61.99 F
Washington DC
May 11, 2021
Satenaw Ethiopian News/Breaking News
Amharic News

እያመረተ ያለውን የምግብ ዘይት ምክንያታዊ በሆነ ዋጋ በመላ ሀገሪቱ እያሰራጨ መሆኑን የፊቤላ ኢንዱስትሪያል ኮምፕሌክስ አስታወቀ፡፡

እያመረተ ያለውን የምግብ ዘይት ምክንያታዊ በሆነ ዋጋ በመላ ሀገሪቱ እያሰራጨ መሆኑን የፊቤላ ኢንዱስትሪያል ኮምፕሌክስ አስታወቀ፡፡

ባሕር ዳር፡ መጋቢት 06/2013 ዓ.ም (አብመድ) 4 ነጥብ 5 ቢሊዮን ያህል ብር ወጭ የተደረገበት እና የሀገሪቱን የምግብ ዘይት ፍላጎት እጥረት ስር ነቀል በሆነ መንገድ ይፈታል ተብሎ ተስፋ የተጣለበት ፊቤላ ኢንዱስትሪያል ኮምፕሌክስ ተመርቆ ወደ ሥራ የገባው በቅርቡ ነበር፡፡

ፋብሪካው እያመረተው ያለውን የምግብ ዘይት ምክንያታዊ በሆነ ዋጋ በመላ ሀገሪቱ እያሰራጨ መሆኑን የፊቤላ ኢንዱስትሪያል ኮምፕሌክስ ዋና ሥራ አስፈፃሚ አቶ እንየው ዋሴ ለአብመድ ገልጸዋል፡፡

የፊቤላ ኢንዱስትሪያል ኮምፕሌክስ የምግብ ዘይት ተደራሽነት ገበያውን በማረጋጋት አስተዋጽኦው የጎላ መሆኑን ዋና ሥራ አስፈፃሚው ገልጸዋል፡፡ የንግድ ሚኒስቴር በጅምላ እንዲረከቡ ፈቃድ የሰጣቸው እና ኮታ የደለደለላቸው ጅምላ አከፋፋዮች ከድርጅቱ ቀርበው እየተረከቡ መሆኑን አቶ እንየው ተናግረዋል፡፡

እስካሁን ባለው የርክክብ ሂደትም አምባሰል፣ ወንዶ፣ ግሪን ኤንድ ኮፊ፣ ኤግል፣ አለ በጅምላ፣ ኢት ፍሩት እና ቢፍቱ አዱኛ የተሰኙ ድርጅቶች እየተረከቡ መሆኑን አስታውቀዋል፡፡ የምግብ ዘይቱ ለአንድ ሊትር ከ39 ብር ከ05 ሳንቲም እስከ 42 ብር ከ19 ሳንቲም በሚደርስ ሂሳብ እየተከፋፈለ ነው ብለዋል፡፡ የዋጋ ልዩነቱ በጀሪካን መጠን ብቻ የተለያየ እንደሆነ በመጥቀስ፡፡

እንደ ዋና ሥራ አስፈጻሚው መረጃ ፋብሪካው አሁን ላይ በቀን እስከ አንድ ሚሊዮን ሊትር የሚደርስ የምግብ ዘይት እያመረተ ነው፡፡ የኢንዱስትሪ ሚኒስቴር በሚልከው ኮታ መሰረት ለአከፋፋይ ድርጅቶቹ በየጊዜው እየደረሰ መሆኑንም ዋና ሥራ አስፈፃሚው ገልጸዋል፡፡ ለገበያ እየቀረበ ያለው የምግብ ዘይት ጥራቱ የተጠበቀ እና ዋጋው ምክንያታዊ ከመሆኑም በላይ በሀገሪቱ እየተስተዋለ ካለው የፍጆታ ምርቶች የዋጋ ጭማሪ አንፃር ሲታይ የምግብ ዘይት ገበያውን በማረጋጋት ፋይዳው የጎላ መሆኑንም ነው የገለጹት፡፡ ከሕዝቡ እያገኙት ያለው ግብረ መልስም አዎንታዊ መሆኑን ነው የተናገሩት፡፡

የዘይቱን አቅርቦትና ጥራት በተመለከተም ተጠቃሚዎችንና ቸርቻሪዎችን አነጋግረናል፡፡
ሙሃመድ አህመድ ነዋሪነቱ በባህር ዳር ከተማ በተለምዶ አባይ ማዶ ወይም ቀበሌ 11 አካባቢ ነው፡፡ ሙሃመድ የገቢ ምንጩ አነስተኛ ሱቅ ነች፡፡ ሙሃመድ በአነስተኛ ሱቁ የዘይት ቸርቻሪ በመሆኑም ቦታው ስንደርስ የአካባቢው ነዋሪዎች ወርሃዊ ድርሻቸውን ለመውሰድ የፊቤላ ኢንዱስትሪያል ኮምፕሌክስ ምርት የሆነውን የምግብ ዘይት እየገዙ አገኘናቸው፡፡ ስለዘይቱ ጥራት፣ ዋጋ እና አቅርቦት የአናጋገርናቸው የአካባቢው ነዋሪዎችም ዘይቱ ለመጀመሪያ ጊዜ ስለደረሳቸው ‹‹ስለጥራቱ ተጠቅመን ብንናገር›› ካሉ በኋላ ዋጋው ግን ከዚህ ቀደም ከሚወስዱበት በእጅጉ የቀነሰ ነው ብለዋል፡፡ አቅርቦቱም ቢሆን በቂ እንደሆነ ተናግረዋል፡፡

ሙሃመድም ዘይቱን ከአምባሰል ንግድ ሥራዎች ድርጅት እንደተረከበው እና አንድ ሊትር በ45 ብር ሂሳብ እንደሚያከፋፍል ነግሮናል፡፡ የዘይቱ ጥራት በእጅጉ የተሻለ ነው የሚለው ሙሃመድ አቅርቦቱ ቀጣይነት እንዲኖረውም ጠይቋል፡፡

ዘጋቢ፡- ታዘብ አራጋው

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
በፌስቡክ https://bit.ly/2UwIpCw
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

ወጣቱ ትውልድ ቅድመ አያቶቹ የውጭ ወራሪን ለመመከት ያሳዩትን አንድነት በሀገር ግንባታ ሊደግመው እንደሚገባ ጥሪ ቀረበ።

admin

በህገ-ወጥ የገንዘብ ዝውውር የተሳተፉ የሀገር ውስጥና የውጭ ሀገራት ዜጎች በቁጥጥር ስር ዋሉ

admin

የአድዋን ድል ስናከብር የተሸረሸረውን አንድነትና ኢትዮጵያዊ እሴት ለመመለስ ቃል እየገባን መሆን አለበት – ዶክተር ሙሉ ነጋ

admin