61.99 F
Washington DC
May 11, 2021
Satenaw Ethiopian News/Breaking News
Amharic News

ዜጎች የምርጫ ካርድ ወሰደው ዴሞክራሲያዊ መብቶቻቸውን እንዲጠቀሙና ነጻ እና ፍትሐዊ ምርጫ እንዲካሄድ የድርሻቸውን እንዲወጡ ጥሪ ቀረበ፡፡

ዜጎች የምርጫ ካርድ ወሰደው ዴሞክራሲያዊ መብቶቻቸውን እንዲጠቀሙና ነጻ እና ፍትሐዊ ምርጫ እንዲካሄድ የድርሻቸውን እንዲወጡ ጥሪ ቀረበ፡፡

የጠቅላይ ሚኒስትር ጽሕፈት ቤት 6ኛው ብሔራዊ ምርጫን በተመለከተ ጋዜጣዊ መግለጫ ሰጥቷል፡፡ ጽሕፈት ቤቱ ባወጣው መግለጫ ዜጎች የምርጫ ካርድ ወሰደው ዴሞክራሲያዊ መብቶቻቸውን እንዲጠቀሙና ነጻ እና ፍትሐዊ ምርጫ እንዲካሄድ የጋራ ጥረት እንዲያደርጉ ይበረታታሉ ብሏል።

ጽሕፈት ቤቱ ያወጣው መግለጫ እንደሚከተለው ቀርቧል፡፡

የኢትዮጵያ 6ኛው ብሔራዊ ምርጫ በግንቦት 2013 የሚካሄድ ሲሆን፣ ጥቂት ሳምንታት ብቻ ቀርተውታል። ይህ በጉጉት የሚጠበቀው የኢትዮጵያ ፌደራላዊ ዴሞክራሲያዊ ሪፐብሊክ ምርጫ በሀገራችን የሚካሄደው የመጀመሪያው ነጻ እና ፍትሐዊ ምርጫ ይሆናል ተብሎ ይታመናል። ከ2010 ዓ.ም አንስቶ በማስተዳደር ላይ የሚገኘው አመራር የፖለቲካውን ምኅዳር ለማስፋት እና ዴሞከራሲያዊ እና እውቀት ተኮር የሆነ ምቹ ከባቢ እንዲኖር ለማስቻል በቁርጠኝነት የዴሞከራሲያዊነት ጎዳናን ተያይዟል። ይህ ግብ ያለ ምንም ተግዳሮቶች እውን የሚሆን አይደለም። ይሁን እንጂ፣ የፌደራል መንግሥት ዴሞክራሲያዊነትን ይዞ ለመጓዝ ያለውን ጽኑ ፍላጎት ሳያመቻምች ቀጥሏል።

የቀደመው አስተዳደር ዴሞክራሲያዊ አገዛዝን ለመገንባት ካለመቻሉ የተነሳ፣ ኢትዮጵያ ጠንካራ እና ጤናማ ዴሞከራሲያዊ ባህል እና ልምምድ ይኖራት ዘንድ፣ በአሁኑ ወቅት አስፈላጊዎቹን ተቋማት እና አስተሳሰብ የመገንባት ሁለትዮሽ ፈተናን ተጋፍጣለች። ኢትዮጵያውያንም ሀገራቸው ለታሪኳ እና ለኩሩ ሕዝቧ መሻት በሚመጥን መልኩ፣ እንዲሁም ያላትን የተትረፈረፈ የዕድገት አቅም ባማከለ ሁኔታ፣ ሀገራቸውን ወደ አዲስ የአስተዳደር እና የብልጽግና ዘመን የማሸጋግር ዕድል ቀርቦላቸዋል። እስካሁን ድረስ፣ የፌደራል መንግሥት የመጀመሪያውን ነጻ፣ ፍትሐዊ እና ሰላማዊ ምርጫ ለማከናወን ያለው ቁርጠኝነት፣ ይህንን ግብ ለማሳካት በሚያካሂደው ያልተቋረጠ ዝግጅት አማካኝነት የተመሰከረ ነው።

