82.62 F
Washington DC
June 22, 2021
Satenaw Ethiopian News/Breaking News
Amharic News

“እያንዳንዱ የፖለቲካ ፓርቲ የሕዝቡን ደኅንነት ለማረጋገጥ በቅንጅት መሥራት መቻል አለበት እንጂ መወነጃጀል መፍትሔ አያመጣም” መኮንን አለኸኝ (ዶክተር)

“እያንዳንዱ የፖለቲካ ፓርቲ የሕዝቡን ደኅንነት ለማረጋገጥ በቅንጅት መሥራት መቻል አለበት እንጂ መወነጃጀል መፍትሔ አያመጣም” መኮንን አለኸኝ (ዶክተር)

ባሕር ዳር፡ ሚያዝያ 13/2013 ዓ.ም (አሚኮ) ከአሚኮ ጋር ቆይታ ያደረጉት በደብረ ማርቆስ ዩኒቨርሲቲ የፖለቲካል ሳይንስ መምህሩ ዶክተር መኮንን አለኸኝ በአማራ ሕዝብ ላይ የሚደርሰው ግድያ ወቅታዊ ሳይሆን መሠረቱ የቆየ እንደኾነ አስረድተዋል፡፡ ችግሩ ለ30 ዓመታት የቆየ እና መፍትሔ ሳይሰጠው የመጣ መኾኑንም ተናግረዋል፡፡ የችግሩ መነሻ ሕገመንግሥቱ ነው፤ ሕገመንግሥቱ የአማራን ሕዝብ አለመወከሉን በመጥቀስ፡፡

“ሕገ መንግሥቱ ወደ አንቀፆቹ ከመግባቱ በፊት መነሻው በራሱ መሠረታዊ ስህተት አለበት” ብለዋል፡፡ ይዞት የተነሳው መሠረታዊ ችግር ሳይስተካከል እንዳለ መቀጠሉ የችግሩ አባባሽ ምክንያት እንደሆነም ጠቅሰዋል፡፡ ሕገ መንግሥቱ የሁሉንም ኢትዮጵያውያን ይሁንታ ይዞ ካልተነሳ በስተቀር ችግሮችን በዘላቂነት ለመፍታት አስቻጋሪ እንደሚኾንም ነው የተናገሩት፡፡

የመንግሥት ተቀዳሚ ተግባሩ የሕዝብን ሠላምና ደኅንነት ማስጠበቅ በመሆኑ ቅድሚያ ሊሠጠው እንደሚገባ አመላክተዋል፡፡

ምሁሩ መንግሥት የሚቋቋመው፣ ስልጣን የሚሰጠው እና ግብር የሚከፈለው በአግባቡ ሕዝብን እንዲመራ፣ የሕዝብን ሠላም እና ደኅንነትን እንዲጠብቅ ነው ብለዋል፡፡ መንግሥት ሠላምና ደኅንነትን ማስጠበቅ ካልቻለ የሕዝብ ህልውና አደጋ ውስጥ እንደሆነ በመጥቀስ፡፡ እንደዚህ አይነት ችግር ሲፈጠር ሕዝብን አወያይቶ ከአንድ መፍትሔ ላይ መድረስ እንደሚገባም አመላክተዋል፡፡

የሠላምና ደኅንነት ችግር ላይ ሲወድቅ የጸጥታና የፍትሕ ተቋማትን አሠራርን መፈተሽ፣ ኀላፊነታቸውን ባልተወጡ የመንግሥት የሥራ ኃላፊዎችን ተጠያቂ ማድረግ እንደሚገባም ዶክተር መኮንን አብራርተዋል፡፡

መንግሥት ልማትና እድገት እንዲያመጣ ቢጠበቅበትም ቀዳሚው ተግባሩ ግን ሰላምን ማስጠበቅ እንደኾነ ዶክተር መኮንን አስረድተዋል፡፡

የፖለቲካ ፓርቲዎችም ትኩረታቸውን ሰላምና ደኅንነት ላይ ማድረግ አለባቸውም ብለዋል፡፡

ዶክተር መኮንን እንዳሉት መንግሥትና ሕዝብ ቅርብ የሆነ ግንኙነት ሊኖራቸው ይገባል፤ ግንኙነታቸውም በመደማመጥ ላይ የተመሰረተ መሆን አለበት፤ የሚፈፀሙ ችግሮችን ክፍተት ለማስተካከል መሥራትና መንግሥት የሄደበትን ርቀት በየጊዜው ለሕዝብ ግልፅ ማድረግ ይገባዋልም ብለዋል፡፡ የሕዝብ ግንኙነት ሥራ በጥንቃቄ መሠራት መቻል አለበትም ነው ያሉት፡፡

የሕዝቡ ጥያቄ “ሰላሜን ጠብቁልኝ” እንጂ ሌላ አለመሆኑን አንስተው መንግሥትም ጥያቄውን ተፈጻሚ ማድረግ ይገባዋልም ባይ ናቸው፡፡ ችግሮቹን ለመፍታት ከሕዝብ ጋር ግልፅ የሆነ ውይይት ማድረግ እንደሚገባም መክረዋል፡፡ ለችግሩ መፍትሔ ለመሻት መንግሥት ከሕዝብ ጋር በጋራ መሥራት እንደሚጠበቅበት ነው ምሁሩ የገለጹት፡፡

“ፈተናዎችን በሰከነ መንገድ ማለፍ ተገቢ ነው” ያሉት ዶክተር መኮንን በስሜት መፍትሔ ናቸው የሚባሉ ነገሮች ለበለጠ ችግር ሊያጋልጡ ስለሚችሉ ቆም ብሎ ማሰብ እንደሚገባ ጠቁመዋል፡፡

ምሁሩ እንደጠቆሙት መንግሥት በተግባር የሕዝቡ ተወካይ መሆኑን ማሳየት መቻል አለበት፤ የሕዝቡን ችግር በቁርጠኝነት እንደሚፈታ ማረጋጋጥና ችግሩን ለመፍታት ሕዝቡን ማነሳሳት ይገባዋል፤ ችግር የሚሆነው ችግሩን ለመፍታት አለመቻል ሳይሆን አለመፈለግ ነው፡፡

እንደ ዶክተር መኮንን ማብራሪያ የፖለቲካ ፓርቲዎችም አካሄዳቸውን ቆም ብለው ማየት አለባቸው፤ ሀገሪቱን እየመራት ካለው መንግሥት ጋር በመሆን ሠላምና ደኅንነትን ማስጠበቅ ላይ ትኩረት ማድረግ ቀዳሚው ሊሆን ይገባል፤ እያንዳንዱ የፖለቲካ ፓርቲ የሕዝቡን ደኅንነት ለማረጋገጥ በቅንጅት መሥራት መቻል አለበት እንጂ መወነጃጀል መፍትሔ አያመጣም፤ ወደ ባሰ ችግር ያስገባልም ነው ያሉት፡፡

ዘጋቢ፡- ታርቆ ክንዴ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የሸኔን እንቅስቃሴ ለማምከን የፌደራል ፖሊስ አባላት ከአካባቢው ሚሊሻ ጋር እየሰሩ ነው

admin

አትሌት ሻለቃ ሃይሌ ገብረስላሴ በጉራጌ ዞን በኢንቨስትመንት ለመሰማራት ቦታ ተረከበ

admin

ኢትዮጵያን ከኤርትራ የአሰብ ወደብ ጋር የሚያስተሳስረው  የሜሎዶኒ መገንጠያ – ማንዳ – ቡሬ  የመንገድ ግንባታ ፕሮጀክት ሊገነባ ነው

admin