72 F
Washington DC
June 13, 2021
Satenaw Ethiopian News/Breaking News
Amharic News

ኩባ ከኢትዮጵያ ጋር ያላትን ግንኙነት በተለያዩ ዘርፎች  ማሳደግ እንደምትፈልግ ገለጸች

አዲስ አበባ፣ ግንቦት 23፣ 2013(ኤፍ ቢ ሲ) ኩባ ከኢትዮጵያ ጋር ያላትን ግንኙነት በተለያዩ ዘርፎች ለማሳደግ ፍላጎት እንዳላት ገለጸች።

ይህ የተገለጸው በኩባ የኢትዮጵያ አምባሳደር  ሽብሩ ማሞ ከኩባ የውጭ ጉዳይ ሚኒስትር ቡሩኒ ሮድሪጌዝ ፓሪላ  ጋር  በተወያዩበት ወቅት ነው።

በውይይታቸውም ለተባበሩት መንግስታት ድርጅት የኢንዱስትሪ ልማት ድርጅት(UNIDO) ዋና ዳይሬክተርነት የአፍሪካ ሕብረት ዶክተር አርከበ እቁበይን በእጩነት ማቅረቡን በተመለከተ እና በቀጠናዊና የሁለትዮሽ ግንኙነት ላይ  ያተኮረ መሆኑ ተመላክቷል።

አምባሳደሩ ሽብሩ  ኢትዮጵያ ከኩባ ጋር ላላት ግንኙነት የላቀ ግምት እንደምትሰጥ እና የሁለቱን አገራት ዘርፈ-ብዙ ወዳጅነት ወደ ላቀ ደረጃ ለማሸጋገር እንደሚሰሩ ገልጸዋል።

በዚህም በጤና፣ በትምህርት እና በተለያዩ የእውቀትና የቴክኖሎጂ ሽግግር ዘርፎች ያለውን ግንኙነት ለማጠናከር እንዲሁም የሕዝብ ለህዝብ ግንኙነቱን ለማሳደግ ትኩረት ሰጥተው እንደሚሰሩ ገልፀዋል፡፡

ኢትዮጵያ ዶክተር አርክበ እቁባይ ለተባበሩት መንግስታት የኢንዱስትራ ልማት ድርጅት ጄኔራል ዳይሬክተርንት በዕጩነት ማቅረቧንና መጨረሻ ሦስት ዕጩዎች ውስጥ መካተታቸውን በአፍሪካ  ህብረት  በኩል ሙሉ ድጋፍ የተሰጣቸውን  የአፍሪካ  ብቸኛ  ተወዳዳሪ መሆናቸውን አምባሳደርሩ  ገልጸው÷

ዶክተር  አርከበ ካለቸው ብቃት እና  ድርጅቱን  ለመምራት  ካስቀመጡት  ሪዕይ አንጻር  ቢመረጡ ለአፍሪካ  ብቻ ሳይሆን  በማረግ ላይ ላሉ  አገራት  ጠቃሚ መሆኑን  ለውጭ ጉዳይ ሚኒስትሩ ሰፋ ያለ ገለፃ አድርገዋል።

አምባሳደሩ አያይዘውም ኢትዮጵያ የህዳሴ ግድቡን አስመልክቶ ከግብጽና ሱዳን  ጋር ያሉትን ልዩነቶች በውይይትና በድርድር ለመፍታትና ሁሉንም ወገን በጋራ ተጠቃሚ የሚያደርግ ፍትሃዊ ስምምነት እንዲደርስ ቁርጠኛ አቋም እንዳላት ገልፀዉ ድርድሩ በአፍሪካ ሕብረት ማዕቀፍ መፍትሄ የሚገኝበትን ሁኔታ እንዲፈጠር  እየሰራች መሆኑን አብራርተዋል።

በተጨማሪም ስለ ኢትዮ-ሱዳን የድንበር ውዝግብ፣ በቅርቡ ስለሚካሄደው 6ኛው አገራዊ ምርጫ እና መንግስት በትግራይ ክልል ስላካሄደው የህግ የበላይነት የማስከበር እርምጃ በተመለከተም  ለሚኒስትሩ ገለጻ አድርገውላቸዋል፡፡

የኩባ የውጭ ጉዳይ ሚኒስትር በበኩላቸው ÷የጠቅላይ ሚኒስትር ዶክተር አብይ አህመድ የሚመራው መንግስት የሚያካሂደውን የፖለቲካና የኢኮኖሚ ሪፎርም እንደሚደግፉ አአስታውቀዋል።

ከኢትዮጵያ መንግስት ጋር ተቀራርበው ለመስራት መንግስታቸው ቁርጠኛና ዝግጁ መሆኑን አረጋግጠዋል።

ኢትዮጵያ ለተባበሩት መንግስታ ድርጅት የኢንዱስትሪ ልማት ድርጅት  ያቀረበቻቸውን እጩ ኩባ በአዎንታዊ መልኩ ወስዳ እንደሚያዩት ጠቅሰው÷የሁለቱን አገራት ግንኙነት በተለያዩ ዘርፎች ማሳደግ እንደምትፈልግም ገልፀዋል፡፡

በመጨረሻም የውጭ ጉዳይ ሚኒስትሩ ኢትዮጵያ የውስጥ ጉዳይዋን ያለማንም ጣልቃ ገብነት በራሷ ለመፍታት እያደረገችው ያለው ተግባር ኩባ እንደምትደግፈውና እውቅና እንደምትሰጠው መግለጻቸውን ከውጭ ጉዳይ ሚኒስቴር ቃል አቀባይ ጽህፈት ቤት ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

 



Source link

Related posts

የእርስ በእርስ ግጭት በማስነሳት ለሰው ሕይወት መጥፋትና ለንብረት ውድመት ምክንያት ነው የተባለ ግለሰብ በ18 ዓመት ጽኑ እስራት ተቀጣ

admin

“ለሌላው መኖር ለምን ተሳነን” | አማራ ሚዲያ ኮርፖሬሽን

admin

“አይቆረጠም የድንጋይ ቆሎ ፣ አይወረወር የእሳት አለሎ ፣ ፍቅሩን ነው እንጂ ጠቡን ማን ችሎ”

admin