31.01 F
Washington DC
March 2, 2021
Satenaw Ethiopian News/Breaking News
Amharic News

ወጣቱ ትውልድ ቅድመ አያቶቹ የውጭ ወራሪን ለመመከት ያሳዩትን አንድነት በሀገር ግንባታ ሊደግመው እንደሚገባ ጥሪ ቀረበ።



ወጣቱ ትውልድ ቅድመ አያቶቹ የውጭ ወራሪን ለመመከት ያሳዩትን አንድነት በሀገር ግንባታ ሊደግመው እንደሚገባ ጥሪ ቀረበ።
ባሕር ዳር ፡ የካቲት 05/2013 ዓ.ም (አብመድ) የአማራ ክልል የአድዋ በዓል አከባበር ዐብይ ኮሚቴ የበዓሉን አከባበር አስመልክቶ ለመገናኛ ብዙኀን ዛሬ መግለጫ ሰጥቷል።
በምክትል ርእሰ መሥተዳደር ደረጃ የማኅበራዊ ክላስተር አስተባባሪና የአማራ ክልል ሠራተኛና ማኅበራዊ ጉዳይ ቢሮ ኃላፊ ዶክተር ሙሉነሽ አበበ የአድዋ ድል የመላው ዓለምን ፖለቲካ የቀየረና የመላው ጥቁር ህዝቦች በዓል በመሆኑ በልዩ ሁኔታ ለማክበር ዝግጅት መደረጉን ገልጸዋል።
በበዓሉ ላይ ገድል የፈጸሙ ጀግኖችን ታሪክ ለመጭው ትውልድ ለማስተላለፍ የተለያዩ ስያሜዎች እንደሚሰየሙላቸውም አንስተዋል።
ሴቶች እና አዝማሪዎች ለአድዋ ድል ያደረጉት አስተዋጽኦ እንደሚዘከርም ዶክተር ሙሉነሽ ገልጸዋል።
የአማራ ክልል ባህል እና ቱሪዝም ቢሮ ኃላፊ ዶክተር ሙሉቀን አዳነ የአድዋ በዓል የነጭ የበላይነትን የቀበረ፣ ለመላው የዓለም ጥቁር ህዝቦች የነጻነት አርማ መሆኑን አንስተዋል።
ባለፉት ዓመታት ለበዓሉ ይሰጥ የነበረው ትኩረት ዝቅተኛ እንደነበር የገለጹት ዶክተር ሙሉቀን የአባቶቻችን አንድነት ለማስቀጠል በሀገር አቀፍ ደረጃ በልዩ ሁኔታ ለማክበር ትኩረት መሠጠቱን አንስተዋል። በአማራ ክልልም በተለያዩ ዝግጅቶች ለማክበር ዝግጅት መደረጉን ተናግረዋል።
የፊልም ባለሙያዎች ጀግኖች አባቶች በአድዋ የሠሩትን ገድል በሙያቸው ለመጭው ትውልድ የማስተላለፍ ኃላፊነታቸውን እንዲወጡም መልዕክት አስተላልፈዋል። ወጣቶችም ጀግኖች አባቶች የውጭ ወራሪን ለመመከት ያሳዩትን አንድነት በሀገር ግንባታ ሂደቱ ሊያሳዩ እንደሚገባ አሳስበዋል።
በበዓሉ በታሪክ ምሁራን የተለያዩ ጹሑፎች፣ የኪነ ጥበብ ሥራዎች፣ ጀግኖች አባቶች ወደ አድዋ ሲዘምቱ የሚያስታውሱ የተለያዩ የጎዳና ትርዒቶች እና የአደባባይ ዝግጅቶች ይቀርባሉ።
በዓሉ በክልል ደረጃ የካቲት 21/2013 ዓ.ም በሀገር አቀፍ ደረጃ ደግሞ የካቲት 23 የሚከበር ይሆናል።
ዘጋቢ፦ ዳግማዊ ተሠራ
ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous article“የአገልግሎት ሰጪ ተቋማት ውጤታማነት የመንግሥትን ሕዝባዊ ቅቡልነት ይወስናል” ኮሚሽነር በዛብህ ገብረየስ

Source link

Related posts

በደቡብ ክልል የምርጥ ዘር ፍላጎትን ለማሟላት ዝግጅት ማድረግ እንደሚገባ ተገለፀ

admin

በኢትዮ-ጅቡቲ መስመር የሚገኘው የዳጉሩ ድኪል መንገድ ጥገና ተጀመረ

admin

በትግራይ ክልል ያለውን ተጨባጭ ዕውነታ እያዛቡ የሚያቀርቡት የኢትዮጵያን ገፅታ ለማጠልሸት የሚፈልጉ አካላት ከንቱ ምኞት ነው- በጄኔቫ ተመድ የኢፌዴሪ ቋሚ መልዕክተኛ

admin