70 F
Washington DC
April 10, 2021
Satenaw Ethiopian News/Breaking News
Amharic News

ኢትዮጵያዊያን ቀደምት የስልጣኔ አሻራዎችን ለአንድነትና ለሀገራዊ ብልፅግና ሊጠቀሙባቸው እንደሚገባ የሕዝብና የፌዴሬሽን ምክር ቤት አፈ ጉባዔዎች ተናገሩ።

ኢትዮጵያዊያን ቀደምት የስልጣኔ አሻራዎችን ለአንድነትና ለሀገራዊ ብልፅግና ሊጠቀሙባቸው እንደሚገባ የሕዝብና የፌዴሬሽን ምክር ቤት አፈ ጉባዔዎች ተናገሩ።

ባሕር ዳር፡ ጥር 17/2013 ዓ.ም (አብመድ) የሕዝብ ተወካዮች፣ የፌዴሬሽንና የክልል ምክር ቤቶች የላልይበላ ውቅር አብያተ ክርስቲያናትን ጎብኝተዋል።

የሕዝብ ተወካዮች ምክር ቤት አፈ ጉባዔ ታገሰ ጫፎ በቅዱስ ላልይበላ ውቅር አብያተ ክርስቲያናት የቀደምት ኢትዮጵያዊያንን ጥበብና የስልጣኔ አሻራ መገንዘብ ያስችላል ብለዋል።

ኢትዮጵያዊያን ከጥንት ጀምሮ ሀገራቸውን ወደ ስልጣኔ ማማ ለማድረስ በአንድነት ታሪክ ሲሰሩ እንደነበረ አመላካች መሆኑንም ገልፀዋል።

የላልይበላ ውቅር አብያተ ክርስቲያናት ቴክኖሎጂና ሌሎች ዘመነኛ አሠራሮች ባልተስፋፉበት መታነፃቸው ቀደምት አባቶች ለሀገራቸው የነበራቸውን ፅናትና ፈተናዎችንም መሻገር እንደሚቻል ትልቅ ምልክት ጥለው ያለፉበት ነው ሲሉም ተናግረዋል።

ኢትዮጵያዊያን አሁንም ታሪክ፣ እምነት፣ ባሕልና ወጋቸውን በመጠበቅ ሀገር ለማሳደግ በሚደረገው ጥረት አንድነታቸውን እንዲያጠናክሩ ጠይቀዋል።

ሀገሪቷ የላልይበላ ውቅር አብያተ ክርስቲያናትን ጨምሮ የቱሪስት መስህብ የሆኑ የሃይማኖት፣ የባሕል፣ የታሪክና የተፈጥሮ ቅርሶች ባለቤት ብትሆንም ለምጣኔ ሃብት እድገትና አንድነትን ለማጠናከር ጥቅም ላይ አለመዋላቸውን አውስተዋል።

በጠቅላይ ሚኒስትር ዐቢይ አሕመድ አነሳሽነት በአዲስ አበባና በተለያዩ የሀገሪቷ ክፍሎች እየተሠሩ ያሉ ፕሮጀክቶችን እንደ መልካም አጋጣሚ አንስተው ሁሉም ኢትዮጵያዊ ቅርሱን ለመንከባከብና ለማሳደግ ዝግጁ መሆን እንዳለበት አስገንዝበዋል።

በኮሮና ቫይረስ ወረርሽኝ ምክንያት ተቀዛቅዞ የነበረውን የቱሪዝም ዘርፍ ለማነቃቃት የወጡ መመሪያዎችን በመተግበር ለምጣኔ ሃብት ያለውን አስተዋጽኦ መጠቀም እንደሚገባም ጠቅሰዋል።

የፌዴሬሽን ምክር ቤት አፈ ጉባዔ አደም ፋራህ በበኩላቸው የላልይበላ ውቅር አብያተ ክርስቲያናት ኢትዮጵያ በርግጥም የስልጣኔ ማማ ላይ እንደነበረች የሚያሳይ መሆኑን ተናግረዋል።

ምሁራን ሕዝቦችን በሚያስተሳስሩና ሀገራዊ አንድነትን በሚያጠናክሩ ታሪካዊ ሃብቶች ላይ በማተኮር ለትውልድ ማስተላለፍ እንደሚጠበቅባቸውም መክረዋል።

“ቀደምት ኢትዮጵያዊያን ያወረሱንን መልካም ሥራዎች እንደ ስንቅ ይዘን ለቀጣይ ሀገራዊ ግንባታና ብልፅግና ልንጠቀምባቸው ይገባል” ብለዋል።

ከቀደሙ መልካም ታሪኮች በመማር ለቀጣይ የምጣኔ ሃብት እድገት፣ ለሠላም፣ ለአንድነትና ለማኅበራዊ ትስስር የሚጠቅሙ ጉዳዮች ላይ ማተኮር እንደሚገባም አስገንዝበዋል።

አንዱ የሌላውን ባሕል፣ ታሪክ፣ ወግና ቅርስ ማወቅ፤ መከባበርና መቻቻል ሀገራዊ አንድነት ለማጠናከርና ለብሔረ መንግስት ግንባታ የላቀ አስተዋጽኦ ይኖረዋል ነው ያሉት።

አዋቂዎችና ጥበበኞች የኖሩባትን ሀገር ወደነበረችበት ከፍታ ለመመለስ በኅብረትና በቁጭት በመነሳት ዘመናትን የምትሻገር ሀገር እንገንባ ያሉት ደግሞ ምክትል አፈ ጉባዔዋ ወይዘሮ ሽታዬ ምናለ ናቸው።

አባቶቻችን ከሺህ ዓመታት በፊት ያወረሱንን ታሪክ በመጠቀም ታሪክ ነጋሪ ብቻ ሳይሆን ልዩነትን በማጥበብ ለልጅ ልጆቻችን ታሪክ የምንሰራ እንሁን ብለዋል። ኢዜአ እንደዘገበው፡፡

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

“የሰው ሕይወት ተከፍሎ የሚሳካ ማንኛውም ምድራዊ ፍላጎት እና ዓላማ ጠባሳው ለትውልድ ይተርፋልና ለሀገር ሰላም እና ለሕዝብ ደኅንነት ሁላችንም በጋራ እንቁም” የኢትዮጵያ ኦርቶዶክስ ተዋሕዶ ቤተክርስቲያን

admin

ህወሓት በኦነግ ሸኔ አማካኝነት በኦሮሚያ ክልል ሊፈጽም የነበረው ጥቃት ከሽፏል – የኦሮሚያ ፖሊስ ኮሚሽን

admin

ዘመን ገፋት ዘመን ደገፋት – የጣና ዳሯን እመቤት፡፡

admin