣አንጾኪያ እና አካባቢዎች በአማራ ተወላጆች ላይ እየተፈፀመ ያለውን የዘር ማጥፋት ተግባር የአማራ ምሁራን መማክርት ጉባኤ በጽኑ አወገዘ።

admin

“ሱዳን በሶስተኛ ወገን የተደገሰላትን የጦርነት ወጥመድ በመተው ችግሩን በድርድር ለመፍታት ቁርጠኛ መሆን አለባት” ጀነራል ብርሃኑ ጁላ

admin

አፍሪካዊያን ፖሊሲ አውጭዎች በመረጃ መረብ ደኅንነት ላይ በትብብር እንዲሠሩ ኢትዮጵያ ጠየቀች፡፡

admin