55.89 F
Washington DC
April 13, 2021
Satenaw Ethiopian News/Breaking News
Amharic News

ዘ ኢኮኖሚስት የተባለ ጋዜጣ የኢትዮጵያ መንግሥት “ረሃብን እንደ መሣሪያ እየተጠቀመበት ነው” በሚል ያወጣውን ዘገባ የተሳሳተ እንደሆነ የአስቸኳይ ጊዜ አዋጅ መረጃ ማጣሪያ አስታወቀ፡፡

ዘ ኢኮኖሚስት የተባለ ጋዜጣ የኢትዮጵያ መንግሥት “ረሃብን እንደ መሣሪያ እየተጠቀመበት ነው” በሚል ያወጣውን ዘገባ የተሳሳተ እንደሆነ የአስቸኳይ ጊዜ አዋጅ መረጃ ማጣሪያ አስታወቀ፡፡

ባሕር ዳር፡ ጥር 15/2013 ዓ.ም (አብመድ) የአስቸኳይ ጊዜ አዋጅ መረጃ ማጣሪያ ለጋዜጣው በጻፈው ደብዳቤ እንደገለፀው፤ የኢትዮጵያ መንግስት ‘ረሃብን እንደመሳሪያ ተጠቅሟል’ በሚል ያወጣውን ዘገባ አውግዟል። የኢትዮጵያ መንግስትንም አይገልፅም ብሏል፡፡ የኢትዮጵያ መንግስት ባለፈው ወር ከ 31 ሽህ ሜትሪክ ቶን በላይ ምግብ ፣ ምግብ ነክ ያልሆኑ እና የህክምና አቅርቦቶችን በማሰባሰብ ወደ ትግራይ ክልል መላኩን የአስቸኳይ ጊዜ አዋጅ መረጃ ማጣሪያ አስታውሷል፡፡

መንግስት አስፈላጊ የደኅንነት ፕሮቶኮሎችን በማዘጋጀት ዜጎችን ለመጠበቅ፣ ክልሉን ለማረጋጋት እና በሀገር ክህደት የተጠረጠሩ ወንጀለኞችን ለመያዝ እየሠራ እንደሚገኝ ገልጿል፡፡

ዘ ኢኮኖሚክስ ይዞት በወጣው ጽሑፍ የፌደራል መንግሥት ህገ-መንግስታዊ ግዴታን ከማቃለሉም በላይ “መንግስት ብቁ አይደለም” በሚል ዘልፏል ብሏል የመረጃ ማጣሪያው፡፡ የሀገር መከላከያ ሠራዊት እና ሌሎች የፀጥታ ተቋማት በሕግ ማስከበር ዘመቻው ወቅት ጀግንነትን አሳይተዋል ያለው መረጃው በትግራይ ክልል ያለውን ፀጥታ በመጠበቅና መሰረታዊ ፍላጎቶችን በማረጋገጥ ረገድ የፌደራል ተቋማት፣ ኩባንያዎች እና ሌሎች አገልግሎት ሰጭዎች በክልሉ ያሉ አገልግሎቶችን ወደ ቀድሞ ሁኔታው ለመመለስ በተገቢው ፍጥነት እየሰሩ ይገኛሉ ብሏል፡፡

የህወሓት ቡድን በቴሌኮም፣ በትራንስፖርት፣ በኃይል አቅርቦት እና የባንክ አገልግሎት ጨምሮ በሕዝብና በግል መሠረተ ልማትና ንብረት ላይ ውድመት ማስከተሉን አመላክቷል፡፡

የመልሶ ግንባታ ሥራዎች ጊዜ እንደሚወስዱ እየታወቀ መንግሥት እያከናወነ ያለውን ሥራ ወደ ጎን በመተው የተሳሳተ መረጃን አጠናቅሯል ብሏል፡፡ ጽሑፉ የህወሓት ቡድንን ስልታዊ የሰብዓዊ መብት ጥሰቶች ታሪክን ከግምት ውስጥ አላስገባም ብሏል።

የኢትዮጵያ ሕዝብ ሰላምን እና የሕግ የበላይነትን ይፈልጋል ያለው መረጃ የህወሓት ቡድን ላለፉት ሦስት አስርት ዓመታት የማተራመስ፣ የሽብር እና የጅምላ ጭፍጨፋ በገንዘብ ዋነኛ ደጋፊ እንደነበርም አመላክቷል፡፡ የህወሓት ቡድንን የኢትዮጵያ ሕዝብ በተባበረ ክንድ እንዳስወገደውም ገልጿል።

የጋዜጣው ጹሕፍ ዋነኛ ስህተት አርቆ የማየት ችግር እንደሆነ የገለጸው መረጃ ማጣሪያው፤ “ያለፉት ሁለት ዓመታት ለሁሉም ኢትዮጵያውያን ህመም የነበሩ ናቸው፤ ነገር ግን የኢትዮጵያ መንግሥት በአሁኑ ወቅት ትክክለኛውን አቅጣጫ መያዙን ያምናል” ብሏል።

መንግሥት ታሪካዊ የሆነ የኢኮኖሚ፣ የፖለቲካና የማህበራዊ ጉዳዮች የለውጥ ሂደት ውስጥ መሆኑን አመልክቶ፤ ኢትዮጵያ ወደ አዲስ ዘመን ለመግባት የምታደርገውን ጥረት እውን ለማድረግ በትግራይ ክልል ያካሄደችው የህግ ማስከበር ዘመቻ የግድ አስፈላጊና ትክክለኛ እንደሆነ ገልጿል።

የረጅ ድርጅቶች፣ የድፕሎማቲክ ማኅበረሰቡ እና የሚዲያ ተቋማትም መንግሥት በትግራይ ክልል እያካሄደ ያለውን የመልሶ ግንባታ ሥራ እንዲገነዘቡም ጠይቋል፡፡

በመሆኑም መንግሥት ‘ዘ ኢኮኖሚስት’ የአፍሪካ መሪዎች ብቁ አይደሉም በማለት ያሰፈረው ጽሁፍ የሚያሳፍር መሆኑን በመግለጽ በጽኑ ማውገዙን ከአስቸኳይ ጊዜ አዋጅ መረጃ ማጣሪያ ማሕበራዊ ትስስር ገጽ የተገኘው መረጃ ያመላክታል።

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ʺሕይወቱን የሰጠላት ሀገር ለሐውልቱ መቆሚያ ስፍራ ነፈገችው”

admin

ከባሕር ዳር-ጢስ ዓባይ የአስፋልት መንገድ ግንባታ በወሰን ማስከበር ችግር ግንባታው እየተጓተተ ነው፡፡

admin

በጎንደር ከተማ አስተዳደር የአጼ ፋሲል እና የፈለገ አብዮት አንደኛ ደረጃ ትምህርት ቤቶች የማስፋፊያ የመሰረት ድንጋይ ተቀመጠ።

admin