56.68 F
Washington DC
April 21, 2021
Satenaw Ethiopian News/Breaking News
Amharic News

“ዓድዋ ኢትዮጵያውያን ልዩነታቸውን ሁሉ ትተው በአንድነት ሀገራቸውን ከወረራ ያዳኑበት አኩሪ ታሪክ በመሆኑ ትምህርት ልንወስድበት ይገባል” አምባሳደር ታየ አፅቀስላሴ

“ዓድዋ ኢትዮጵያውያን ልዩነታቸውን ሁሉ ትተው በአንድነት ሀገራቸውን ከወረራ ያዳኑበት አኩሪ ታሪክ በመሆኑ ትምህርት ልንወስድበት ይገባል” አምባሳደር ታየ አፅቀስላሴ

ባሕር ዳር፡ የካቲት 22/2013 ዓ.ም (አብመድ) 125ኛውን የዓድዋ በዓል ምክንያት በማድረግ በውጭ ከሚኖሩ ኢትዮጵያዊያን ጋር ውይይት ተካሂዷል፡፡ በኒውዮርክ፣ ኒውጀርሲ፣ ኬነቲኬት እና በሌሎች ግዛቶች ከሚኖሩ ኢትዮጵያዊያን እና ትውልደ ኢትዮጵያዊያን ጋር በበይነ መረብ ውይይት ተካሂዷል፡፡

የውይይት መድረኩ በኒውዮርክ የተመድ የኢፌዴሪ ቋሚ መልዕክተኛ አዘጋጅነት የተካሄደ ነው፡፡

በውይይቱ ላይ ፕሮፌሰር ኤፍሬም ይስሃቅ፣ ረዳት ፕሮፌሰር ሽመልስ ጉልማ፣ አምባሳደር ታየ አፅቀስላሴን ጨምሮ በርካታ ኢትዮጵያዊያን፣ ትውልደ ኢትዮጵያዊያን እና የኢትዮጵያ ወዳጆች ታድመዋል፡፡

የዓድዋ ድል በዓለም ላይ ላሉ ለመላው የጥቁር ዘሮች የነበረውን ፋይዳ ያቀረቡት በሃርቫርድ ዩኒቨርሲቲ የአፍሮ አሜሪካን ጥናት ማዕከል መስራች ፕሮፌሰር ኤፍሬም ይስሃቅ ድሉ በመሳሪያ ብዛት እና በኃይል ልዕልና የመጣ ሳይሆን የአልሸነፍም ባይነት ወኔ የወለደው ነው ብለዋል፡፡

የዚህ ዘመን ኢትዮጵያዊያን፣ ትውልደ ኢትዮጵያዊያን እና የኢትዮጵያ ወዳጆች ከአባቶቻችን ልንማር ይገባል ነው ያሉት፡፡

በሀገሪቱ ያለውን ችግር በዓድዋ የመተባበር መንፈስ ልንቀርፍ ይገባል ብለዋል።

ኢትዮጵያዊያን ታላቅ ሕዝቦች ናቸው ያሉት ደግሞ ጸሐፊ እና ደራሲ ጄፍ ፒርስ ናቸው፡፡ ‹‹የተሽነፉ የቅኝ ገዥ ኀይሎችን ይቅርታ ማድረግ የኢትዮጵያዊያንን ቅንነትና አስተዋይነት የሚያሳይ ነው›› ብለዋል ጄፍ ፒርስ

በዓድዋ ድል የነበረውን የመተባበር እና የአሸናፊነት መንፈስ ለአሁኒቷ ኢትዮጵያ የሚኖረውን አንድምታ አስመልክቶ ገለፃ ያደረጉት በስቶኒብሮክ ዩኒቨርሲቲ የዘመናዊ አፍሪካ ታሪክ እና ፖለቲካ ተመራማሪ ረዳት ፕሮፌሰር ሽመልስ ጉልማ ናቸው፡፡

የታላቁ የኢትዮጵያ ህዳሴ ግድብ ግንባታ ዳግም የዓድዋን ድል ብስራት የምናረጋግጥበት ፕሮጀክት በመሆኑ ለግድቡ ፍጻሜ መሳካት በጋራ መቆም እንደሚያስፈልግ ተናግረዋል፡፡

የዓድዋ ድል በሰው ኃይልና በጦር መሳሪያ ብዛት የተገኘ ሳይሆን በነበረው የኢትዮጵያዊያን አንድነት የተገኘ ድል መሆኑንም አብራርተዋል።

በተመድ የኢፌዴሪ መንግስት ቋሚ መልዕክተኛ አምባሳደር ታየ አፅቀስላሴ “የዓድዋ ድል ኢትዮጵያ የረጅም ዘመን ስልጣኔና አኩሪ ታሪክ ባለቤት መሆኗን፣ በረጅም ዘመን ታሪኳ ጎልተው እና ደምቀው ከሚታወቁና ከሚታወሱ በርካታ የታሪክ ሁነቶች መካከል አንዱ ነው ” ብለዋል፡፡

የዓድዋ ድል የኢጣልያን ወራሪና ቅኝ ገዥ ኃይል ቅስም በመስበር የኢትዮጵያን ነጻነት ያስከበረ ታሪካዊ ሁነት እንደሆነ ገልጸዋል።

“ዓድዋ ለኢትዮጵያውያን የአይበገሬነት፣ የጀግንነት፣ የሕብረት፣ የአንድነት ምልክት እንደሆነ ሁሉ ኢትዮጵያውያን ልዩነታቸውን ትተው በአንድነት ሀገራቸውን ከወረራ ያዳኑበት አኩሪ ታሪክ በመሆኑ ትምህርት ልንወስድበት ይገባል ነው” ያሉት።

መረጃውን ያደረሰን በለንደን የኢትዮጵያ ኤምባሲ ነው፡፡

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

አቶ ደመቀ መኮንን ከአውሮፓ ህብረት አምባሳደሮችና ከሀገራቱ ተወካዮች ጋር ተወያዩ

admin

ፕሬዚዳንት ሳህለወርቅ ዘውዴ ሀረር ገቡ

admin

‹‹ተለመነኝ መዛርድ፣ ተለመነኝ ዘወልድ ባክህ ስንየ ስገድ እሺ በለኝ ክፍሎ፣ ራያና ቆቦ ዋጃና አላማጣ መሆኒና ጨርጨር ከደጋጎች ሀገር ልቤ ይርጋ ወሎ።››

admin