68.25 F
Washington DC
May 13, 2021
Satenaw Ethiopian News/Breaking News
Amharic News

“የሀገር ጠላቶችን ለማሸነፍ ኢትዮጵያዊያን በአንድነት ሊቆሙ ይገባል” ልጅ ዳንኤል ጆቴ መስፍን



“የሀገር ጠላቶችን ለማሸነፍ ኢትዮጵያዊያን በአንድነት ሊቆሙ ይገባል” ልጅ ዳንኤል ጆቴ መስፍን
ባሕር ዳር፡ ሚያዝያ 25/2013 ዓ.ም (አሚኮ) የጥንታዊት ኢትዮጵያ ጀግኖች አርበኞች ማኅበር ፕሬዝዳንት ልጅ ዳንኤል ጆቴ
መስፍን በመጪው ረቡዕ የሚከበረውን 80ኛ ዓመት የድል በዓል አስመልክቶ ለመገናኛ ብዙኃን መግለጫ ሰጥተዋል።
የሀገር ጠላቶችን ለማሸነፍ ኢትዮጵያዊያን በአንድነት ሊቆሙ እንደሚገባቸው የጥንታዊት ኢትዮጵያ ጀግኖች አርበኞች ማህበር
ፕሬዝዳንት ልጅ ዳንኤል ጆቴ መስፍን አሳስበዋል።
ኢትዮጵያ ከ80 ዓመት በፊት የገጠማት የውጪ ወረራ የሚመሳሰል ችግር እየገጠማት መሆኑን ነው የማኅበሩ ፕሬዝዳንት
የገለጹት።
የሚያዚያ 27 የድል በዓል ፕሬዝዳንት ሳኅለወርቅ ዘውዴ፣ አርበኞች እና የአዲስ አበባ ሕዝብ በተገኘበት በአራት ኪሎ
እንደሚከበር ተናግረዋል።
ኢትዮጵያ ጠላቶቿ በዘርና በሃይማኖት ሊከፋፍሏት በመጣደፍ በኃይል ሊያስፈራሩ እየሞከሩ ነው ያሉት ፕሬዝዳንቱ ጠላቶች
ህዝቡና መሪዎች እንዳይተማመኑ ሴራ እየሰሩ እንደሆነም በመግለጫቸው አንስተዋል።
ኃያላን መንግሥታት ሳይቀሩ ከግፈኞችና ከሀገር ጠላቶች ጎን ሲሆኑ የሀገር ውስጥ ባንዳዎችም ሀገር የማፍረስ ሴራው ደጋፊ
ሲሆኑ ይታያል ነው ያሉት የማኅበሩ ፕሬዝዳንት።
ኢትዮጵያ ከውስጥም ከውጪም ጠላቶቿ ቢተባበሩባትም ሊያቆስሏት ይችሉ ይሆናል እንጅ አያሸንፏትም ብለዋል ፕሬዝዳንቱ
በመግለጫቸው።
ኢትዮጵያ በድል አድራጊነት ለሕዝቦቿ ብቻ ሳይሆን ለመላው ጥቁር ሕዝብና በቅኝ አገዛዝ ስር ለነበሩ ሁሉ ተስፋና ኩራት ሆና
የቀጠለች መሆኗንም አንስተዋል።
በቀጣይም የህዳሴ ግድብን በማጠናቀቅ ኢትዮጵያ ጠላቶቿን ልታሳፍር እንደሚገባ በመግለጫቸው ላይ አመላክተዋል።
ቀጣዩን የምርጫ ጊዜም ሰላማዊ በሆነ መንገድ በማከናወን “ምርጫችን የሆነ መንግሥት በመመስረት” የሀገር ጠላቶችንና
የውስጥ ቅጥረኞችን ወደ ጠርዝ ተገፍተው እንዲወድቁ ልናደርግ ይገባል ማለታቸውን የዘገበው ኢብኮ ነው፡፡
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleበኢንቨስትመንት ስም ታጥሮ የተቀመጠው ቦታ ከ58 ሚሊዮን ብር በላይ ኪሳራ አድርሷል፡፡
Next article“የአማራ ሚዲያ ኮርፖሬሽን በቀጣናው ተፅዕኖ ፈጣሪ እንዲሆን ነው የምንፈልገው” አቶ አብርሃም አለኸኝ

Source link

Related posts

125ኛው የአድዋ ድል በዓል በኬንያ ተከበረ

admin

ለኮማንደር አትሌት ደራርቱ ቱሉ የዕውቅናና ምስጋና መርሀ ግብር እሑድ ሊካሄድ ነው

admin

መቐለን ጨምሮ የብር ቅያሪ ከተጀመረ 14 ቀናት ባለፋቸው የትግራይ ከተሞች አገልግሎቱ መጠናቀቁ ተገለፀ

admin