56.68 F
Washington DC
April 21, 2021
Satenaw Ethiopian News/Breaking News
Amharic News

ከ50 አመታት በላይ የዘለቀው የኢትዮጵያና የቻይና ግንኙነት ዘርፈ ብዙ ዉጤቶችን ማስመዝገቡን የፌዴሬሽን ምክር ቤት አፈ ጉባኤ አደም ፋራህ ገለጹ

አዲስ አበባ ፣ ጥር 16 ፣ 2013 (ኤፍ ቢ ሲ) የኢትዮጵያና የቻይና ግንኙነት ኢኮኖሚያዊ፣ ማህበራዊ፥ ፖለቲካዊና ዲፕሎማሲያዊ ዉጤቶችን ማስመዝገቡን አፈ ጉባኤ አደም ፋራህ ገለጹ

በኢትዮጵያ የቻይና አምባሳደር የሆኑት አምባሳደር ዣዖ ዢዋን ከኢፌዴሪ የፌዴሬሽን ምክር ቤት አፈ ጉባኤ አደም ፋራህ ጋር በፌዴሬሽን ምክር ቤት ጽ/ቤት ተወያይተዋል ።

በውይይታቸውም ወቅት የኢፌዴሪ የፌዴሬሽን ምክር ቤት አፈ ጉባኤ አቶ አደም ፋራህ በሀገሪቱ እየተደረጉ ያሉ የፖለቲካና ማህበራዊ ሪፎርሞች ላይ ሰፋ ያለ ማብራሪያ የሰጡ ሲሆን ሀገር በቀል የኢኮኖሚ እድገት ላይም እየተሠሩ ያሉ ስራዎች አበረታች ጅምሮች እያስመዘገቡ መሆኑን አስረድተዋል ።

ከ50 አመታት በላይ የዘለቀው ግንኙነት ኢኮኖሚያዊ፣ ማህበራዊ፥ ፖለቲካዊና ዲፕሎማሲያዊ ዉጤቶችን ማስመዝገቡን ተናግረዋል።

እንዲሁም የቻይና ባለሀብቶች በኢትዮጵያ በኢንቨስትመንት ዘርፍ በመሳተፍ ለስራ ዕድል ፈጣራ ያደረጉት አስተዋጽኦ የሚያስመሰግን ነው ብለዋል አፈጉባኤዉ።

አያይዘውም የኢትዮጵያ መንግስት የኮቨድ -19 ወረርሽኝ ለመከላከል ባደረገው ጥረት ዉስጥ የቻይና መንግስትና ህዘብ ለኢትዮጵያ ህዝብና መንግስት ያዳረጉት ድጋፍ በታሪክ የሚወሳ መሆኑን ገልፀዋል ።

በተጨማሪም በሁሉም ክልሎች ለቻይና ኢንቨስተሮች አስፈላጊ ትብብር አንዲደረግና የአፍሪካ -ቻይና ግንኙነት እንዲጠናከር የኢትዮጵያ መንግሥት እንደሚሰራ አፈጉባኤ ለአምባሳደሩ ገልጸዋል ።

አዲሱ የቻይና አምባሰደር ዣዖ ዢዋን በበኩላቸው የኢትዮጵያ ሁሉንአቀፍ ሪፎም የሚደነቅ መሆኑን ገልፀው አሁንም የቻይና መንግስት ለኢትዮጵያ መንግሥት የሚያደርገውን ሁለተናዊ ድጋፍ አጠናክሮ የሚቀጥል መሆኑን ለአፈጉባኤው ገልጸዋል ።

በተለይም ኢትዮጵያ የምታካሂደውን የመሠረተ ልማት ስራዎች ለማገዝ የቻይና መንግስት ቁርጠኛ አቋም ያለው መሆኑን አምባሳደሩ አሳዉቀዋል ።

ኢትዮጵያም የአፍሪካ -ቻይና ግንኙነት ወደ ላቀ ደረጀ ለመሸጋገር ለምታደርገው ጥረት የቻይና መንግስት ትልቅ አክብሮት የሚሰጥ መሆኑን አምባሳደሩ ተነግረዋል ።

በመጨረሻም ቻይና ከኢትዮጵያ ጋር የላትን ግንኙነት አጠናክራ የምትቀጥል ይሆናል ማለታቸውን ከምክር ቤቱ ያገኘነው መረጃ ያመላክታል።

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-
የፋና ድረ ገጽ https://www.fanabc.com/ ይጎብኙ፤
ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ
ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ
ከዚህ በተጨማሪም በትዊተር ገጻችን https://twitter.com/fanatelevision ይወዳጁን
ዘወትር ከእኛ ጋር ስላሉ እናመሰግናለን!



Source link

Related posts

ፍላጎትና ጥረት ካለ ሰላምና መረጋጋትን መፍጠር እንደሚቻል የሶማሌ ክልል ማሳያ ነው – የሰላም ሚኒስትር ሙፈሪያት ካሚል

admin

“የወልቃይት እና የራያ ጉዳይ ያከተመለት ነው” (አቶ ቹቹ አለባቸው)

admin

የኢትዮጵያ ፖስታ አገልግሎት ድርጅት ባለፉት ስድስት ወራት ከ230 ሚሊየን ብር በላይ ገቢ ማግኘቱን አስታወቀ

admin