ሰላማዊ እና ሕጋዊ ምርጫ እንዲካሄድ ከፌደራል ፖሊስ፣ ከጠቅላይ ዐቃቤ ሕግ፣ ከብሔራዊ መረጃና የደኅንነት አገልግሎት፣ ከመከላከያ ሚኒስቴር እና ከክልል አመራሮች ተውጣጥቶ ሀገር አቀፍ የምርጫ ደኅንነት ኮሚቴ በመንግሥት ተዋቅሯል። ዜጎች በነጻነት የመምረጥ ሕገ መንግሥታዊ መብታቸውን ይጠቀሙ ዘንድ የመንግሥት ሚና ምን መሆን እንዳለበት ውይይቶች ሲካሄዱ ቆይተዋል። ግጭት ሊከሰት እንደሚችል ጠቋሚ የሚታይባቸውን አካባቢዎች ለመለየት ኮሚቴው ልዩ ርምጃዎችን ወስዷል። ከምርጫ ጋር የተያያዙ ቅሬታዎችን ለማስተናገድም የፌደራል ጠቅላይ ፍርድ ቤት የምርጫ አቤቱታ የሚያደምጥ ችሎት አቋቁሟል። የፖለቲካ ፓርቲዎች በመላው ሀገሪቱ የምረጡኝ ቅስቀሳ በስፋት እያካሄዱ ይገኛሉ። መራጮች በእውቀት ላይ የተመሰረተ ውሳኔ ለማድረግ እንዲችሉ፣ ብሔራዊ ጠቀሜታቸው የተመሰከረላቸው ገለልተኛ የመገናኛ ብዙኃን ተቋማት እና የሲቪክ ማኅበረሰብ ተቋማት የሚሳተፉበት የተፎካካሪ የፖለቲካ ፓርቲዎች ክርክር በመካሄድ ላይ ይገኛል።

ጠቅላይ ሚኒስትር ዐቢይ አሕመድ ዴሞክራሲያዊነት እንዲስፋፋ ባላቸው የላቀ ፍላጎት እና ቁርጠኝነት ከክልል ፕሬዚደንቶች እና የብሔራዊ ምርጫ ቦርድ አመራሮች ጋር የሚያደርጉትን ስብሰባ በመቀጠል፣ በምርጫ ቅድመ-ዝግጅት ሂደቱ የሚስተዋሉ ማነቆዎችን እና ተግዳሮቶችን ለይቶ የመፍታት ጥረታቸውን ቀጥለዋል። በዚህም መሠረት፣ በየካቲት 18፣ 2013 ዓ.ም. እና በሚያዝያ 8፣ 2013 ዓ.ም. ጠቅላይ ሚኒስትሩ በበይነ መረብ በታገዘ ስብሰባ አማካኝነት፣ በየክልሉ የጸጥታና ደኅንነት ጉዳዮችን አፈጻጸም እና የምርጫ ጣቢያዎችን የዝግጅት ሁኔታ ተከታትለዋል።

ምርጫው ሊካሄድ ጥቂት ሳምንታት የቀሩት እንደ መሆኑ፣ ዜጎች በቀሪው ጊዜ በመጠቀም የምርጫ ካርድ ወሰደው ዴሞክራሲያዊ መብቶቻቸውን እንዲጠቀሙና በምርጫው አጠቃላይ ሂደት ገንቢ ተሳትፎ በማድረግ ነጻ እና ፍትሐዊ ምርጫ ይካሄድ ዘንድ የጋራ ጥረት እንዲያደርጉ ይበረታታሉ።

Source link

Related posts

በኦሮሚያ ክልል ሰላም ከማስከበሩ ተግባር ጎን ለጎን የልማት ስራዎች በታቀደላቸው የጊዜ ገደብ ማከናወን ተችሏል -አቶ ሽመልስ አብዲሳ

admin

በዳያስፖራው 1 ነጥብ 4 ቢሊየን ዶላር ባለፉት ስድስት ወራት ውስጥ ወደ ሀገር ቤት መላኩ ተገለፀ

admin

“የሀገር ጠላቶችን ለማሸነፍ ኢትዮጵያዊያን በአንድነት ሊቆሙ ይገባል” ልጅ ዳንኤል ጆቴ መስፍን

admin