64.54 F
Washington DC
June 12, 2021
Satenaw Ethiopian News/Breaking News
Amharic News

ወጣቶች በመደማመጥ የክልሉን ሰላም የመጠበቅ ኃላፊነታቸውን እንዲወጡ የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ጠየቀ።



ወጣቶች በመደማመጥ የክልሉን ሰላም የመጠበቅ ኃላፊነታቸውን እንዲወጡ የአማራ ክልል የመንግሥት ኮምዩኒኬሽን ጉዳዮች
ጽሕፈት ቤት ጠየቀ።
ባሕር ዳር፡ ሚያዝያ 12/2013 ዓ.ም (አሚኮ) የአማራ ክልል የመንግሥት ኮምዩኒኬሽን ጉዳዮች ጽሕፈት ቤት ዋና ዳይሬክተር
ግዛቸው ሙሉነህ እንዳሉት ማንነትን መሠረት ያደረጉ ጥቃቶች እና የጸጥታ ችግሮች በተለያዩ አካባቢዎች እየተከሰቱ ይገኛል።
በጉዳዩ ላይም መግለጫ ሰጥተዋል።
በክልሉ ከሚያዝያ 11/2013 ዓ.ም ጀምሮ በአማራ ላይ እየደረሰ ባለው ጥቃት የሚያወግዙ ሰልፎች መካሄዳቸውን ጠቅሰዋል።
ሰልፎቹ መንግሥት የዜጎችን ሰብዓዊና ዴሞክራሲያዊ መብቶች እንዲያስጠብቅ እና ማንነትን መሠረት ያደረጉ ጥቃቶች እንዲቆሙ
መልዕክት የተላለፈበት መሆኑን አንስተዋል።
በሁሉም አካባቢዎች የተካሄዱ ሰልፎች በሰላማዊ መንገድ እንዲጠናቀቁ ወጣቶች ላደረጉት አስተዋጽኦ ምስጋናቸውን
አቅርበዋል።
ይሁን እንጂ ጠላት በክልሉ አራቱም አቅጣጫ ጥቃት ለመፈጸም ካለው ፍላጎት አኳያ እና ሀገሪቱ አሁን ካጋጠማት ችግር አንጻር
ሰልፍ የችግሩ መፍቻ ዋነኛ መፍትሔ አለመሆኑን አስገንዝበዋል።
እኩይ ዓላማቸውን ለማስፈጸም ለሚፈልጉ ኀይሎች ሰለባ ላለመሆን መጠንቀቅ ያስፈልጋል ነው ያሉት ዋና ዳይሬክተሩ።
በሰለፉ ላይ የግለሰቦችን ስብዕና የሚነኩ እና የፓርቲ ሎጎዎች ላይ ጉዳት ማድረስ ችግሮች መታረም እንደሚገባቸውም
አንስተዋል። በየትኛውም መንገድ ወጣቶች የሚጠይቋቸው ጥያቄዎች በዴሞክራሲያዊ እና በሰላማዊ መንገድ ሊሆን እንደሚገባ
ነው የገለጹት።
አቶ ግዛቸው እንዳሉት አሁን ላይ አጣዬ ላይ ችግሩ ተረጋግቷል፤ ከአጣዬ የተፈናቀሉ ዜጎች ደብረብርሃን ላይ የዕለት ድጋፍ
እየተደረገላቸው እንደሚገኝም ተናግረዋል።
ሸዋ ሮቢት አካባቢ ማኀሰበረሰቡ ወደነበረበት እየተመለሰ መሆኑንም ጠቅሰዋል። በቀጣይም ወጣቶች በመንግሥት አደረጃጀት
በመታቀፍ የክልሉን ሰላም የማስጠበቅ ኃላፊነታቸውን ሊወጡ ይገባል ብለዋል። ማኀበረሰቡም ከጸጥታ ኀይሉ እና ከመንግሥት
ጎን በመሰለፍ በንቃት አካባቢውን መጠበቅ እንደሚገባው አሳስበዋል።
መደማመጥ እና አንድነትን ማጠናከር በአሁኑ ወቅት አስፈላጊ መሆኑንም አስገንዝበዋል።
ዘጋቢ፦ ዳግማዊ ተሠራ
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleበደሴና ኮምቦልቻ ከተሞች በተመሳሳይ በአማራ ላይ እየተፈጸመ ያለውን ግድያ የሚያወግዙ ሰላማዊ ሰልፎች ተካሂደዋል፡፡

Source link

Related posts

አፍሪካ ለዓለም ሰላም መስፍን የድርሻዋን እየተወጣች  ነው- አቶ ደመቀ መኮንን

admin

ከግንቦት ወር አጋማሽ ጀምሮ የክረምት ዝናብ በተወሰኑ የኢትዮጵያ ክፍሎች ተፅዕኖ እንደሚኖረው ተገለጸ

admin

የጎንደር ዩኒቨርሲቲ 47 ሺህ 459 የተማሪ ቅበላና ጥቅል የመማር ማስተማር አቅም ላይ መድረሱን ገለፀ

admin